شبكة قحطان - مجالس قحطان - منتديات قحطان - محاوره بين تركي الفين و فيصل الرياحي

[
هذه محاوره كانت بين الشاعر تركي الفين و الشاعر فيصل الرياحي

[تر كي الفين

عزوا لنا اصفوفكم من بعد ما جينا ======= الشعر ضا مي ويروي من معانينا

والعيه الله رمابه وسط ايادينا ======= والراس مرفوع والرايات مرفوعه

تقدم يبن منصور والدرب قدام ===== انا وانت في الميدان لين النهايه
ابخلعك في الساحه كما خلع صدام ===== ولن جاك جلطه نرسلك للعنايه

فيصل الرياحي

يالله في لليلة ٍ ترفع بيارقها ======= وروس ٍ تحدا تعلق في مشانقها

وخطيبتك منك يا تركي نطلقها ======= والراس مرفوع والرايات مرفوعه

ولا ياوجودك عقب هاذيك الايام ===== ولا انته برافع في سما الحفر رايه
انا المسلم اللي ما ترك سلم الاسلام ===== لاكن انت لك وجهين وسط المرايه

تركي الفين

هاذي تراهي عليك ابعيد واصعيبه ====== وان كان ماطعتني يا حضرة الشيبه

أبوعراقيب نكسر له عراقيبه ======= والراس مرفوع والرايات مرفوعه

رفعت العلم لمطير في الشرق والشام ===== ولا انته بقدامي ولا انته ورايه
تقوله وانا خابرك تسجد للاصنام ===== زمان ٍ مضي والعصر عصر الهدايه

فيصل الريا حي

ما فيه شي ٍ علي إصعيب يا شاطر ======= أنات العذاب الشديد بقدرة القادر

ياكاتب الوارد انشد كاتب الصادر ======= والراس مرفوع والرايات مرفوعه

تحلم تحلم لين تنفعك الاحلام ===== علي شاشت التلفاز مثل الدعايه
ترا جيشنا مافيه خبلان واقزام ===== والاصنام لا حظي ولاهي رجايه

تركي الفين

اللي يشوفك يقول انك نبي الله ======= وانته متعرف طريق الدين والمله

يافيصل أخصامك من امطير عبد الله ======= والراس مرفوع والرايات مرفوعه

توهم توهم لين تنفعك الاوهام ===== أنا راوي ٍ لي عن نصيبك روايه
الا يا الرياحي حظكم طاح ما قام ===== علي قولة الرامي تزين الرمايه

فيصل الرياحي

ماني نبي الله صلى الله وسلم ====== علي محمد شفيع الخلق ومعلم

يالي ترقى ورجلك تخطي السلم ======= والراس مرفوع والرايات مرفوعه

ياكثر الرجال اللي يشيلون الاقلام ===== ولاكن وين اللي يجيد القرايه
ترى الله خلق في الناس ساده وخدام ===== ولا كن طاوعني لا تبحث خفايه

تركي الفين

الناس تدري عن البين من الخافي ====== اللي علي الشوك تدعس والقدم حافي

ليتك تريحت وسط المرقد الدافي ====== والراس مرفوع والرايات مرفوعه

نعرفك نهار اليوم ونعرفك العام ===== حكايتك يا فيصل تراها حكايا
تراكم من الخدام منتو بحكام ==== ويبطي بعضكم ما يجي مستوايه

فيصل الرياحي

الناس تدري ولاكن انت ما تدري ====== واللي تجاهل مقامي ما عرف قدري

ياكبر حلمي علي الجاهل ويا صبري ===== والراس مرفوع والرايات مرفوعه

لاون الهرم ماهوب على قد الاهرام ===== يقولون بعض الناس فيه الكفايه
الله يثيب اللي مسح دمع الايتام ===== وطلع بعضهم من بيوت الرعايه

تركي الفين

مجبور تصبر على اللي ياصلك مني ====== يومني أفرسك فرس الذيب للجني

يامطير يامطير ردو ما حصل عني ======= والراس مرفوع والرايات مرفوعه

ترى قسمك ادنى قسم من بين الاقسام ===== وشابت رموشك وانت ضايع وتايه
تحوم الصقور الا ابرق الريش ما حام ===== ولاهو مراد ٍ لي ولا هو منايه

فيصل الريا حي

يا مطير هذا تريكي لعنبو حيه ====== كيف ايتجرى وينطح فيصل العيه

وفيصل فصل كل شعار السعوديه ======= والراس مرفوع والرايات مرفوعه

شريت القعود المنتهي جلد وعظام ===== ومات او توفى واحسن الله عزايه
أحقق مع الجاني ويبصم باالابهام === وخلك يا تركي نايم ٍ في ذرايه