جلســـة مطاليــــق
 

[poem=font="Arial,4,black,bold,normal" bkcolor="transparent" bkimage="backgrounds/15.gif" border="none,medium,gray" type=4 line=0 align=center use=ex num="0,black"]
جلسة مطاليق
ياشوق عيني شوق هايم وعشاق = شوق الحبيب اللي تمنا حبيبه
شوق الضرير اللي تباريه الاشواق = لمشاهدة دنيا الهقاوي العجيبه
فكري لجلسات المطاليق تواق = اللي فعايلهم سمان ذريبه
لو تنتخي ما عاقها فيك عواق = جل الهموم ولا تهم المصيبة
في مجلس وقفك ليا جيت مراق = تجلس ولك قدر وحشمة وهيبه
الضو تقدح وأنت للسمر تشتاق = والا القرض يا زين عوده وطيبه
هذاك بعد الحمس للبن شراق = واللي يثولث بالنجر يعتني به
والهيل في صفر المعاميل ينساق = فنجالها لي صب محدن يعيبه
والوقت ما قبل الضحى بعد الاشراق = والهجن يمك في المضارب قريبه
واليا ضواك الليل خيلت براق = والسيل من منصاه تسمع صبيبه
وإن ضاقت ودمعك على الخد دفاق = سرك متين في سدود قطيبه
للشاعر:عــوض بن مطيع القحطــاني[/poem]

رد : جلســـة مطاليــــق
 

بيض الله وجهك يالجحلي والله قصيد مليان وفي محله
أتحفنا بالمزيد
ولاهنـــــــــــــــــــــــــــــــــــــــــــــ ــــــــــــــــــــــــــــــــــــت

رد : جلســـة مطاليــــق
 

المزيد في المستقبل القريب ان شاء الله

رد : جلســـة مطاليــــق
 

صح لسان شاعرها

والله يعطيك العافيه

وبيض الله وجهك على نقلها

رد : جلســـة مطاليــــق
 

تسلمون على هالردود اللي ماللمشاركات طعم بدونها

رد : جلســـة مطاليــــق
 

لاهنت يالجحلي وبيض الله وجهك وننتظر المزيد

رد : جلســـة مطاليــــق