قصيدة ابن عضيمان في المشاعله وقحطان!!!!!!!!!!!!!!
 

[poem=font="Simplified Arabic,4,white,normal,normal" bkcolor="coral" bkimage="backgrounds/28.gif" border="double,10,sienna" type=2 line=0 align=center use=ex num="1,orangered"]
قال الصبي المشعلي تهيض= يبدع جواب مثل قطف اثمار
اول كلامي بابتدي بذكر الله= جليل الملك الواحد القهار
يارب ان تغفر جميع ذنوبي = وانك تنجينا من لهوب النار
هيضني في العشي رجم رقيته= عساه لرايح معتل اديار
حداني لذبه هاجوس طرالي= له في ضميري ميراد ومصدار
ورد الظوامي في لاهوب الكنه= على قليب جمها زغار
قم يانديبي وارتحل فوق اربع= فج النحور منتبت الاسرار
بيض اللواحي والغوارب مرق= بتر الفخوذ ونابيت الاكوار
لاروحت مايلتزم ركابها= تجفل جفيل الصيد لما ذار
تنصى بني عمي اهل الحميه = اهل الوفا شيبانهم واصغار
سلم عليهم عد ماهب الهوى= وعد الحيا من رايح المطار
هاضت اهجوسي من شي طرالي = طارف وطنا طمع به غدار
اغتر بالحيلات وبراس القلم= واخطا الدليل وغره الغرار
انصح هبيل القلب من زلاته = يطرد سراب في فياح اقفار
يبغى له دار تحتميها اهلها= اهل الفعايل ماضيين الاذكار
مشاعله في الضيق ماتخشىالخطر= من دون احدودهم مرخصين الاعمار
تشره علينا لين تشوف اوقوعنا = هرج قديم بالصحيح جهار
كم من حريب لاغزانا نرده= بمفتقات وعجلة المطيار
ترسي الحدان بغرس الرواسي= هدب الجرايد تكتسي الاثمار
في ذرى ربع تحمي حدودها= سعد الرفيق مقدرين الجار
ربعي من الجله لوادي سنام= الكبار اسود والصغارا نمار
خيالة في اللقا جل العشاير= لما اعتلوا فوق النضا وامهار
لما اعتزوا بالعزوه المعروفه= من فوق قب صوارم احرار
مثل صباح في غربي بجاد = يوم الدهينه ساقته الاقدار
يوم جات عتيبه تقتدي بشيوخها= تبغى لوارك بالقسوم خيار
ثم ركب شيخنا وانتخا في لابه= ترد المنايا ماتهاب الاخطار
لاكن حس الفرنجي في هددهم= زفق البرد لالاعه المعصار
كله لعينا مهزعت الطوارف= بيض اللواحي للجمل معطار
واسأل شجاع الخريم بالحقيقه = باعلى القصب ومن جنوب ثرار
جر الدواسر ثم غزانا صامل= ردوه اللي على البلا صبار
لحقوهم ربعي فوق كل مشمر= كل للمنيعه يثني الوقار
وصباح الجفره لحقونا المريه= ربع ابن جهيم ما لهم حكار
قاموا عليهم قومة مشهوره= باللي حشاد وضربها قرار
ومفتقات كن لميع سلالها= برق ليل لا سرى سمار
واسأل من حضر السرادح بهيه= في لقى قوم وردوا باشرار
ربع قليل عددهم صماله= ردوا طماع البل بغير ا خيار
وصباح الجثوه من ناهس علينا =يوم ثارت البندق مع الافجار
يوم وقف مصري وربع قلايل= وقفة اسود وافية الاشبار
كله لعانا اللي يطير اصرارها= من بين اجموع لارزمت بحوار
هذا صحيح والصحيح اعده= وعندي ثبات القول من شي صار
تشهد لنا الاجناب في هياتنا= واللي ما درى يسأل الحضار
يالاد مشعل بوصيكم في الظفر = تره الحل لما عميت الابصار
ياويل من حن في اللقا ضد له= وبالصلح احلى من لبن الابكار
وليا رجعنا في مدح القبايل = فكل فعله يرجح القنطار
كل ليا كال المد يوفي مده= وكل قوم في اللزوم ا خيار
ترى ال سلطان عروض المخايل= حقوق خيل ينهب الزبار
اقروم قوم تنتخي في عاطف= مخلص الهند القاطع البتار
وترى ال دهيم في اللقا وراده= لما اختلط عج الرمك بغبار
ربع تشهد لها كل القبايل= لما غدى عند الوسيق غمار
لما رفعت الصوت لال محمد= ياتيك افواج من غزير ابحار
ايسود في اللقا سباع ضواري= ياتيك الحر من ماكر الحرار
ادع سليمان حزات الشدايد= ياتيك ارجال تعجب الانظار
شيوخ وردت حوض المنيه= عند التوالي تلحق الاقصار
وترى الجحادر ماضيين الفعايل= مثل الجبل ما هزه المعصار
ولما رفعت الصوت في عبد الله= ضد الحريب وذلقت المسمار
وادع عبيده تاتيك القبايل= يشهد لها التاريخ والتذكار
حنا قحطان من عصر الصحابه= نصرت الاسلام ونلطم الكفار
هاذي فعولنا وفعول اجدودنا= يوم الجهل ومواجه الاشرار
واليوم في ذرى حكام الجزيره= اخوان نوره ممنت الاقطار
من ذا راكب اللي لا مشى= يطوي بعيد الخد والمشوار
زين التوازن مامون المكينه= شد الخواجه صنعت البيطار
جمس يخم البيض لا تحرك = لالا الفرامل لا نهمته طار
لكن ونينه لالجةا بلوفه = يقنب قنيب الذيب مع الاسحار
والا لما حس البرد من رايح= جثل مخيله باول المطار
جاني عطيه من راعي الجمايل = سعد بن عمه للرفيق استار
ابو ناصر جعل الردي افدا له= محمدا لا غلقت الاشوار
شاركني همي ما نامت اعيونه= وقرب سعدها والفلك دوار
واللي ما جاني حزات الشدايد= وقت الرخى من نفعته مختار
راعي الوفا نثنيله بالجمايل = ان قدر الله وطالت الاعمار
وصلاة ربي عد ما هل المطر = على الرسول صفوت الابرار
والقول اللي بديت به انتهيبه= ذكر الولي الواحد القهار


