سعد بن جدلان وفيصل الرياحي ((محاوره))
 

[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سعد بن جـدلان=
باسم محمد ولد هيف العواجي راعي الشآن=يا مرحبا هيل و الترحيب من فرش الكرامه
تهرجوا يا النشاما في محل سنان و عنان=من عصر جدي حياة كليب لا يوم القيامـه
فيصل الرياحي :
و النعم فيكم و الكل له مقامـه يـا كحيـلان=مادام جدك كليب العـود مـا حولـك رخامـه
دام البقى لك و له و الطيبين أصحاب و اخوان=ترحيبتك تكفي الضيفـان يـا مـال السلامـه
سعد بن جـدلان =
نبغى علومك بعد طول المغيبه يا بو سلطـان=من نجد و جبال نجد و من عسير و تهامـه
الواجب اللي من أسبابه ردود الفعل مـا زان=من دون حد الظفر و اطيب شوي من الرخامه
فيصل الرياحي =
آخر خبر طاحت الأسهم و خسر فلان و فلان=إلا الهوامير ما خسروا و لا ساقوا غرامـه
للخير ميدان معروف و بعد للشـر ميـدان=و الظاهر انك سمعت العلم و الرجل و كلامه
سعد بن جـدلان=
العام لو سرحوا فيصل بمعزا عودت ضان=و اليوم حظ الرياحي بالغنم مدري علامه
اشتل بشتك على ظهر المعفاه أم الأقشان=على زهابك بغزلان الشداد و بالمسامـه
فيصل الرياحي=
ما نيب راعي غنم راعي الغنم مثل بن جدلان=راعي الغنم لو يثور الهيج ما يربط حزامـه
إليا ذكرنا سمان الهرج قلنا زيـن و سمـان=لكن ما دري علام الهـرج متغيّـر علامـه
سعد بن جـدلان=
اللي بيبسط شـراع الحـق للحـق ميـزان=قدام قصر السلام الصبح و قصـور اليمامـه
اطلع من الوضع برا و انت مثل الصبح لا بان=ما ضيق الصدر كود اهل اللغاوي و النمامـه
فيصل الرياحي =
يا بو محمد حصى الحره ترى ما هوب رمان=الحق مثل الجمل لكن من يمسـك خطامـه
ياللي تعرض لعلم ما يخصك ليـه زعـلان=و انا بقلك وش اللي طول رقبـة النعامـه [/poem]

رد : سعد بن جدلان وفيصل الرياحي ((محاوره))
 

بيض الله وجهك يابوفيصل علي نقل هذه المحاوره الرائعه


للملك الوصف ابن جدلان وشاعر الالفيه فيصل الرياحي

رد : سعد بن جدلان وفيصل الرياحي ((محاوره))
 

ابوفيصل


ما يجيب الفرايد الجزله الا الجزل


ولا يجيب النوادر الا نادر


تحياتي


وتقديري


اخوك

رد : سعد بن جدلان وفيصل الرياحي ((محاوره))
 

هنا محاوره جزله

وهنا فطاحله شعر

وهنا ناقل مميز وفريد

تسلم يابوفيصل ولاهنت

رد : سعد بن جدلان وفيصل الرياحي ((محاوره))
 

مرحبا ومسهلا ياسعيد الحبابي

والله يحييك ويحيي مرورك العذب ولاهنت

رد : سعد بن جدلان وفيصل الرياحي ((محاوره))
 

ارحب يا علي الحبابي (ابوفيصل )


حيه وحي ما جابه



ولا هي غريبه من عمالقة الشعر



لاهنت على الجهد

رد : سعد بن جدلان وفيصل الرياحي ((محاوره))
 

يعطيك العافيه يابوفيصل محاوره رائعه وجميله

رد : سعد بن جدلان وفيصل الرياحي ((محاوره))
 

لاهنت يابو فيصل

شعار كبار وشعراء معنى

بيض الله وجهك

اخوك

رد : سعد بن جدلان وفيصل الرياحي ((محاوره))
 

حياك الله ابوسعود وحي الله مرورك العذب

رد : سعد بن جدلان وفيصل الرياحي ((محاوره))
 

الله لا يهينك

شعار على مستوى