|
:: محــــــــاورة بين :: عبدالله الغامدي :: وتركي 2000 :: !!
هذه المحاورة جرت بين الشاعرين عبدالله الرفاعي الغامدي وتركي الميزاني المطيري (تركي 2000) عبدالله الغامدي: سلامي بردية على مطير ومطار" "قبيلة عزيزة كنها لـي قبيلـة بشعاركم يامطير بولع النـار " "يجي تركي الالفيـن ولا بديلـة تركي 2000: هلا مرحبا ترحيبة مثل الامطار" "ليا لاح براق الحيا في المخيلـة اشوفك تهوز مطير وعيونك كبار" "ولكن لاتجلب عليـك الفشيلـة عبدالله الغامدي: عسا الله يبارك فيك كبتن وطيار" "على الطاير الميمون في كل ليلة انا شاعر معزوم من ضمن شعار" "وراعي الفشيلة مايحوش الجميلة تركي 2000: ابنصحك يابن الاجودي يدك والحـار" "ترى الزند خشمة عند خشم الفتيلـة انا امشي مع الصاحين يامجنن اشهار" "وكـلٍ علـى ماقيـل عقلـة دليلـة عبدالله الغامدي: نصايحك ياتركي هدايا وتذكـار" "تراك اجودي لانك وليد الفضيلة ترا اشهار ياصاحين جيتوه زوار" "بعد قالوا تركي تو مخلى سبيلة تركي2000 : علي الحرام انك مخرف وثرثار" "ومثلك مع العربان ما القى مثيلة ولكن روح ايمين ولا ارجع يسار" "ترى الليل توة والمسافة طويلة عبدالله الغامدي: علي الطلاق انك صغير من صغـار" "ومثلـك يحمـل بالحمـول الثقيلـة على الهون ياتركي ترى الوقت دوار" "ومثلك مع الاحـداث ياويـل ويلـة تركي 2000: تراني مابي الزلة ولا كشف الاسرار" "ابعطيك حمل فوق ظهـرك تشيلـة |
رد : :: محــــــــاورة بين :: عبدالله الغامدي :: وتركي 2000 :: !!
السلام عليكم ورحمة الله وبركاته
بيض الله وجهك يابو مناحي ولاهنت وياليت تعطينا معلومات اكثر عن هالمحاوره يعني تاريخها مكانها وعند مين القاها |
رد : :: محــــــــاورة بين :: عبدالله الغامدي :: وتركي 2000 :: !!
السلام عليكم ورحمة الله وبركاته
بيض الله وجهك على هذه المحاورة الرائعة |
رد : :: محــــــــاورة بين :: عبدالله الغامدي :: وتركي 2000 :: !!
جميلة :)
ماشاء الله اخواننا من قبيلة غامد مجتمعين هنا أبو مناحي ومقعد وصقر غامد ونعم ملايين بكم وحياكم الله بين أخوانكم وأحبابكم وتسلم يابو مناحي على كتابة المحاورة |
رد : :: محــــــــاورة بين :: عبدالله الغامدي :: وتركي 2000 :: !!
السلام عليكم ورحمة الله وبركاته
الأخ الفاضل آل معمر بيض الله وجهك طال عمرك وكلنا شرف بتواجدنا بين أخواننا وأحبابنا صبيان قحطان |
رد : :: محــــــــاورة بين :: عبدالله الغامدي :: وتركي 2000 :: !!
لاهنت يابو مناحي على محاورة ولد عمك الغامدي وهو شاعر من شعار غامد المعروفين والالفين نار على علم مايحتاج تعريف
|
رد : :: محــــــــاورة بين :: عبدالله الغامدي :: وتركي 2000 :: !!
بيض الله وجهك ولا هنت يا بو مناحي
|
| الساعة الآن 07:38 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com