سؤال./ لقحطان عن ابيات؟
 

الاخوه من قحطان الكريمه قراءت في احد المنتديات هذه
المشاركه واحببت ان اطرحها هنا لاخذ رايكم فيما ورد
فيها :


الابيات التي ذكرتها فعلاً هي ابيات
الفارس الشاعر شالح بن هدلان في الامير محمد بن هندي
وهي واضحه اشد الوضوح في قوله :




[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
عسـى قعـودٍ ودّره مايخـرّف=ياليت حوّاف الغداري سرابـه
أعوي عوا ذيبٍ عوا يوم شرّف=في ساقة الحوله تصارخ انيابه
عليك ياحامي الدبش يوم طرّف=اللي على الجيران سهلٍ جنابـه [/poem]




هذه الابيات مختومه بختم واضح انها في الامير ابن هندي والدلائل هي:
1- قعود ودرّه...فالقعود اسقط الامير من فوقه ميتاً ..
قارنها مع ابيات نوار بن هابس:



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يومه دنا واسباب موته قعوده=ياكثر ماواجه من الشر كثراه[/poem]




وكذا قول شالح:
اللي على الجيران ...واضحه انه كان مجاور لابن هندي ...ليس من قبيلته.


لكن الابيات التاليه:



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يانجد عقب محمدٍ كيف يتقول=عليت يانور السلف والجهامه
فتّال ماينقض ونقّاض مفتـول=وليا سعى بأمر مشى في تمامه [/poem]




هذه واضحه انها في شيخه محمد بن هادي بن قرمله
والدلائل واضحه استجرارا لابيات ابن هادي القديمه
في نجد :




[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
نجدٍ خذيته بالسلف والتفافيق=وخيلٍ تعاقب مثل طابور رومي [/poem]




وقول ابن هادي:



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

........................................=فانـا برمحـي حـامـيٍ نـجـد كـلـه[/poem]




وشالح هنا ..يذّكّر نجد بحاميها الميت ويعزّي نجد في ابن هادي
لان ابن هادي كما يزعم في قصائده انها متملكها ..لكن مات عنها
لذلك اوضح شالح بن هدلان هذه النقطه..



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يانجد عقب محمدٍ كيف بتقول=عليت يانور السلف والجهامه [/poem]




محمد بن هادي مافيها كلام
لكن الالتباس حصل محمدين وشيخين وراثيهم شاعر واحد يعني عمليه
الفصل صعبه..متشربكه.

المشكله في التداخلات بين الابيات والقصيد مشكله عويصه
لكن اذا كان الباحث ...............
ولايهونون اخواني الاعضاء ..يسهل التفريق .


هل كلام هذا الرجل صحيح
في ان ابيات شالح بن هدلان كانت في الشيخ محمد بن هادي بن قرمله؟؟.

مرحبا فيك اخوي ابن هوازن ونحن لانختلف مع ماذكرت ولكن شدني

لان ابن هادي كما يزعم في قصائده انها متملكها

اريد منك توضيح لهذه النقطه بارك الله فيك

انا مدري نقلتها كما هي من غير تعديل يالضويري
انا اريد تعليقك على الابيات ونسبتها

لاهنت ياشوق البنت

السلام عليكم ورحمة الله وبركاته


اما بعد حياك الله يابن هوازن في ضيافة صبيان قحطان


واحب ادلي بدلوي واعلق على المشاركه


حقيقة لم ادرك المغزى او الهدف من المشاركه ولكن اقول وانا اخوك


ما هو غريب ان الشيخ الفارس شالح بن هدلان يرثي الشيخ محمد بن هندي لانه يستاهل لما بين الفرسان من شيمه

ومحبه وان كانوا اعداء في ساحات القتال ولكنهم رجال وبشر يتأثرون ويعزون الرجال اللي فعولهم طيبه ويفقدون بعض


ولا استبعد ان تكون الابيات الاولى في الشيخ محمد بن هندي



أما ما قلته او نقلته عن زعم الشيخ بن هادي شيخ قحطان عن حكمه لنجد فأقول يا اخي انت ومن كتب الموضوع


انصحكم لا تصادموا الحقائق ولا تعاكسوا موج الواقع نعم ابن هادي رحمه الله حكم نجد وفرض فيه القوانين وهذا ليس


من ضرب خيالي او من رغبتي كقحطاني بل من التاريخ والكتب والرواه وابيات الشعر وشهادة ابناء القبائل


فأقول لمن كتب هذه المشاركه يااخي لا تظلم نفسك وتجعل نفسك محل الخطاء

ودمتم بود

ابن هادي

مايحتاج انه يزعم يالعتيبي ,ابن هادي مالك نجد في وقته

اما ابيات شالح بن هدلان فهي مرثيه في امير نجد محمد بن هادي بن قرمله
والابيات واضحه :

يانجد عقب محمد كيف يتقول


.

أنا أؤيد ما قاله الأخ الأمبراطور
ولكم تحياتي

السلام عليكم ورحمة الله وبركاته :
اخي العزيز ابن هوازن
الشيخان بن قرمله وبن هندي يستاهلون المدح من شالح بن هدلان وكلهم شيوخ وفرسان
ولكن اغلب الروايات التي نسمعها تقول انه الشيخ بن هندي . والله اعلم بذلك

اي ابيات تقصد اخوي المنار

ارجوا التوضيح