عزيز قوم(ن) ذل
 

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
العمـر روَّح والسرايـر كتـومـه=والفكـر طـول فالموانـي رسـوَّه
ياهاجسـي كـل(ن) يتابـع نجومـه=لاشك سـوَّ القـاف لاهنـت سـوَّه
ياشينـهـا لا ذل عـزيـز قـومـه=يصبح ويمسي تحت رحمـة عـدوَّه
الحكم ضاع ولا لقى قـوت يومـه=والقفل دونه واحمـر المـوت تـوَّه
من كثر ماشبـت سعايـر همومـه=كود(ن) علـى الله بالكـلام ايتفـوَّه
عقب الرغد ما عـاد يهنـا بنومـه=كنه على جمر(ن) تصاليـه ضـوَّه
من عقب كان الناس تاخـذ علومـه=والـراي لـه والمرجلـه والفتـوَّه
إن قام قاموا له مـن الـذل قومـه=فـرض عليهـم سيطرتـه وغلـوَّه
عكف الشوارب كم شكت من سهومه=وكل الولا ظاهـر الأسـرار جـوَّه
بالحكم ظالـم والشجاعـه عزومـه=ماضيـه بدمـوع الغلابـا مـشـوَّه
ويازين ظلمه عنـد ربعـه وقومـه=ولا عـدو(ن) جـار فيهـم عتـوَّه
منه العراق من الأمـان محرومـه=بين الأمل والياس جـرف(ن) وهـوَّه
وحضارته هالحين سكـراب كومـه=اللي بقت مـن حيـن عهـد النبـوَّه
وألاف قتلـت دون ذنـب معدومـه=وكم موقع(ن) بالدم الاحمـر ممـوَّه
واهل العداوه والروافـض تسومـه=من شرقي احدوده وقاصـي علـوَّه
الرجل من ضيقـه يشقـق هدومـه=والبنت تنعـى ميـر مافيـه خـوَّه
العـز راح ولا بقـى الا رسومـه=ولا عـاد للمعفيـن حول(ن)وقـوَّه
ما كن حنـا أبنـا ديـار وعمومـه=ولا بيننا وصـل و روابـط عنـوَّه
شعب العـراق الله يحقـق حلومـه=ويجنبـه عـن كـل درب(ن) يتـوَّه
لـو إنهـا بالعـدل قبـل محكومـه=ما كان جاها الغـزو بـره وجـوَّه
لا شك هذا حكـم منشـي غيومـه=عسى السـلام يغيـث بغـداد نـوَّه
وهالحين يا صدام ويـن الحكومـه=ضيعتهـا يـا غبـن عيـن المـروَّه
البحر يـوم انـك تعلمـت عومـه=وراك ماحسبـت غـدره وســوَّه
إلى متى والوقـت كـل(ن) يلومـه=الإعـلام ينشـر والمحاكـم تنـوَّه
والعمـر روَّح والسّرايـر كتومـه=والمركـب العـوام طـول رسـوَّه
[/poem]

رد : عزيز قوم(ن) ذل
 

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
العـز راح ولا بقـى الا رسـومـه=ولا عـاد للمعفيـن حول(ن)وقـوَّه[/poem]

اررررررررررررحب يابومبااااااااااااارك تراحيب الحيا




قيل من طول الغيبات جاب الغنايم



بيض الله وجهك



على هذا الابداع


والله يرحم حال ابوعدي




جملت وجمل حالك يابومبارك


لاتحرمنا من جديدك يا سيد الشعر


تحياتي

رد : عزيز قوم(ن) ذل
 

صح لساااااااااااااااااااااااانك



ملايييييييييييييييييييين واكثر



قصيدة راااااااااااااااااااائعة

بكل حرف فيها له حكاية من الابداع


سلمت ودمت يالغااااااااااااااالي

رد : عزيز قوم(ن) ذل
 

اررررررررررحب ياسلطان


وصح لسان على الجزله يالجزل

قصيدة نالت اعجابي بشكل كبير

رائع ومبدع وفي إنتظار جديدك بكل شوق

أخوووووك
عبـــداللـــه

رد : عزيز قوم(ن) ذل
 

سلطان بوديه


ابدعت واجزلت صح لسانك


والله يعين عزيزٍ ذل نفسه بنفسه


إعجابي بما كتبت


وننتظر جديدك بكل شوق


لاعدمنا تواصلك

.

رد : عزيز قوم(ن) ذل
 

سلطان أبو ديه

صح الله لسانك كلام يتقاطر ذهب ولاهنت يالقرم

اخوك/مداهيل الرجال

رد : عزيز قوم(ن) ذل
 

أخوي سلطان ابو ديه

صح لسانك وبيض الله وجهك

رايعه بروعة حضورك

وافيه من راس وافي

لك فائق احترامي وتقديري

رد : عزيز قوم(ن) ذل
 

لاهنت طال عمرك

رد : عزيز قوم(ن) ذل
 

صح لسانك

رد : عزيز قوم(ن) ذل
 

صح لساااااااااااااااااااااااانك






بيض الله وجهك



على هذا الابداع


مشكووووووووووووووور


تحياتي