من روائع الشاعر العملاق حمد ابن هادي المسردي (يرحمه الله)
 

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

يا عذاب الحال حل ابه انحلال= كنها تنحى اللحم عنه السلال
وانتحل حتى غدا مثل الخلال= حال عنه الحيل واصبح ناحلي

حل بالحال انحلال وانتحل= مثل عود يبس من طول المحل
عقب ما يبست عروقه واضمحل= زاوي باقصى محل ممحلي

طال صبري كل ليل وكل يوم =اتحرى للرسايل والعلوم
في ديار جوها حر وسموم= وعجها وغبارها ماينجلي

شاب راسي من فراق الخل شاب= لاتهنى لاطعام ولاشراب
وان كتبت الخط ماجاني جواب= والخبر من صاحبي مارد لي

طال يابن سويد صبري وانقضى= صابر(ن) كني على جمرالغضى
ومن هموم البال ضاق بي الفضاء= مير مايشكى على غير الولي

لي بغيت اسج واسلى واستريح =فز قلبي ثم تذكرت المليح
صاحب (ن) قلبي على شانه جريح= مخطر اني من هواه استهبلي

من نديبي فوق ماطور الحديد= سايقه مطنوخ والموتر جديد
يوصل المكتوب قدام البريد= حيث خطي جاهز مستعجلي

يانديبي قم تجهز للمراح= فوق هاف لاغدا لارض البراح
قام يطفح مثل خفاق الجناح =لانهض من راس رجم معتلي

هاف لوري فوق ماطوره صليب= منوة اللي عن هوى باله غريب
ليعطى العزم القنب يقنب قنيب= نوع ماطوره ثمان اسرندلي

من بلاد البعد يمشي بالسحر= بالغلس قدام ينباج السفر
والضحى متعدي دولة قطر= داخل سلوى ورقمه يجهلي

لوحته مجهولة من غير زور= سقطوا رقمه بابوظبي المرور
حين سافر واسمحوا له بالعبور =ضامنينه من جميع المشكلي

ضامنينه من جميع أي اعتراض= لين يدخل نجد واطراف الرياض
وامرهم نافذ ولا فيه انتقاض= ماعدا الجمرك لزوم يحصلي

ثم يسافر عقب ترتيب النمر= مثل زاروق مع غبة بحر
يجعل الوادي على دربه ممر= ناصي تثليث والمخرج ملي

يوم مسك الخط صار له اهتواش= واعجل السواق بالسرعه وشاش
مانوى الوقفه يكون بحزم جاش= صامل في نيته ومصملي

ديرة فيها بني عمي ومن =لاطروا للقلب بالخوف ارجهن
درعي الضافي على طول الزمن= لاسقى الله موطن منهم خلي

المساردة اللذي حرابهم =باللقا لازم لزوم يهابهم
ماتحديت الصعاب الا بهم= وفي حميا غيرهم لاشف لي

صيتهم في مامضى بان وظهر= وانتشر بين القبايل واشتهر
ربعي اللي مايهابون الخطر= يوم نيران الحراب تشعلي

العدو يسقونه السم اذحاح= فزعة المضيوم لاصاح الصياح
بالسيوف المرهفات وبالرماح= ضربهم مثل القضاء المنزلي

بالجهل يوم العصور السابقات= والسهام الواردة متخالفات
لاقبلوا فوق الجياد الصافنات= ارجفت سبع الاراضي تزلزلي

كم عقيد من جواده نزلوه =بالوطا جثه وراسه طيروه
مايعرف الخوف لكن ذللوه= ربعي اللي يلطمون العايلي

يشهد الله والخلايق شاهدين= ويشهد التاريخ من طول السنين
اعقل العقال واجهل جاهلين= ضد من هو ضدهم سيجهلي[/poem]

رد : من روائع الشاعر العملاق حمد ابن هادي المسردي (يرحمه الله)
 

سعيد أبو ديه


نقل موفق والله يرحمك ياحمد


أشهد لله أنه شاعر




وأذا فيه كتاب يحوي قصائده فليت تدلونا عليه وتقبلو الشكر

رد : من روائع الشاعر العملاق حمد ابن هادي المسردي (يرحمه الله)
 

شكرأ الاخ /سعيد ابوديه
ورحم الله الشاعر ////حمد هادي المسردي

رد : من روائع الشاعر العملاق حمد ابن هادي المسردي (يرحمه الله)
 

ابو عبدالهادي


سلمت على هذه الرائعه



لشامخ المرحوم حمد هادي



تحياتي

رد : من روائع الشاعر العملاق حمد ابن هادي المسردي (يرحمه الله)
 

رحمك الله ياحمد هادي

وصح لسانك



شكراً أخوي سعيد على هذه الرائعه








تحياتي

رد : من روائع الشاعر العملاق حمد ابن هادي المسردي (يرحمه الله)
 

صح لسانه ولسانك اخوي. الشاعر الكبير ابوديه

قصيده رآئــعه لاهنت على النقل..,

دمت بخــيــر..,

رد : من روائع الشاعر العملاق حمد ابن هادي المسردي (يرحمه الله)
 

سلمت سلمت

والله اني احس اننا مقصرين مع ذلك الطود العظيم


رحمة الله عليه رحمة الله عليه

رد : من روائع الشاعر العملاق حمد ابن هادي المسردي (يرحمه الله)
 

بيض الله وجهك يابوعبدالهادي والله يرحم حمد المسردي

رد : من روائع الشاعر العملاق حمد ابن هادي المسردي (يرحمه الله)
 

اررررررررررحب يابو عبدالهادي

وبيض الله وجهك على النقل الرائع لشاعر العلم / حمد بن هادي المسردي


نسأل الله له الرحمه والمغفره


وتسلم لنا يمينك على الإختيار الجزل والموفق


أتطلع لجديد مشاركاتك الرائعه



أخووووووووووك

رد : من روائع الشاعر العملاق حمد ابن هادي المسردي (يرحمه الله)
 

الأخ الكريم : سعيد أبو دية


شكرا جزيلا لك


إختيار موفق ونقل رائع


ورحم الله الشاعر العملاق بالفعل حمد المسردي


ننتظر عذب مشاركاتك

ودمت بخير