ناصر القحطاني ((الذاهــــــبـــــــــــــــــــــــه))
 

اهدي لكم قصيده اعجبتني جدا قصيدة الشاعر ناصر القحطاني (الذاهبـــــــــــــــــــــه)00000000000000000000 000000000000000

[poem=font="Simplified Arabic,5,indigo,bold,normal" bkcolor="transparent" bkimage="backgrounds/19.gif" border="ridge,medium,orangered" type=2 line=0 align=center use=ex num="0,black"]
الله اللي رادوالعقده قضاها اللي عقدها = لا على الدنيا السلام ولا لباقي العمر زينه
الفضا ما كنه الى خيمة طاحت عمدها = والفرح ما كنه الى شيخ انقصت يدينه
والعمر قطعة زجاج انكسرت ولا طال امدها = والعرب في العيد بدموع اليتاما مستهينه
والشوارع لفها ثوب الظلام اللي هجدها = والبيوت اطلال من عقب المحبه والسكينه
والشتا والليل والبرد والسما يصرخ رعدها = والعيون اللي ورا الشباك مذعوره حزينه
طولوا في الكهف ألأصحاب وبقت روحي وحدها = كنها في كوكب ثاني خلا من سا كنينه
الوداع اللي بعلم لعيني اعبر من رمدها = والوداع اللي بلا علم لقفص صدري غبينه
والوداع اللي بلا رجعه على ياأ مر وأدهى = والله انه غرغرة سم وسكاكين سنينه
والعنود اللي جفيت الناس والدنيا بعدها = مدة الفرقا لغاليها وهي تعطي الثمينه
وينها كيف اتركتني ليه ماجت في وعدها = والقمر لا طل خابرها تجي بيني وبينه
رحت انادي واتلمس في مهب الريح يدها = كني احصان بلا صاحب طوى البيدا حنينه
رحت أصيح الصبح وينه والعرب ما رد احدها = ما سمعت ألى صدى صوتي يقول الصبح وينه
كنهم من يوم ذيك الشمس غابت عن بلدها = طلعوني في النفود وصكوا ابواب المدينه
كنهم من يوم ذيك الذاهبه محد وجدها = كل رجال من الشرهه قلع الدرب عينه
أثرها ما تت وماتت كل فرحه في مهدها = والربيع اقفت به اللي كانت التاج لجبينه
جاورت عقب الحدايق حفرة مقسا لحدها = حفرة ماني مصدق كيف ضمت يا سمينه
للحزن فيني مثل ما لطهاره في جسدها = ويش اسوي لا فتشت اللي لها وسط الخزينه
زخرفت حلم وبنت له مسكن وسمت ولدها = آآه لو غرد ولدها في خميلة والدينه
عاهدتني وظفرت بيمين أقوى من عهدها = والصبي لا خير فيه كان ما نفذ يمينه
ما تتقى عن رثاها عرق أقتض بشهدها = ولا تبقى خلف قضبان الجفن عذراء سجينه
كيف عند العالم ايام العزاء محصى عددها = ولا انا طالت شهوره والله اعلم كم سنينه
لا الثرى فيها نبات ولا المشي خفف نكدها = لا السما فيها طيور ولا البحر يمه سفينه
لا القمر هذا مساه ولا العصي هذا رغدها = لا الزهر هذا شذاه ولا الذهب هذا رنينه
قا لوا الشيخ الفلاني مرجع القوم وسندها = قال يبشر با العوض والعلم جينا نا قلينه
ساق لك بدر البدور اللي نشدها من نشدها = جادل هزة عروش وخيبة روس ذهيله
قسمها في رسمها في جسمها الافي رشدها = واسمها ان جا للغضب قومه على الا لسن رطينه
أترك اناي وعطية شيخنا غنا لسعدها = وانبسط يا عم ونسى اللي ورى التربه دفينه
قلت ولصدري تناهيد تروع من شهدها = آآه وا ويلاه من يجذب على قلبي ضنينه
خلوا اغلى ذاهبه ترعى ربيع اللي فقدها = والعطا راعيه محدن صوبه الله لا يهينه
لو ظمنت الجنهو تفاحة القلب وشهدها = قلت من بكره عسا مجنونها تاقف سنينه[/poem]

رد : ناصر القحطاني ((الذاهــــــبـــــــــــــــــــــــه))
 

صح لسان الشاعر ناصر القحطاني

وسلمت يمناك ياخالد الحبابي علي النقل الرائع

رد : ناصر القحطاني ((الذاهــــــبـــــــــــــــــــــــه))
 

صح لسان الشاعر
ولاهنت

رد : ناصر القحطاني ((الذاهــــــبـــــــــــــــــــــــه))
 

لاهنت يابو زياد على النقل


وصح لسان شاعر الأندلس



تحيااتي يالغالي

رد : ناصر القحطاني ((الذاهــــــبـــــــــــــــــــــــه))
 

صح السان الشاعر


بيض الله وجهك يالذيب

لاهنت على النقل الرائع

رد : ناصر القحطاني ((الذاهــــــبـــــــــــــــــــــــه))
 

لالالالالالالالالالالالالاهنت يا خالد وصح لسان ناصر

رد : ناصر القحطاني ((الذاهــــــبـــــــــــــــــــــــه))
 

من أروع قصائد الرثاء :)

صح لسان الشاعر ومشكووووور أخوي على النقل

رد : ناصر القحطاني ((الذاهــــــبـــــــــــــــــــــــه))
 

الله لا يهينك ياخالد

رد : ناصر القحطاني ((الذاهــــــبـــــــــــــــــــــــه))
 

لاهنت على هذه المرثية الجميلة التي حركة سكون كل واحد حتى اللي ما يعرف الشعر وخاصة عندما أضاف لها الفنان الكبير والقدير خالد عبدالرحمن صوته بتلك النغمة الحزينة......لك منا جزيل الشكر وصح السان الشاعر

رد : ناصر القحطاني ((الذاهــــــبـــــــــــــــــــــــه))
 

الله لايهينك يا ابو محمد

والله يبيض وجه شاعر الاندلس شعره وعلمه يرفع الراس

اخوك


حبابي اصل وفصل