حبيب العازمي وبدهان الرمالي
 

اخواني اعضا هذا المنتدي الغالي وزواره الكرام يسعدني ان اقدم لكم هذه القصيدة
التي ادعو من الله ان تكون رسالة صادقة وخالصة لوجه الله وهي للشاعرنا
الكبير حبيب العازمي نشرت في قناه الساحه

[poem=font="Simplified Arabic,6,red,bold,normal" bkcolor="transparent" bkimage="backgrounds/16.gif" border="double,medium,blue" type=4 line=0 align=center use=ex num="0,black"]
إليك الملتجى ياذو الجلالي=إليك المشتكى في كل حالي

فمنك الامر والك الامر كله=وتحديد المصير اول وتالي

بيدك الملك والناس اجمعينا=وتفعل ما تشاء يا ذو الجلالي

إلهي يا الهي يا الهي =عليك انت اعتمادي واتكالي

اسالك يا مجيب اللي يسالك=تحقق لي مرادي من سوالي

جوابه ما يكيدك يا الهي=ولا يخفى عليك اللي طرالي

الا يالله يا مجري الذواري=ومسق الارض من غيث الخيالي

تلين قلب قبلان الشراري=وتعتق نفس بدهان الرمالي

سجين من وراء الابواب ينخى=رماه ابليس في درب الضلالي
ندم كل الندم بعد اقترافه=لذنب ترتجف منه الجبالي

ولكن رحمتك على عبادك=تكف الشمس و تمد الظلالي

واملنا فيك ثم فاللي جعلته=يصير الحق له ولا يبالي

وابا اناشدك بالله يالشراري=تسامح والتسامح رأس مالي

ترى الرحمه من الله وانته إِرحم=برحمة من جعلك تصير والي

بجاه الله ثم جاه مبدأ=على كل العرب عالي وغالي

بجاه اللي أمر بالصلح واصلح=وسمح عن من نوى بالاغتيالي

ملكنا اللي يشرفنا مجاله=ليا جاء للدول فخر ومجالي

نختك المملكه بإسمه واهلها=عبر شتى السبل والاتصالي

ونخاك العلم واصحاب الفضيله=وجولك من جنوب ومن شمالي

ونخوك الابريا والشايب اللي=على المعكاز مافيه احتمالي

ولو ان ابنك المقتول قاتل=تخيل حاجتك عند الرجالي

ولاتعلم لو انك مت قبله=او تبقى بعد موته كم ليالي

قبلك الله يا قبلان تقبل= ثواب الاخره يابن الحلالي

ترى الدنيا تزول وماعليها=وكل الخلق قافيها الزوالي

ولازال الامل بالله باقي= وبعده فيك املنا لايزالي

وفي وقفتك يا حسين اللحاوي=وفي ربعك كريمين السبالي

هذي نخوه بعثها لك العتيبي=وبعث معها العمامه والعقالي

واخذ مني سويه يالشراري=ولو مطلبك واحد من عيالي

لاتمم لك طلبك اللي طلبته=بعد ما اوحيت مافيها جدالي

وصلى الله على محمد رسوله=ولله البقى وله الكمالي[/poem]

رد : حبيب العازمي وبدهان الرمالي
 

صح لسان العازمي وبيض الله وجهك يالحد الرهيف وجعلها في موازين حسناتكم جميعا

رد : حبيب العازمي وبدهان الرمالي
 

صح لسان الشاعر الكبير حبيب العازمي


وبيض الله وجهك على النقل


واللهم اعتق رقبه بدهان يارب العالمين

رد : حبيب العازمي وبدهان الرمالي
 

رد : حبيب العازمي وبدهان الرمالي
 

بيض الله وجه حبيب العازمي والهم اجعلها في موازيين حسناته والله لايهين الحد الرهيف على هذا النقل

رد : حبيب العازمي وبدهان الرمالي
 

بيض الله وجه العازمي والله لايهينك يالحد الرهيف

رد : حبيب العازمي وبدهان الرمالي
 

بيض الله وجهك ياتركي على هذا المقال والله يجزك الجنه

رد : حبيب العازمي وبدهان الرمالي
 

جزاك الله خير ياحبيب بس يالربع وايش اخر اخبار بدهان

رد : حبيب العازمي وبدهان الرمالي
 

الحد الرهيف



أهلا وسهلا ومرحبا بك



لاهنت وشكرا جزيلا لك ..



وصح لسان الشاعر حبيب العازمي..



دام حضورك ودمت بخير

رد : حبيب العازمي وبدهان الرمالي
 

حياك الله يالحكيم ولاهنت