|
تلاعب في الترشيح واللي يبي يتأكد يدخل !!
بسم الله الرحمن الرحيم
حز في نفسي كما حز في نفوسكم يا ربعي ياقحطان خروج ابن غريب من المسابقة ويعود السبب لاوهمنا واعتقادنا بأن التأهل مضمون للشاعر / عبدالله بن غريب وذلك بسبب الفرق الشاسع والكبير بينه وبين الشاعر العراقي يوسف العصيمي ولكن اذا عرف السبب بطل العجب : (( وقبل هذا أذكركم أن الشاعر خلف بن هذال العتيبي كان في الامارات وضيف عند محمد بن زايد )) وماهو السبب ........... اليكم هذا السبب الذي حدث خلف الكواليس نقلاً من منتدى عتيبة اقتباس:
وهذة من منتدى مشاهير من الشاعر براك الزيادي العتيبي مشرف المحاورات الشعرية اقتباس:
وبهذا ياربعي انتم جبال مايهزكم ريح وبيض الله وجيهكم وسويتوا اللي عليكم وماقصرتوا وابن غريب كسبنا وكسبناه وهو في قلوب قحطان دائماً |
رد : تلاعب في الترشيح واللي يبي يتأكد يدخل !!
لاهنت مبارك
وفدى راس ابن غريب الي نبيه والمهم انا كسبنا شعار من ذا البرنامج وهم ابن ساقان وابن غريب همتكم انتو يامشرفين نبي تدعمونهم اعلامياا وتطلعونهم زي ماطلع النداوي اغلب الشعار نبي نوصلهم الى الناس كلهم نحرص على جديدهم دايمك ونسجل لهم وذا هدف اي واحد بيتكلم من مصلحه ومن تفكير واعي اما التصويت والترشيحات فالله يخلف على الي صوت <<< ترى حتى هو صوت وانصح الي بيصوت لايصوت الا لابن فطيس والباقين يركدون وذي المسابقه من الحين مهما صار فيها من تعديلات ولاغيره لاحد يشارك فيهاا خلهم وبرنامجهم القرقاح وابن شايق وقبلهم حمد وشعار قحطان ماحد رشحهم هم الي فرضو انفسهم بقصيدهم برب |
رد : تلاعب في الترشيح واللي يبي يتأكد يدخل !!
هلا وغلا
هذا ليس عذراً لنا أبداً فإذا كان رفعت نسبة يوسف الى 42 يعني متساوي مع الحبابي فلماذا لم نقوم بدعمه بالرسائل حتى يترشح بل حقيقه وأقولها وهي دائماً مره ومزعجه وقد تدعود البعض الى الزعل ولكن لقد خذلنا بن غريب كما خذلنا بن ساقان من قبله .. والسؤال الكبير اين تجار قحطان وشيوخ قحطان أهل المال والختوم والبشوت ؟ لماذا لم يفعلو مثل عتيبه !! الذين رشحو يوسف غصب عن اللجنه وعن غيرها مرتين وذلك بالتعاقد مع شركات الإتصالات ودفع المبالغ لها لتقوم بإرسال حزم بالأف الرسائل في الإمارات والسعوديه .. وكذلك ال مره لبن فطيس والله أنها قد وصلتني رسائل من شركة الإتصالات بإسم بن فطيس وكذلك العتيبي لطلب الترشح بإعاد إرسالها الى نفس الرقم وهذا بالتعاقد الذي أبرموه مع الإتصالات ثم قامو بوضع مخيمات وأجتماعات للترشيح بالرسائل وعلى حساب تجارهم وشيوخهم وأقامو العزايم والحفلات في الإستراحات ... وقد ترشح المري والمطيري والعازمي والعتيبي والشمري .. بدعم قبائلهم وخرج بن غريب بعد إن خذلناه وهذا واقع يجب عدم التهرب منه بهذا العذر فلو حصل من الترشيح بالرسائل على مانسبته 45 وليس 50 لضمن التأهل ... وقد خرج الشاعر الكبير جداً والذي كان خروجه مستغرب جداً وهو أجدر من بعض المتأهلين بسسب إتكاليتنا وخذلاننا له . بن ساقان وهذا الصحيح فقد نخاكم بن غريب على الملا ببيته الشهير لو أنخاهم على بحرٍ تبخر .... وأقول صدق ولكن هذاك يوم عاد الشيوخ والرجال اللذي يعتمد عليهم ... لكن للأسف ماتو ... قبل أن يزعل أو ياخذ أحد على خاطره أو يتدخل أحد المهايطيه ... أنا وعلي الطلاق ماقلت هذا الكلام إلا من الغيره والحميه والصعاطير اللي في راسي بعد إن طلع وهو قحطاني وشاعر السبع لغات وطلع بسببنا وأستمر البعض وهو لا يستحق بسبب ربعه والرجال اللي مافيه دم حار جعله يموت وقهرتني التعليقات من عتيبه ومطير وغيرهم وسوالاتهم واين انتو ياقحطان من بن غريب وليش ماطلع إلا هو !!!... وأرجو أن يكون هذا الكلام درس لنا في البرامج والحلاقات القادمه .. الله يحفظكم |
رد : تلاعب في الترشيح واللي يبي يتأكد يدخل !!
