قصيده مشهوره للشاعر/حمد هادي المسردي
 

أقدم اليكم أحد القصايد المشهوره
للشاعر المعروف/حمد هادي المسردي (رحمه الله)



[poem=font="Arabic Transparent,5,white,bold,italic" bkcolor="transparent" bkimage="backgrounds/21.gif" border="none,medium,gray" type=2 line=0 align=center use=ex num="0,black"]
راكب اللي يقرب البعد لا منه زمـا=جمس شكمانين توه من امريكـا ورد
أدهم لا دق سلفـه وشغـل واحتمـا=كنه يقرا سورة الله أحد والله الصمـد
كن حس بلوفه مناقشة حـزب علمـا=يدرسون محاضراتٍ بجلساتٍ جـدد
فزته لا فـز كنـه بيصعـد للسمـا=مثـل حـر مطلقـاتٍ سبوقـه للهدد
كن فزيزه مرميٍ رمى لكن ما انرما=كزه المطفوق واخطاه وارتاع وشرد
لا عطا حزم الجلد يرتكز عجه كمـا=قنف غرٍ مرزمه في مقاديمـه بـرد
بنهمه فجرٍ من العاصمة ثـم اجهمـا=ناصيٍ ديرة هوى البال مركوز النهد
الفطور شريق ما بين شقرا وضرمـا=والغدا في حزم جاشٍ بلا سابق وعد
لايمي في حب جاش واهل جاش يعما=جعل ماله فوق دنياه مـال ولا ولـد [/poem]


تقبلوا تحياتي
أخــــــــــوكــــــم
فالح المسردي

بيض الله وجهك ورحم الله حمد هادي




لاتقطعنا من قصايد حمد وتقبل احترامي

الاخ سعد

القايل ما يهون

ولا نوصل مواصليكم

ويشرفني رد مثلك وشرواك

تقبل تحياتي
أخــــــــــوك

الاخ الذيب

ووجهك أبيض

ولاهنت على الرد

وأبشروا باللي أقدر عليه

وأنا يشرفني أن أنقل قصيده لشاعر مثل حمد هادي (رحمه الله)

تقبل تحياتي