|
محاوره شايع العيافي وعبدالله ابن عتقان عام 1425
جرت هذه المحاورة عام 1425ه شــايـــع الـعـيـافــي سلام رديه تعـم الحاضريـن مـن الرجـال وان خصت السلمان ما يحتاج والمخرج ملي انا مسوي لي من اهل العرف ربح وراس مال يارب ترفع لـي درجاتـي وترضـى بعملـي عـبـدالله بـــن عـتـقـان يامرحبا ترحيبةٍ ترقـى علـى روس الجبـال بالشافعـي والحنفـي والمالكـي والحنبلـي المعرفه بين النشامـا عـز مافيهـا جـدال منهاج ياشايع مـن ايـام الزمـان الاولـي شــايـــع الـعـيـافــي اليا نوينا مايشيـل حمولنـا غيـر الجمـال مير اوردي يالشارده وان ساعف الحظ اقبلي ياسليم يا طول الصبر معكم ويا قصر الحبال واقصى دعاوينا عسى ضيم الليالـي ينجلـي عـبـدالله بـــن عـتـقـان بعض الحمول اهوينه والبعض الأخر ما تشال واللي عجز عنها محمد مـا يوصلهـا علـي اللي يبا يارد على هـداج يشـرب مـن زلال واللي يبى حربٍ ضروسه فيه نـارٍ تصتلـي شــايـــع الـعـيـافــي اليوم يمشي من شروق الشمس لاوقت الزوال والكسب يفرق يا سنام شعيل ياقرن الطلـي هداج عد فالشمـال يكودنـا يابـن الحـلال والنار لو تالع نزلنا غصب في ساحـل بلـي عـبـدالله بـــن عـتـقـان كم واحدٍ يمشي سنين من الجنوب إلى الشمال يروح قحطانـي ويرجـع فالنهايـه عبدلـي عشره فناجيل أجمعوها أصحابنا وأربـع دلال وتوزعت بين الجماعه عند ميحـات الدلـي شــايـــع الـعـيـافــي صيحتك لو جربتها بيـن النعانيـع الطـوال مانته مزلزل الارض لو وايقت ريـعٍ معتلـي يا صاحبي لا تلبس الغتره وتكشـخ بالعقـال انت سلمي والنـاس والله ماتسميـك هذلـي عـبـدالله بـــن عـتـقـان مافيه صيحـه يالعيافـي زال مافيهـا قتـال هرجة سلام ومرحبا وش قلتلك وش قلتلـي من فضل ربي ما غدالي لا جنيـه ولا ريـال وإذ وقفت أوقف بسيف العز مانـي بعزلـي شــايـــع الـعـيـافــي قلنا الجبرتي مات واثر الله مورث له عيـال لكـن ماشفنـا بهـم واحـد نبـيٍ مرسلـي علم يقـال وعلـم اظنـه لايـذاع ولا يقـال دام السحيمي معك ربـع الله يعيـن المبتلـي عـبـدالله بـــن عـتـقـان أشدادنا فوق الجمـل وقـتٍ قديـم ومايـزال اليوم وألا من على أيـام الزمـان الجاهلـي شايع من السرعه توسط بين جايز وإحتمـال لكـن يابركـان ثـور ويابسيطـه زلـزلـي |
بحر محاورة كبار لاهنت على النقل |
لاهنت يا بحرررررررررررر شعراء كبار تحياتي |
لاهنت يابحر
بيض الله وجهك |
الأخ العزيز بحر لا هنت على النقل المميز ومحاورة جمعت أثنين من كبار شعراء المحاورة صحت ألسنتهم وبيض الله وجهك على الأختيار الموفق أخوك |
شكراً لك اخي الكريم على هذا المشاركة
|
رد : محاوره شايع العيافي وعبدالله ابن عتقان عام 1425
ابن طفله مشكور علي الجهد المبذول وصح اللسان الشعار
اخوك / صقر الكويت |
| الساعة الآن 07:47 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com