مرثية ..........
 

(هذه مرثية الشاعر احمد الناصر)
في ابنه الشاعر محمد الذي
في حادث مروري

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
نهار ثالث عقب عيـد رمضانـي =ناس(ن) عطاها الله وناس محرومه


احد(ن) قضا عيده سـلام وتهانـي =واحد(ن) توصله الكواكب همومـه


صادفت صدفه من صدوف الزماني =منها قوي الحيـل تفتـر عزومـه


هـذا زمـان الهـم والامتحـانـي =وقت(ن) على قلبي تعاقب سهومـه


الاولـه كامـل جميـع المعـانـي =مزبن المضيوم شـرع الخصومـه


محمد اللـي فـي القسـا واليانـي =عقبه سمايـا غايبـات(ن) نجومـه


والثانيه باقـرب قريب(ن)ودانـي =خامس عيالي يوم جتنـي علومـه


قالوا مابين الخاصـره واحلبانـي =ولدك مـات اللـي ترجـا قدومـه


جا يومه الموعود باربـع ثوانـي =قلت السبب قالوا دنـا منـه يومـه


علم(ن) على الكبدالصخيفه كوانـي =كيت عطـب ماتنشكـي للحكومـه


تهشمت كـل الضلـوع المحانـي =مفجوع والمفجوع محد(ن) يلومـه

اخذت لي ساعه وانا فـي مكانـي =حسبت لى عشرين طيحـه وقومـه

الى بغيت الهـرج يبـس لسانـي =والذاكره عنـدي تقـول أمعدومـه

قمـت اتلفـت واتسمـع بـأذانـي =من شاف حالـي ماتهنـا بنومـه

مما بقلبي رحـت بالليـل عانـي =للموتر اللـي مابقـى الا رسومـه

عن روحتي ياليـت ربـي نهانـي =ولاشفت دمه سايحن فـي هدومـه

قمـت ودفنتـه والله المستعـانـي =في خرقت(ن) بيضاء عليه محزومه

يـم القويعيـه بـلاد اقحطـانـي =والحر غير لون وجهـي سمومـه

واقفيت من عنده وعشـري ثمانـي =مثل المصبـح والبـلاد امحكومـه

طاوعت نفسي مير عقلـي قوانـي =عن الخطاء مافيه نفس امعصومـه[/poem]

رد : مرثية ..........
 

صح الله لسان الشاعر احمد الناصر

ورحمة الله على ابنه محمد

وبيض الله وجهك يا بن خرصان على النقل الطيب

لا هنت

رد : مرثية ..........
 

أرحب ياابراهيم

وصح الله بدنك


ومشكور يالقرم على مرورك الكريم

رد : مرثية ..........
 

الف شكر يابن خرصان


على القصيده الرائعه والمؤثره


صح لسان الناصر ورحمة الله على ابنه



أخووووك

رد : مرثية ..........
 

أرحب يابن غفره

ولاهنت على مرورك الكريم