ابن غريب شاعر كفو
همنا وهمه الوحيد التأهل ولكن ذلك لا ينقص من حقه او قدره |
رد : تلاعب في الترشيح واللي يبي يتأكد يدخل !!
عبدالله بن شايع اوفق الراي
صدقت في كلامك وحتى لو زادو نسبة يوسف ماهوب عذر وينكم ماصوتوا وين تجار قحطان قهر قهر قهر |
رد : تلاعب في الترشيح واللي يبي يتأكد يدخل !!
اقتباس:
هذا الكلام الصحيح وش علينا من العتيبي لو دبروه الرجاجيل وحصل على 42 حنا جاتنا بارده مبرده وحصل الحبابي على 42 ليش ماكملنا الباقي على العموم اللي يستاهل المليون شعريا ابن فطيس |
رد : تلاعب في الترشيح واللي يبي يتأكد يدخل !!
البرنامج فيه تلاعب كبير ...
يوسف العصيمي هو اسوأ المجموعه ... بل ا نه يعتبر من اسوأ ال 24 المتأهلين ..!!! كيف وصل الى المرحله هذي ..!!!!! |
رد : تلاعب في الترشيح واللي يبي يتأكد يدخل !!
لا و الله غير البخل وفيها عفاك هو سبب طلوع النجم الساطع بن ساقان وبن غريب
|
رد : تلاعب في الترشيح واللي يبي يتأكد يدخل !!
كوكب زحل تقول كيف فاز قومك والله ماتدري 0بس انا اعلمك كيف فاز قوم ربعه ارتكوله وصملوا صمله رجل واحد
ولابقى عتيبي الا جاته رسالة زهم وزودك من الشعر بيت مافيه ديره للعتبان الا حطولهم مخيم او استراحه وان كنت منت مصدقني اسئل زملائك العتبان وشف وش يقوللك اما انه شعره سي فهذا لايهمني لان الدعوه تصويت وصدق العصيمي يوم يقول ربعي مخلفه الهقاوي وبالفعل اخلفوا الهقاوي وفاز ولدهم وقلبوا الطاوله على لجنة شاعر المليون ==================================== العريدي مثل ماقال اخوي عبدالله بن شايع اللي ماهوب موقف في هذي ماراح يوقف في غيرها اما تقولي ماهيب حرب الحرب اللي يكفينا شره ويبعد المسلمين عنها =============================================== بدر البشري صدقت والله ============================================== بعدين تعالوا اليس ابن غريب يمثل قحطان امام الملايين وعز ابن غريب من عز قحطان والله شي عجيب |
رد : تلاعب في الترشيح واللي يبي يتأكد يدخل !!
عبدالله بن شايع
رحاااااال انا اشهد ان ما قلتوه هو الصحيح لا تعليق اكثر وفيتوا وكفيتوا مبارك لا عدمتك |
| الساعة الآن 08:10 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com