((سوالفنا كثيرة لكن الميدان يا حميدان=يبين الدرهم الأصلي من اللي صابه التزوير))
 

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سلام يقلب أمريكا على دنفر على السكان = يدمر في كلورادو ويبقى عقبه التدمير
سلام ينقسم نصفين بالبارود والريحان = لظى البارود لاهل الشر والريحان لاهل الخير
سلام له خصوصية على ابن التركي حميدان = سلام يا صله غصب على مكالة الخنزير
تذكرنا بأحمد ابن حنبل سالف الأزمان = ترك في قصته للي انظلم والمبتلى تذكير
تعذب وانسجن من أجل فتنة خلقة القران = صمد لين اخرج الأمه من التزييف والتغيير
أثر بن تيمة (في الصدر لي جنة ولي بستان) = (وسجني خلوة وطردي سياحة يا هل التقتير)
سلفنا الصالح اللي انتصر بالدين والإيمان = وهم قلة وعند الخصم قوة والجنود اكثير
إذا غرك عدو الله بالتخطيط والإتقان = ترى نصرة عباد الله في التسبيح والتكبير
ترى شيخ العرب ما ينعرف يا كود في الميدان = ويا كم من شيوخ سكروا بيبانهم تسكير
سوالفنا كثيرة لكن الميدان يا حميدان = يبين الدرهم الأصلي من اللي صابه التزوير
تصبر واعلم انك من وطن عبد الله الشيهان = ملك في ذمتي يستاهل التشريف والتقدير
انا متأكد إن وضعك على باله وفي الحسبان = قضايا الشعب كله مشغله حاله وفي التفكير
وسلطان الكرم والجود يسلم سيدي سلطان = على حالك ترى ما يقبل التسويف والتأخير
ونايف قائد الأمن السعودي راعي الإحسان = رحوم القلب لامثالك ويقمع راعي التفجير
ولدهم ما يخلونه ولا يرضون به ينهان = على فعل الغنومة دابهم الاصرار والتبكير
ألا يالله تحفظهم وتنصرهم على الخوان = وتجعل من يدبر للردى ضحية التدبير
!!غضبت ولا تلومون الحليم اليا انقلب غضبان = نشوف الظلم بانواعة بلا علة ولا تبرير
على ما اظن حرفي واضح للسمع والاعيان = كلام الصدق مثل النور ما يحتاج له تفسير
يصوغون التهم والظلم والتشكيك والبهتان = ودور اعلامهم في الكذب والتزييف والتشهير
دعاويهم مثل ما يكتب الورعان على الجدران = ولا نثني عليهم غير بالتصديق والتقرير
حضارتنا خذوها وضيعونا ضيعة الدخان = خذوها من منابعها واضافوا شي من التطوير
يقولون اكتشفنا الشمس كورة تلتهب نيران = وهذا الشي مثبت عندنا في سورة التكوير
أنا لازلت اشك انه وصل سطح القمر إنسان = اخاف تكون في هوليود بالتمثيل والتصوير
صديقي قال أمريكا ترى من وصلها كسبان = يكفي مكسبك لو رحت وتعود بماجستير
وانا والله اشوف انه ضياع وانه الخسران = اروح وفكري الإسلام واعود بفكر غير
أنا ماني بضد اللي ذهب للعلم مهما كان = ولاني بمن خذا فكرة وحجر فكرته تحجير
ولكنا نرى قوم هدفهم فلتة النسوان = تحت عنوان حرية وهو التغريب والتهجير
حجاب المرأة أزعجهم وهذي نزغة الشيطان = يقولون انها مكبوتة تحتاج للتحرير
من السهل اننا باذن الولي نجبر عظام الظان = ولكن البعير إذا انكسر ما ينفعه تجبير
!!وقوم في التزمت والتنطع أصبحوا عنوان = قلب نص لحديث واشغل التفكير بالتكفير
وحنا ديننا دين التوازن خاتم الأديان = احذر من دعاة الغي ياهل المعرفة تحذير
انأ اجزم ما يزعزعنا عدو أعلن العدوان = مادام انا على نهج النبي المختار حنا نسير
وحنا من ديار أبها من الأعماق والوجدان = نناجي الله ياحمدان في بلواك بالتيسير
نشارك من جنوب المملكة ويقودنا حوران = الا منه نهض من مرقبه تنهض جميع الطير
أنا اعني خالد الفيصل كريم النفس والصنيان = أمير الشعر والكلمة أمير الحرف والتعبير
ولاني بناسي فيصل ولد خالد رفيع الشان = كريم لا عطى ما يعرف الامساك والتوفير
جهات المملكة الاربع جسد واحد وحنا اخوان = يؤثر عضوه المنصاب في باقي الجسد تأثير
أنا شاعر قوي الشاعرية قدوتي حسان = أقدم عذري لجمهوري الغالي على التقصير
أنا محمد ابن نغموش ارضي موطن الشجعان = سعودي رافع راسي سما واللي يصير يصير[/poem]
محمد بن نغموش

