|
منهج الطيب
لاصار لك في منهــــــج المعرفه دور ---- كلن على رايه يحدد مقــــــــامه
من لايشاور لا تبـــــدي له الـــــــشور ---- راعى الوفى يعرف حراوي كلامه لاتبتدي بالهــــــرج لاصرت مكبـــــور---- والمحترم يفرض عليك احتـــــــرامه واطلع مطاليع النشامى على الكـوور-------وحذراك لاتصبح رديف المســـــــامه منتب عن الماجوب والطيب مــــعذوور-------لاصرت جيز اهل الوفى والشـــهامه القرم له في منهج الطيب دستـــــــور-------ولاضعيف الحيل يبقى هــــــــــلامه من يوفي رجال الوفى مابه قصــــور------ولايرتفع راس الردي بالعـــــــــمامه ولاصرت بعيون الحقيرين محقـــــــــور -----بعدك عن اللي ما ينــــــومس كرامه ومن كان لك في ماضي الوقت مذخور -----لاصــــرت له ذخر عدتـــــــك الملامه وربعك حزامك لاغدى وقتك دهــــــور ------لامــــــــن تـــــذكر كل رجل جزامه والمرجـــــله والدين نور على نـــــــور -----يجلا من الليل البهـــــــــيمي ظلامه جنحان حر لاعتلى عقب صقــــــــــور -----والحر ما ينزل لعـــــــش الحـــــمامه والطير لو احدى الجناحين مكـــــسور -----ماينهضــــــــه ريشه وباقي عظامه والادمي فالوقت منهي ومامـــــــــور ---يفنــــــــــى ولا ياصل لـــغايت مرامه وماقدم المخلوق فاللوح منـــــــشوور --- والــــــلي مضى ماغاب يوم القياامه للشااعر / سالم بن دخيل الحبابي[/size][/size] |
رد : منهج الطيب
اشهد بالله انك صادق
وانك شاعر صح والله لسااااااااااانك وبيض الله وجهك على ما قلت اتمنى من مشرفي المجلس نقل القصيده الى مجلس الشعر النبطي تحياتي لشخصك الكريم ولا تحرمنا من جديدك اخوك |
رد : منهج الطيب
صح بدنك يالغالي
وشهاده اعتز بها والله يجعلنا وياك بافضل صوره عند الرجال الطيبين |
رد : منهج الطيب
صح لسانك يابو دخيل
وافيه منك يالوافي ولا تحرمنا من القصائد الجزله تم النقل لمجلس الشعر النبطي |
رد : منهج الطيب
ابو دخيل الحبابي:
بيض الله وجهك قصيده رائعه لاتحرمنا من جديدك |
رد : منهج الطيب
صح لسانك ياسالم
وافيه من وافي سلمت يمناك وترى فيه خطأ مطبعي (لامن تذكر كل رجل حزامه ) للاحاطه تقبل تحياتي |
رد : منهج الطيب
أخوي سالم بن دخيل الحبابي
ارحب تراحيب المطر بين أخوانك وبني عمك شرفنا تواجدك معنا وانظمامك صح لسانك وبيض الله وجهك رايعه ووافيه من راس وافي لك فااائق احترامي وتقديري |
رد : منهج الطيب
اخوي سالم
جعل من جابك في الجنه.. قصيده وافيه من وافي صح الله لسانك تقبل تحياتي,, |
رد : منهج الطيب
صحت ابداانكم وبيض الله وجيهكم جميع ويكفيني فخر شهادتكم لي
والله يجعلنا وياكم بافضل صوره عند الرجال الطيبين |
| الساعة الآن 09:33 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com