|
وقتٍ تغير وصار اشكال والواني=واحترت فالناس واحترت بتعاملها
هذه القصيده للشاعر/
عيسى بن محمد بن مسهي العرجي [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"] شبحي مع اهل الوفاء والطيب واداني=حتى قطعت البحور السبع باكملها عرفت قدري واميز وين ميزاني=وحط كل النشاما في منازلها ادل دربي ليا منه بدى شاني=واميز الناس جاهلها و عاقلها مانيب احب الخطا ولساني حصاني=واعرف بيوت الشرف واعرف مداخلها وغلطة ردي المعرفه لو تنصاني=اصبر وقوي عزومي واتحملها لا صار غلطة خبل وضعيف وهداني=اصد عن كلمة الجاهل واهملها لو انها يا رجال العرف تعناني=نفسي لراع الردى مانيب انزلها ارفع مع اهل الوفاء و الطيب نيشاني=واقوم بحقوق جيراني واكملها ولا نيب ناسي حقوق الضيف والعاني=وحقوق ربعي من اخرها ليا اولها وصات عودٍ على الطالات وصاني=وانا على منهج الوافين اوصلها وقتٍ تغير وصار اشكال والواني=واحترت فالناس واحترت بتعاملها هذا زمانٍ يدور ويتعب الساني=يومٍ اينقض احبال ويوم يفتلها دنياُ علينا تقلب و العمر فاني=وكل ثيابه على قده يفصلها طلبت ربي يثبتني و يهداني=هو الذي لا سمع دعواي يقبلها[/poem] |
رد : وقتٍ تغير وصار اشكال والواني=واحترت فالناس واحترت بتعاملها
الأخ ناصر .
لاهنت على النقل وسلمت يمينك.... وصح لسان الشاعر عيسى على هذه الرائعه لكم تحياتي ودمتم بخير . |
رد : وقتٍ تغير وصار اشكال والواني=واحترت فالناس واحترت بتعاملها
صح السان الشاعر عيسى
على هذه القصيده الاخ ناصر تسلم ولاهنت على النقل ارجو ان توجه دعوه لشاعر عيسى العرجي للانضمام معنا في مجالس قحطان اللي مثله نتشرف به وسعدنا وجوده |
رد : وقتٍ تغير وصار اشكال والواني=واحترت فالناس واحترت بتعاملها
لاهنت على النقل
ياناصر وصح لسان الشاعر عيسى أخووووك |
رد : وقتٍ تغير وصار اشكال والواني=واحترت فالناس واحترت بتعاملها
سعد القحطاني
القويفل بن غفره مرحبا و الله ومسهلا ولاهنتو جميع على المرور والرد وياخ القويفل الشاعر عيسى له الفخر للانضمام لهذا الصرح لكن ظروف العمل و الخاصه لا تسمح له ان يقضي وقته على شبكة الانترنت احترامي ناصر العرجي |
رد : وقتٍ تغير وصار اشكال والواني=واحترت فالناس واحترت بتعاملها
ناصر العرجي
لاهنت والشاعر عيسى بن محمد العرجي شاعر كبير وانا سمعت له كم قصيده الله يصح لساااااااااانه ولا يهينك على هذا النقل واتمنى تتحقق امنية اخوي محمد القويفل في طلبه والانظمام معنا تحياتي |
رد : وقتٍ تغير وصار اشكال والواني=واحترت فالناس واحترت بتعاملها
ارحب يا عبدالله
صح بدنك يالقرم ولاهنت على المرور والرد احترامي ناصر العرجي |
رد : وقتٍ تغير وصار اشكال والواني=واحترت فالناس واحترت بتعاملها
اقتباس:
صح الـــسانك وراســك على كل حرف وكلمه وشطر وبيت ومليون نعم في ربعنا بني شداد . |
| الساعة الآن 11:08 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com