شبكة قحطان - مجالس قحطان - منتديات قحطان - /// ((( حـبــس المشــــاعــر ))) ///

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - /// ((( حـبــس المشــــاعــر ))) /// (https://www.qahtaan.com/vb/showthread.php?t=24401)

/// ((( حـبــس المشــــاعــر ))) ///

بسم الله الرحمن الرحيم

أعزائي متواضعه تبحث عن موطئ قدم بين إبداعاتكم :

[poem=font="Simplified Arabic,6,black,bold,normal" bkcolor="transparent" bkimage="backgrounds/15.gif" border="double,medium,gray" type=2 line=0 align=center use=ex num="0,black"]
كثر حبس المشـاعر ثـور بقـلب الشقي بركان = وهتك ستر الضماير لين بين كل خـافيهـا
وكشـف سـر(ن) طـويته في ثـنايا دفتر الكتمان =علـيـه الله وكـبر نيـتـه نفـسي يعنيها
ونقض جـرح(ن) قـديم(ن) ساكن(ن) في غبة الـوجدان =وفتح للهـم درب(ن) زاد في نفـسي بلاويهـا
اداري واكتم الـعبره واسـوق النفس للنسيان =اداوي جـرحي بنـفسي وتجرحني واداويها
ومل الصبر من صبري ومـال الـكيل بالمـيزان =وعصتني دمعة(ن) ياطـول ماحـاولت اداريهـا
على اوتـار الحـزن قـلب المعنا يعزف الالحان = ولا غـيره يـرددها ولاغـيره بغـنـيهـا
ينام السـالي بليـله وطـرفي باكـي(ن) سـهران =وتـغيـب نجوم ونجوم(ن) معي تسهر واناجيها
عرفت اشكال مختلفه من اهمومي عرفت الـوان =ينادي قلبي اهمومه وتتبع صـوت داعـيها
وسارت خطوتي بارض الوهم تايـه بلا عـنوان = وسفينة حظـي العـاثر نست وجهة موانيها
ونشف غصن الهوا وانتل عرقه واحترق عطشان =وماتت لحظة الفرحه قـبل تكـمل لياليهـا
وذبـل ورد الـغرام اللي سقاه من الجفا هتان =قصيدة حـبي الـعذرا رثتني قبـل انا ارثيها
وصارت قصة العاشق تردد فـوق كل لـسان =كتـبت فصولهـا بـدمي وبدموعي ابا ارويها
ادير الفكر في حالي ويرجـع عاجـز(ن) حـيران =عجزت اميـز احـوالي من اولـها لتـاليها
خلصت من الهوى توبـه قفلت بـوجهه البيبان =وابنزع صفحتي من دفتـر العشاق واطـويها
وابنسى كل ماجـاني وابـنسى كل شي(ن) كـان =عسى رجلي عن دروب الشقا تقصر خطاويها[/poem]

وسلامتكم .