رد : ((سوالفنا كثيرة لكن الميدان يا حميدان=يبين الدرهم الأصلي من اللي صابه التزوير))
 

رائع رائع رائع


صح لسانك على القصيده الجزله والمعبره



ابدعت ولا يستغرب عليك الإبداع


ونسأ الله العلي القدير أن يفك قيد الحميدان عاجلاً غير آجل ،،،


والف شكر لك على التواصل الطيب منك

رد : ((سوالفنا كثيرة لكن الميدان يا حميدان=يبين الدرهم الأصلي من اللي صابه التزوير))
 

صح لسانك

الله لايهينك والله يبارك فيك ويرحم والديك

اخوك


حبابي اصل وفصل

رد : ((سوالفنا كثيرة لكن الميدان يا حميدان=يبين الدرهم الأصلي من اللي صابه التزوير))
 

صح لسانك رائعة كسالفاتها من قصائدك الرائعة

ملاحظة ولا تزعل على الذي قال سجني خلوة واخراجي سياحة وحديقتي في صدي هو ابن تيمية وليس احمد بن حبل وفقك الله لكل خير وأسأل الله ان يرد اخونا حميدان سالماًغانماً

رد : ((سوالفنا كثيرة لكن الميدان يا حميدان=يبين الدرهم الأصلي من اللي صابه التزوير))
 

صح لسانك



بيض الله وجهك




لاهنت على هذه الرائعه




ونسأل المولى جل وعلا أن يفك أسر التركي

رد : ((سوالفنا كثيرة لكن الميدان يا حميدان=يبين الدرهم الأصلي من اللي صابه التزوير))
 

أخوي محمد بن نغموش

كل عام وانت بالف خير

صح لسانك وبيض الله وجهك

رايعه ووافيه من وافي

لك فااائق احترامي وتقديري

رد : ((سوالفنا كثيرة لكن الميدان يا حميدان=يبين الدرهم الأصلي من اللي صابه التزوير))
 

محمد بن نغموش


بيض الله وجهك وجمل الله حااااااااالك


كثر الله من أمثالك


كتبت وصورت فأبدعت



صح لسااااااااااااانك مليون


ولا يكفون



وكل عام وانت بألف صحة وعافيه


تحياتي

رد : ((سوالفنا كثيرة لكن الميدان يا حميدان=يبين الدرهم الأصلي من اللي صابه التزوير))
 

صح لسانك .. وعلا شانك ..

قصيدة جزلة ورائعة منك يالمبدع ..

ننتظر جديدك ..

رد : ((سوالفنا كثيرة لكن الميدان يا حميدان=يبين الدرهم الأصلي من اللي صابه التزوير))
 

بن نغمووش
ارررررررررررررحب مليون ياوجه الرفاااقه


وانا اشهد انك شــاعر قوي الشاعريه وشاعر يستحق الإشاده والتصفيق


دائما مايشدني حرفك ...


بيض الله وجهك على هالقصيده الرائعه والنابعه من قلب طاهر وغيور

والله يفك اسر اخونا وينصر ديننا على من عاداه



لاهنت يابونغموش لاهنت

رد : ((سوالفنا كثيرة لكن الميدان يا حميدان=يبين الدرهم الأصلي من اللي صابه التزوير))
 

السلام عليكم ورحمة الله وبركاته


والله ومليون ونعم يامحمد بن نغموش


وصح لسانك


قصيده جريئه جدا


واقعيه جدا


لك مني كل التقدير


دمت بخير