(((((((( الا على اعراض الرجال وشرفها )))))
 

اهدي لكم قصيده اعجبتني جدا للشاعرالرائع عبدالرحمن بن بديع الشهراني سمعتها

منه في قناه الساحه في امسيه بيشه وحبيت اهديها لكم هنا مع التحيه والتقدير

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياسعود يامشكاي ويـش التدابيـر=لاتشتكي جور السنين وشطفهـا
جور السنين يحل ويمر ويصيـر=راجع زمانك واكثر الناس شفهـا
الناس لاحقها من الوقـت تاثييـر=وتصبر على باس السنين وصلفها
تميل ميلات المقادير وتغير=وان وصفت بتعذب اللي وصفهـا
فحرص على قرب الرجال المناعير=اللـي دروب المرجلـه تحترفهـا
تلقى بخوتهم معـزه وتقديـر=ومجالسٍ مادنست مـن عرفهـا
تاقف معك لو همك اكبر من النير=وبعزمها حتى الصعاب اتعسفهـا
ولا قدر الله ثم رمتـك المقاديـر=الرجل منهـم وقفتـه لا وقفهـا
تسوا لها فزعة صفوف وطوابير=ماهوب لا شاف الصمايل حرفهـا
يقلط على الشده كما سالم الزيـر=وتامن به الديره وهو في طرفها
لامازهمته قام يشتح كما الطيـر=لاضف جنحانـه وكفـه عكفهـا
واهل الردى مالك وراها مداويـر=جنب مجالسهـا وجنـب ولفهـا
لو اضحكتلك في السنين المياسير=لابد في وقـت القسـا تكتشفهـا
تفِرح بك الشمات لو ذنبك اصغير=وتحتار في اصغر غلطةٍ تقترفهـا
ويصير همك كبر هضبة شمنصير=لكـن جنـب معرفتهـا وعفهـا
لانذال رفقتها مهونـه وتقصيـر=وتِكثر عنا نفسك وتكِثر حسفهـا
فالرفقه اللي ماتدلك علـى خيـر=آللّّـه يلعنهـا ويلعـن جدفـهـا
ولا تـرادع جاهليـن المحاضيـر=ولو تعترض لك كلمة اللاش طفها
واحفظ السانك لو بلوك المعاثيـر=الكلمه اللي دون ميـزان خفهـا
يجوز ترمي كلمـة دون تفكيـر=واصبح سودان القلوب اتخطفهـا
واصدر لياما عفت صدارت ابعير=لاترتجيها 00 واطلب الله خلفهـا
وترا النصيب يصيب مافيه تغييـر=لو تجبد امواج البحـر وتغرفهـا
وعذر الرجال الطيبه خله ايصيـر=ابيـك تعذرهـا وتقبـل وسفهـا
العذر يقبل لاحصل فيـه تبريـر=امن الرجال اللي صريـحٍ هدفهـا
في كل شي قد تجـوز المعاذيـر=الا على اعراض الرجال وشرفها
اقولها وانا الذي سلوتـي غيـر=البعد عن ضيق البيـوت وكنفهـا
واسج في خبت كسته النواويـر=حيثه ظفر روحي وحيثه نصفهـا
واسواق الاسهم والذهب والدنانير=لو سلموها في يـديّ اصطرفهـا
ينوبها ملحاٍ من ابـل المناصيـر=ارعابها زهر الفيـاض وقطفهـا[/poem]

رد : (((((((( الا على اعراض الرجال وشرفها )))))
 

صح لسااااااااااااااااااان الشاعر

وسلمت يمنااااااااااااااك على النقل الجميل

رد : (((((((( الا على اعراض الرجال وشرفها )))))
 

تسلم يمناك ياعبدالله اختيار رائع
صح الله لسان الشاعر

رد : (((((((( الا على اعراض الرجال وشرفها )))))
 

عز الله شاعر مشالله عليه

هو اللي مزين الأمسيه ذاك الليل

ماهو بن جدلان اللي التاثير عليه


لاهنت وانا اخوك

رد : (((((((( الا على اعراض الرجال وشرفها )))))
 

مشكور ياعبدالله على نقل هذه القصيده

والشاعرابن بديع صراحه اعجبت به كثيرا

عندما شاهدته على قناه الساحه

واتمنى ان يستمر على هذا النهج

رد : (((((((( الا على اعراض الرجال وشرفها )))))
 

اختيار موفق ورائع لاهنت ياعبدالله

والله يعطيك العافيه ومثل ماقالوا

الاخوان هو نجم هاك الامسيه

رد : (((((((( الا على اعراض الرجال وشرفها )))))
 

المشرف الناجح

والعضو الفعال

محمد الحياني


ارحب مليون

ولاهنت علي الحضور الراقي

رد : (((((((( الا على اعراض الرجال وشرفها )))))
 

والله ونعم بالشهراني
الحقيقة كل قائده طيبة
وهو من الطراز القديم الصادق في معانية
ويتميز في مجالس شهراني بالحضور المتميز
بحث أن قصائدة نظيفة ويترفع عن الكلام السئ
==================================
شكراً لك الأخ / عبدالله على النقل الرائع
ولاهننننننننننننننننت

رد : (((((((( الا على اعراض الرجال وشرفها )))))
 

عبدالله بن شتوي


إسم بدأت أدرك بأنه ينفرد بنقل كل ماهو جميل



سلمت يمناك على هذا النقل الرائع وأشكرك على عذوبة الإختيار



وصح لسان هذا الشاعر المتميز جداً



تقبل خالص التحيه ووافر التقدير،،،

رد : (((((((( الا على اعراض الرجال وشرفها )))))
 

هلا والله ابوفيصل