محاوره بين الزلامي و تركي2000
 

السلام عليكم ورحمة الله وبركاته

هذه محاوره أحببت ان انقلها لكم

بين كلا من:
الشاعر الكبير المخضرم/رشــــــيــــــــد الزلامي
و
الشاعر المتألق المعروف/تركي الميزاني(تركي2000)


[poem=font="Arabic Transparent,5,white,bold,italic" bkcolor="transparent" bkimage="backgrounds/21.gif" border="none,medium,gray" type=2 line=0 align=center use=ex num="0,black"]

رشيد

ياتركي الفين نسمع عنك بعض الكلام=ومطير ماودنا نشذب عراقيبها
اما ليا جيتنا وقف 00ورد الســــــــلام=ولا نكبناك نكبه مانت داريـبها

تركي

السر مدفون مابين اللــحم والعـظــام=واهل المواجيب ماننقص مواجيبها
أنا سلامي عليكم00مرةٍ كل عـــــام=واهل الهناديب ماتـنفع هناديـبها

رشيد

انته من العام تخلطها حـلال وحــرام=ماعاد لك قبلةٍ تعرف تصليبها
تشيل عشرين طلقه ميته بالحـزام=وتزهب البندق العجرا وترميـبها

تركي

اللي يقول الحقيقه مايجيه المــــلام=والنار ياكثر من يشعل مشاهيبها
إن كان عين الزلامي مايجيها المنام=من يرخي إذنه لهرج الناس يوحيبها

رشيد

ترا معي حيلةٍ لمخالفين النـظـام=واللــه لخليك ياتركي تهذريـبها
وإني لطاردك وسط المملكه شرق شام=لين الطروق الرزيله ماتغنيبها

تركي

أنته00وانا 00كلنا متقاسمين الطعام=لكن الايام لاتامن عواقيبها
ياراعي الخشم خشمك لا يجيه العرام=لحيتك تقديرها من قدر أشانيبها

رشيد

الوقت يا شاعر المطران جاله سنام=لكن عوجة رقبته00وش نسويبها
والحر يشبك بفرخٍ من فروخ الحمام=يا طيبها يوم جابت صقر ياطيبها

تركي

صل الفرايض وحج البيت واقض الصيام=لا عاد سبحتك للعالم تواميبها
النور يا شاعر الروقه00 يزيل الظــلام=وحنا صقور ٍ تعشيها مخاليبها

رشيد

انـتم قبيـله لكن الطق فك اللحـام=مطير قوم ٍ خلقنا اللــه لتعذيبها
سقناك من قلة الحره لغربي نعام=ديار تصبح بها00 وديار تمسيبها

تركي

أعرف عشيره واعرف الجمش واعرف جهام=ياشيب عينك من المطران يا شيبها
تحمد الله00 وريح فوق ريـش النعــــام=ضيوفكم ماتبا تجرح معازيبها

رشيد

انته تعرف الدير00لكن بياع خــام=ماغير تمشي وكل أرض ٍ تعشيبها
حنا ليا حميت الهيجا00وحصل الزحام=نشرب فناجيل خلق الله 00ونرميـبها

تركي

أنا من اهل الأشده في نهار الزحام=رجليك اباأنشدك من كسر عراقيبها
ياهل الفناجيل جاكم ردها بالتمام=من حول أهل المناصب من مناصيبها

رشيد

صاحبك شايب لكن انته بسن الفطــام=أعرف علوم ٍ ماظن ألفين يدريبها
والله يالولا حياي من الرجال الحشام=لا قولها صح00 وآخليك تسريبها

تركي

انته تحلم00ولا غشتك غير الحلام=راجع دفاترك تلقا في مكاتيبها
وراك ما قلتها ياصاحبي من شمام=حتى إن حملتك في ظهرك تزوزيبها

رشيد

يامطير ماعاد ينفعكم شراب وطعام=من يوم فارقتم أم الرمث وشعيبها
قامت عليكم دروز ٍ ماتعرف الكلام=وانتم كما العقرب اللي تلوي ذنيبها

تركي

جدك توفى وفارق ناقشات الوشام=وأبوك شيب وهيبتنا يهذريبها[/poem]

أخــــــــوكــــم
فالح المسردي

فالح المسردي


علومك دايم غانمه وبيض الله وجهك على المحاورة الأكثر من روعه

جمعت شعار غنيين عن التعريف الزلامي والميزاني


تقبل تحياتي يالغالي


..

بن غفره

ما عليك زود ووجهك أبيض وانت راعي الاوله

ولا هنت على الرد

تقبل تحياتي يالقرم

والله الزلامي معصب من تركي واعطاه بيوت قوية،،، ولكن تركي ما قصر

مشكور يالغالي على النقل

تحيات اخيك الزهيري المغترب

السلام عليكم ورحمة الله وبركاته
لاهنت يافالح والله يجمل حالك على النقل

الزهيري المغترب

لا شكر على واجب

ولاهنت على المرور

تقبل تحياتي

بن فالح

وعليكم السلام ورحمة الله وبركاته

والقايل ما يهون

ومشكور على الررد

تقبل تحياتي

فالح المسردي

لاهنت جعل عمرك طويل علي

نقل هذا المحاوره الرائعه يالغالي

علي بن مسفر الحبابي

وعمرك طويل

ولا هنت على المرور

تقبل تحياتي

لاهنت يالغالي

وبيض الله وجهك