قصيدة ابوي/مذكر بن ناصر بن عضيمان المشعلي القحطاني (الله يدخله فسيح جناته )[/poem]

ومن قال ما يهان ولا عليكم زود

الامبراطور

السلام عليكم


قصيدة رائعه لا
لاهنت على نشرها

وادخل الله قائلها فسيح جناته
ويكفينا من القصيدة على اقل تقدير انها وثقت لعدداً
من الهيات بين قحطان وغيرها من القبائل .
ناهيك عن ماورد فيها من جزالة المعنى وسمو الهدف.




.

لا هنت لا هنت يالامبراطور

قصيدة جزلة ومن شاعر جزل

الله يرحمه ويسكنه الجنة ، عز الله ان قصيدته وااافيه ....

سلمت يمينك يالامبراطور ، ولا تبخل علينا من قصايد الوالد الله يرحمه


تقبل تحياات
اخوك
السيف النادر

لاهنت وبيض الله وجهك

حسين / السيف النادر/شبل قحطان تسلمون على المرور واهم شي خدمة قحطان ومد الشبكه بالغالي والنفيس

لاهنت يالامبرطور

ماشاء الله عليك بدايه قويه

والله يررررررحم شاااااعرنا مذكر ويسكنه الجنه اااااااااااااااااااااااااامين

ابن عاصم ياهلا والله فيك وتسلم على التشجيع لي ولكل المشاركين وهذا من طيبك



ماعليك زود يافارسنا وانا تحت خدمتكم وخدمة الشبكه واطرائك وسام شرف