تكفون يالربع ولا تهونون أبي منكم فزعه
 

يالربع السالفه ومافيها فيه واحد متحديني بمنتدى ثاني يقول أتحداك تقول لي منهو الشاعر اللي قال هالأبيات وتكفون يالربع أبي الفزعه منكم اللي يعرف من الشاعر اللي قال هالأبيات يفزع لي الله ليهينه.


العين يوم تشوف ريمه حزينه && يسرح بها قلبي ويضوي لحاله


والفاطر العوجا عليها غبينه && أن رجعت للحوش جبن ونذاله


سقها برفق وخلها في سكينه && تمشي ويسقيها المطر من خياله

السلام عليكم ورحمه الله وبركاته

القصيده
للشاعر الكبير خلف بن هذال العتيبي



[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الذود يا هذال يصخم حنينه = ما بين شبك وبين قصر ودماله
وأم الحوير عندي اليوم شينه = رد الحوير وفك عنها الماله
العين يوم تشوف ريمه حزينه = يسرح بها قلبي ويضوى لحاله
والفاطر العوجا عليها غبينه = ان رجعت للحوش جبن ونذاله
سقها برفق وخلها في سكينه = تمشي ويسقيها المطر من خياله
من حاجر تنطحك ريحه غرينه = شال والريح تطرح زلاله
ان عاش راسي يالحيا تاصلينه = وتبدلين السر قفر بداله
يازين شوف العشب الخضر يازينه = قبل شهر شعبان ينقز هلاله
حوايج العطار باطراف لينه = شمال أعويج والخشيفي شماله
والذ وأطيب من عطور المدينة = ما ساق فيها شاري العطر ماله
بالروض كنى جالس في سفينه = ترقد مخازرت السلق في ظلاله[/poem]

لاهنت يابو مسفر

راوي من الدرجه الاولى وانا لدي الكثير محيرني من ابيات اجهل قائلينها

ترقبني قريباً