مجاره بين القحطاني والعتيبي
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله علي كنه الذيب سرحان = حر (ن)تحت حبل الرسن مطوعاني
افجح عريض الصدر والعنق عريان = والبطن ضامر والمناكب متاني
وليا لخص كن اللواحيظ نيران = تقول جافل من حداد الاذاني
وليا اونس العرقوب تقول سكران = ياخذ شوي مع الطريق اربعاني
كن الشداد ليا اعترض عرش سلطان = قابوس سلطان البلاد العماني
وليا وطا الارض السهل تقل ثعبان = وليا عطاله وعر كنه حصاني
دايم لسفرات المناعير طربان = معجز وتحسب سرعته بالثواني
اصيل واصله بين سمحه وسمحان = محفوف ماخالط جدوده عماني
اخذ شداده والرسن يبن كبشان = والخرج والمزهب وبعض الاواني
دربك ايسار النير ويمر طينان = وتوطا نفود السر والليل داني
واسر وخل الجدي بيسرك لابان = ولا تلتفت يمة سهيل اليماني
ناحر لدار امير نجد سلمان = العاصمه ياحي هاك المباني
ولا جيتها وانته عن الكيف ضرمان = ومن طرقتك علي الذلول تعباني
انشد عن ابن سعود عايض كحيلان = قرم (ن) لضيفه لا لفى مرحباني
تلقا محله بالمناعير مليان = والقهوجي جاذ(ن) دلاله ثماني
صفرا يكيف ريحها كل عمسان = بكر(ن) يخالط هيلها زعفراني
ويطرح عشاك بدون هرجه وحلفان = عجل(ن) على الكرمه مهوبمتواني [/poem]

قصيدة الشاعر / تركي بن سليم السلات العتيبي موجهه للشاعر /عايض ابن سعود الحارثي


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله على اللي صمم بفن واتقان = جمس(ن) مقفص وارد السبرماني
عليه من شغل الخواجات عنوان = عقد الجميحي مثل وشم الغواني
ليا زما كنه من الحبس هربان = بانت له الفرجه وهو بحتياني
وليا وطاله شقة(ن) بين الاشطان = قنتر عجاجه واعتلا من طماني
صوته يشادي صوت غنج (ن) بلبنان = بسكال بنت الشايب المشعلاني
وحس البلوف ليا غداله تحنحان = كنه تفاوض مجلس البرلماني
لجة شكامينه مزامير فنان = غنا على مسحوب دانه لداني
صمم ترايستار وبدون جنحان = ولو شاك دربه ياخذه بطفحاني
في اقبالته شيخ(ن) تربع بديوان = واقفايته فزة سباع(ن) طواني
مساحتينه بالشبه وصف حجان = عذرا(ن) تلد بطرف نجل(ن) حساني
والشبك نضمة عقد لولو ومرجان = تقلدته ام الرهاف الثماني
لو ينضم بوصفه بيوت(ن) وقيفان = فنيت بيوت الشعر قبل البياني
يشفيله اللي للمواليف مشحان = ويشتاقله حر(ن) جفوه الدواني
من عقب يالمندوب حم السوبرمان = تو مابدا اللازم وان الاواني
خابرك دايم ماتعرف التمنان = خفيف نفس وللوصيه ضماني
وليا بدا في غفوته طرف نعسان = قم هاك مكتوبي ودربك اماني
من ديرة(ن) تذكر شمال(ن) من العان = مبدا مسيرك ولعفيف انحياني
خله يتمطرق بالسحر قبل الاذان = ونصه ديار معربين المجاني
ديار قوم(ن) للتقى الجمع فرسان = عندك عتيبه ممنت كل جاني
ليا اعتزو ثم شاعف الصامل جنان = ماخاب مضهود(ن) وهم له عواني
وملفاك منله بين الاجواد مقطان = للضيف والطرقي ببيته مكاني
تركي منات اللي تسلهم بالاعيان = ومنصا طروش(ن) من فجوج(ن) عواني
نادر حرار(ن) ماكره راس مابان = ويفداه من له ماكر(ن) مشبهاني
بحر(ن) يتوه بلجته كل فهمان = بالطرق يصخر كل عسر ولياني
عطه الرساله وان نشد قله فلان = شفق(ن) وشوفك رجوته والاماني
ولك السلام عداد ماهل ودان = وبل(ن) يزيد ليا هتف بغدقاني
وما هب في قفر(ن) من البيد ذنان = يوم(ن) وذكر اهل الوفا ماطراني
جاني القصيد ولا مس الجرح وجدان = وارسلتلك من فيض ما الله عطاني
خصيت عايض واعتذرلك ولا هان = ويسمحلي ان جاريت من لا عناني
بين النشاما للمجاراة ميدان = والمسك عطر بدايتي واختماني [/poem]



قصيدة الشاعر / ناصر بن وزن ال مسعود القحطاني مجراة لقصيدة العتيبي

اررررررررحب يا بو وزن بدايه رائعه

لاهنت يا لغا لي

تقبل تحيات اخيك

صح لساااااانهم


اخووووووك

ابن عااااااااااصم

سلمه والله لا يهينك ياالغالي

مشكور يا ابن عاصم والله لا يهينك اخووووك ابن وزن

تسلم يمناك يا ابن وزن لاهنت

صح السنتهم ولا هنت اخوي ابو وزن
واشهد بالله انه كفو ذا الحارثي
ما قالو فيه المدح الا انه كفو وراعي طيب

صح لسانهم الشعار وأحسنت يا ابن وزن على النقل

صح لساااانهم وسلمت يمينك


بداية موفقة يابن وزن

ننتظر المزيد من هذا المساجلات

تقبل تحياتي