الضباط
 

[poem=font="Simplified Arabic,4,purple,bold,normal" bkcolor="transparent" bkimage="backgrounds/20.gif" border="none,medium,gray" type=4 line=0 align=center use=ex num="0,black"]
السلام عليكم
لا اخفي عليكم انني من المعجبين بشعر عبدالله بن شايق
وهذه الابيات على قافيه نادره وحبيت اهديها لكم
واتمناء ان تعجبكم
ولكم تحيات اخوكم سعود الحبابي .


القصيده للشــــــــــــاعر / عبدالله بن شايق

انا أشوف حظي ما لوجهي معه مقلاط = وانا ظالمه في لمتحانات بالتسقيط
فرش لي ذهب ثم ورد ثم زل ثم ابساط = ولا شاف مني غير الاهمال والتفريط
اضيع عمل حضي بالاهمال والاحباط = تآبطت منه وقال ما ينفع التابيط
وخسرت النتيجه والقاء من ثلاث اشواط = ولا عاد ينفع مستوى دورت التنشيط
وخسرت الدبل والفرق كله ثلاث ابناط = ولا عاد لي خطه ولا عادلي تخطيط
ربطني هوا خلي رباط (ن) وراه ارباط = وانا حالفً(ن) منساه لو راح جسمي خيط
ولا انساه لين اطريف ينزل بجنب الغاط = وبغداد يصبح في ضواحي خميس مشيط
واذا ما حصل لي قربوا طلقت المخباط = اموت وتروح الروح جعله مراح امقيط
حبيبي فريق ويصدر امره على الضباط = عطاه الله السلطه وسلط علي تسليط
تعال اكتب اسمه داخل القلب يا خطاط = تبصر ودقق وانقشه واضبطه تضبيط[/poem]

شكرا لك ياسعود

على نقل هذه الرائعه للشاعر الكبير/ عبدالله بن شايق

السلام عليكم ورحمة الله وبركاته


شكراً لك اخي الكريم على هذا المشاركة

ارررحب ياسعود






صح الله لسان عبدالله ولاهنت على نقلك المتميز





تقبل تحياتي,,

شــــــــــــكراً على مـــــــــروركم
وتحياتي للجميع