شبكة قحطان - مجالس قحطان - منتديات قحطان - قصيده بخصوص كارثة الاسهم

- مجلس عذب الكلام (https://www.qahtaan.com/vb/forumdisplay.php?f=16)

- - قصيده بخصوص كارثة الاسهم (https://www.qahtaan.com/vb/showthread.php?t=18446)

قصيده بخصوص كارثة الاسهم

هذي القصيده اعجبتني وهي للشاعر المتألق بدر محمد السبيعي

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
ياليت عندي فـي رصيـدي ملاييـن=
وادخل بها في سوق الاسهم علاشان
ارفع بها الشركات وانقـذ مساكيـن=
تعلقـوا تعليقتـن شانـهـا شــان
طبوا وهم صاحين وامسـوا مجانيـن=
يمشون بالشارع ومن غيـر حذيـان
توهقـوا توهيقتـن فالهـا شـيـن=
وبعض الهقاوي تجعل الشخص عميان
خسروا 00وروس اموالهم كلها ديـن=
مدبولتـن تدبيـل مـن عنـد ديـان
والبيـت مليـان ٍ حريـم ووراعيـن=
مصروفهـم يقطـع قويـات الامتـان
صاروا من صدوف الليالي حزينيـن=
لاوالله الا 00 روحوا في خبـر كـان
راحوا ضحايا فـي يديـن الخبيثيـن=
شلـة هواميـر ٍ تلاعـب بالاذهـان
تنهب دراهم شعب مثـل الشياطيـن=
وترفع سهم شركه ولو كان خسـران
لكن انـا بنخـى زعيـم السلاطيـن=
بو متعب اللـي للصعيبـات مزبـان
وانخى ولي العهـد سقـم المعاديـن=
عضيد ابو متعـب ويمنـاه سلطـان
ملوكنـا نفخـر بـهـم فالميـاديـن=
اهل الوفـا وافعالهـم خيـر برهـان
إلكم ولا 00 والكم غلا 00 يالعزيزين=
غلا حقيقـي مايجـي فيـه نقصـان
تبصـروا فـي سوقنـا يالميامـيـن=
لابـد يرجـع سوقنـا زي مـاكـان
لاهان ابو متعـب زعيـم الشجيعيـن=
صقـر العروبـه للشكـالات عنـوان
اللي مشى حبـه بوسـط الشراييـن=
محزم ظهر شعبه على كـل الازمـان
له فزعتن تشهد بها الهند والصيـن=
غيث ٍ على كل المناطـق والاوطـان
تكفا يابـو متعـب ترانـا مصابيـن=
افـزع لنـا يامسنـدي ياكحـيـلان
من سوق الاسهم صابنا الهم والبيـن=
والقلب من شغل الهواميـر مرضـان
احمرت الشركـات واحمـرت العيـن=
امن النظر في شاشة ٍ كلهـا احـزان
سوقك يابو متعب يبي دعمك الحيـن=
عوايـدك فعـل المكـارم والاحسـان [/poem]

هذي بالصوت

تحياتي