شبكة قحطان - مجالس قحطان - منتديات قحطان - محمد بن جروان وقصيدة النخوه

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
يا راكب اللي يرهج الجو حسها= ويهز سطح الارض قو اشتغالها
اسبق من البارود زوعه وفره = مثل السهم لامر سرعة خيالها
طيارة من صنع جرمل وردت = تشدي نزيز رعود مزن خيالها
تمشي وتلفي لي مقادم قبايلي = وخص قحطان باسمهم لا سوااالها
يلزمك من بين الحصاتين تنزل = جنوبي الدنيا والاخرى شماالها
ارفع بصوتك وانخ فيه القبايل = تاتيك قوم تخلفك با جتهاالها
لامن لفوا من كل فيٌ وجانب = مثل الاسود الزايره با حتماالها
نب العيال الطيبين بذكرهم = خص الشيوخ وعم باقي رجاااالها
انخ الجحادر واثنهم بالنخوه = ازهم قبايلنا وصح في جاالها
تاتيك جبعان المحازم كنهم = سيل تحدر من فروع جبالها
تشبع بوردتهم سباع جايعه = تشبع وترجع بالعشا لعيالها
وانخ الحباب حزامنا لا ثارت العدا = ربع نهار الضيق تشاف افعاالها
ان جا لدخان الذخاير شوبه = ترهم جلايبها وترهم جمالها
وازهم عبيده كلهم وشيوخهم = دروعنا اللي نلتجي بظلالها
هم ربعنا اللي يرهب الحف جمعهم = وان ثارت الهيجا مشوا بظلالها
وانخوا بني هاجر مقابيس البلا = ترهم يجون لمثل ذي وامثالها
لا من نخاهم واحد من ضده = ما تطاوع الشاير ولا عذالها
يعجبك وردتهم إلى جا اللازم = لا من زبر جمع العدو واقباالها
قل تكفون يا قحطان وش ذا السكته = اقطع رجال ما تشاف افعالها
عيالكم بسجن تندب بالثرا = تنخا هل العادات واعزتالها
نعم بابن فيصل إلى جا مجاله = ما ذكر غيره واحدٍ ارتكالها
يستاهل البيضا ويستاهل الثنا = وذي جابة حق علينا مقالها
ترا الجبال الشاهقه يا ربعنا = من دون داخلها يعدي جاالها
وبناتكم ما تنوخذ لا برتوا = وعيب قبال الخلق ضم عيالها
لا عاد ما للرجال يدرا هيبه = تسقط منازلها وينزل جلاالها
وحنا نبي العيشه وستر اعراضنا = وعيالنا نبغى نسد احوالها
واقلب على شمر وتلقى لابه = ترخص ذراريها وترخص حااالها
خيار القبايل طيبين السمعه = سباع الفرايس ما احدٍ يحتاالها
تلفون ابن جبرين في ديرة له = عيد الركاب اللي تواما حباالها
هو مقدم الفضلان لا ضبضب السما = لا ضيعت خلج العشاير عياالها
فاليا سمحتوا من مورث ملبس = اللي يذكر بالقدايم افعاالها
اللي ليا عدوا شيوخ القبايل = لا وصلت الجربان ياقف جدالها
وانخوا لنا ابن شريم وانخوا بن علي = هم مزبن اللي من بعيد عناالها
يا سعد منهم باللوازم حزامه = في ساعة لا من بطل عذالها
وانخوا لنا التمياط وانخ الطواله = وانخوا لنا الوجعان حامي ثقالها
وانخ اللغيصم كلهم وانخ ربعهم = قل تكفون يا العصلان هذا مجاالها
وانخ ابن حسان راع الحويقه = له قردتاً يسطي بها حين شاالها
عيا عليها من عصاة القبايل = وعدا بحد سنانها من جالها
انخ الطنايا كلهم بالجمله = تاتي لك الشياب قبل عياالها
لعل تاتي من ديرها تمشي = وتسمع إلى انباج السفر هلالها
ما لي على الاجواد حق لازم = الا بشيمات العرب وامثالها
نخيتهم جار الزمان وظامني = ولا غيرهم لي حيلة باحتالها
وانخ السويط مخضبة جرد النمش = شيوخ الظفير مزبنة من عنالها
خيالة القروا هل الباس القوي = اللي قضت في جارها من عياالها
وانخوا ابن حلاف وانخ قبايله = ستر العذار حين ترمي شياالها
خيال قطعان تزايد جفيله = لا زاد من حس السبايا جفالها
له عادة ينزل إلى زرفل الدبش = ما احدٍ من الظفران قبله ناالها
لاصاح في جمع الحضور ترايعوا = ردوا كما سيل جدته ارماالها
دنيا كفا الله شرها غداره = كم علقت من غافل أغلاالها
جوارةٍ بوارةٍ مكاره = مثل الذي خانت شرفها بخالها
خان وجفانا الوقت صار بضدنا = وما كتب للنفس الشقيه ينالها
حريمنا لا حل طاري ذكرنا = صاحت وغير الويل ترمي دلاالها

ماكن لنا في نجد يذكر عشيره = عزاه يانفس دناها كمالها

نخيت انا الاجناب مما سطابي = نار توقد بالضمير اشتعاالها

يالله ياللي حكمة النصر بيده = هون قضيتنا وحل اشكاالها

تمت وصلى الله على سيد البشر = نبينا المعصوم عن خمالها[/poem]

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود