( عرش الزعامة) للشاعر الرايع فهد المكودر على صفحة مدارات شعبية بجريدة الجزيرة
 

أخواني يسرني ان أنقل لكم هذه القصيده الوطنية للشاعر
الراقي فهد المكودر القحطاني والتي نشرت على صفحة مدارات
شعبية بجريدة الجزيرة هذا اليوم الجمعة
الموافق26/2/1428هـ بعنوان( عرش الزعامه )

اترككم مع القصيده كما نشرت



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
من شاعر يصخر معانيه باحكام = ويرسم على جزل المعاني علامه

يا هاجسي دوّر على جزل الاقلام = واكتب كلام اللي يثمن كلامه

واسبح بحر ما دمت في الشعر عوّام =واغطس حوالي فوق تسعين قامه

عسى تجمّل حظي اللي معك قام = ولا تلحّقني القوافي ملامه

مدح المليك سنين وشهور وأيام = يعجز لساني ما يوفي مقامه

خادم بيوت الله على طول الأعوام = ومشَّي على الشريعة نظامه

أبو الأرامل والفقارا والايتام =وابو الوفا وأبو الصخا والشهامه

طيبه ملك شعبه ولا فيه أقسام = العود واللي باقي في فطامه

كل يحب الحاكم العادل التام = اللي ما ينقص شعبه الاّ سلامه

مع كل هذا جاء لهم شرق وشام = وسلّم على شعبه وزاد احترامه

كنّه يقول للشعبه الخير قدّام = ويا فقر روّح رافقتك السّلامه

أمن وأمان وخير وارزاق وانعام = وكل ينام ومهتني في منامه

واللي يغبط الشعب ما هو بيلاّم = دام ان ابو متعب خطيبه وامامه

تبقى يابو متعب وشعبك ما ينضام = يا هامةٍ تعلى على كل هامه

وتبقى لنا حاكم ومن نسل حكّام = متربع من فوق عرش الزعامه

ويبقى لنا سلطان في الموقف الهام =اللي بلغ في المجد ذروة سنامه

سلطان سلطان الفخر درع وحزام = لا صار به يوم يثور عسامه

من راس عودٍ يسهر الليل ما نام = الين خلّي النور يجلى ظلامه

هذاك أبو تركي وطير السعد حام = راس يغدّيه السطر والقرامه

عبدالعزيز اللي عمرها بالاسلام = من البحر للشام للاقصى تهامه

وحّد قبائلنا بعد كانت اقسام = وقال ارقدي يا نجد بامن وسلامه

انتم هل العوجاء عمى عين الاخصام = من ضدّكم ما يكسب الاّ الندامه

ان قام والله طاح وان طاح ما قام = ويخش راسه مثل راس النعامه

وحنّا لكم رجلٍ مجنّد وضرغام = وفالمعركه ما هي بترجف عظامه

لا من دعا الداعي على الحرب مقدام =ما حيّره ياكود صكّة حزامه

دون الوطن ناقف ونبصم بالابهام = نحيا بعز أو انّموت بكرامه

والله يديم الحكم ويعزّ الاسلام = من يومنا هذا لليوم القيامه [/poem]


فهد مبارك المكودر القحطاني

رد : ( عرش الزعامة) للشاعر الرايع فهد المكودر على صفحة مدارات شعبية بجريدة الجزيرة
 

صح لسان الشاعر فهد المكودر


شاعر مبدع واتمنى له التوفيق


وبيض الله وجهك يابو نواف على النقل


لاعدمناك


.

رد : ( عرش الزعامة) للشاعر الرايع فهد المكودر على صفحة مدارات شعبية بجريدة الجزيرة
 

اخوي ابو نواف لاهنت وبيض الله وجهك دايما متالق

وصح لسان الشاعر

رد : ( عرش الزعامة) للشاعر الرايع فهد المكودر على صفحة مدارات شعبية بجريدة الجزيرة
 

كل التوفيق لهذا الشاعر المبدع ..

رد : ( عرش الزعامة) للشاعر الرايع فهد المكودر على صفحة مدارات شعبية بجريدة الجزيرة