شبكة قحطان - مجالس قحطان - منتديات قحطان - تنشدوا في الدايره للقحاطين

- مجلس عذب الكلام (https://www.qahtaan.com/vb/forumdisplay.php?f=16)

- - تنشدوا في الدايره للقحاطين (https://www.qahtaan.com/vb/showthread.php?t=1062)

تنشدوا في الدايره للقحاطين

هذه قصيدة للشاعر مرير الحبيل العتيبي

في الشيخ حناش بن جارالله العرجي

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
في خاطري لاهل المواجيب بيتين=في عيال عود(ن) ما تغير سلومه

تنشدوا في الدايره للقحاطين=ثم بشروا راع اللزوم بلزومه

يلقى مطاليق(ن)سواة الشياهين=فزعاتهم تجلي عن الكبد لومه

ويبشر بربع في المواجيب وافين=قروم في وقت (ن) تلاشت قرومه

ويحل موضوعه على الكيف ويزين=باذن الولي لو ياصلون الحكومه

مثل ابن جارالله عسى ايامه سنين=اللي عسى المعبود يبطي بيومه

حناش جارالله صعوط المجانين=اللي على الطاله تسوقه عزومه

فعل العبيدي راجح(ن) بالموازين=حر (ن) ونفسه للنشاما خدومه

عز الخوي في حزة العسر واللين=نفسه على كسب المراجل جزومه

قلت الحقيقه وان بغيتوا براهين=تنشدوا تلقون باقي علومه[/poem]

صح والله لساااااااااااااان العتيبي

وعز الله ان ما ظلم نفسه

والشيخ حنّاش كفو ويستاهل المدح والطووووله

مشكور يالقرم ولاهنت

أخوك فارس الشواطي

بيض الله وجهك يا احمد

وصح الله لسان مرير العتيبي وفي ذمتي ما قال الا الصدق وهذا والله من طيبه

وابو احمــــــــــــــــــــــــــــــــــد يستاهل اكثر واكثر

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اسلم وسلم لي على الشيخ حناش = اما سلام العز والابلاشي[/poem]

من بيوت فلاح القرقاح

وصح لسان ابو محمد ايضاً

اخوك عوض بن شفلوت المناديه

كفو وبيض الله وجهك

ياحمد بن حناش

وانت ياعوض بن شفلوت ان كان عندك قصيدة فلاح عطناها

بيض الله وجيهكم

ما عليكم زود جميع
والقصيدة هذي قيلت في والدي ولا يعتبرها تخصه لحاله القصيدة تخص كل قحطاني والله يعين الجميع على الجميل والفعل الطيب.....

والله ونعم بحناش ولد عمي

العرجي رفع الراس بفعاله
مابه احد الا مدحه
وبيض الله وجهه
تحياتي

ذكر ..الحيا ..والطيبين ..يبين ...ارحب ...ياابو حناش ..

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حناش جارالله صعـوط المجانيـن=اللي على الطاله تسوقـه عزومـه

فعل العبيدي راجح(ن) بالموازيـن=حر (ن) ونفسه للنشامـا خدومـه

عز الخوي في حزة العسر واللين=نفسه على كسب المراجل جزومـه

قلت الحقيقه وان بغيتـوا براهيـن=تنشـدوا تلقـون باقـي علـومـه
[/poem]

كفو كفو والله كفو ..با الشيخ حناش ... ويستاهل ابواحمد ..
وصح السان الشاعر مرير العتيبي قصيده وافيه وجزله ومازادها قوه ورعه انها قيلت فيمن يستحقها باالفعل
مما اكسبها مصداقية المعنى ..والشيخ حناش ابن جارالله معروف عند القاصي والداني بشاهمته وكرمه ودماثة اخلاقه
وحبه لفعل الخير ..وابواحمد الله يطول عمره معروف باالحميا والفزعه لمن ينصاه..فهو لايرد احد ابدآآ..وهوغني عن
المدح والتعريف ولكن لابد من الأشاده باالرجال اللي يشرفون بني عمهم عند القريب والبعيد ونفخر دائمآ باالأسماء
البارزه من رجال قحطان ..
اخوي الغالي
احمد بن حناش
ارحب يابوحناش ..والله يحييك تحية المطر ومرحبا والله ومسهلا بين اخوانك وربعك ويشرفنا انتسابك لشبكة قحطان وجودك معنا دعم
و مكسب حقيقي ومباشر للموقع والموقع يفتخر بوجود اعضاء على درجه كبيره من الثقافه والوعي امثالك
واشكرك جزيل الشكر على نقل هذه القصيده التي كنت ابحث عنها وجابها الله ..لأن هذه من القصائد التي يفخر بها
كل قحطاني ..
اخوك
اللي يرحب بك ملايين
خالد

مرحبا الفـــــــــــــــــــــــــــــــ ياأبو حناش وقصيد جزله وصح لسان مرير وأشكرك على المشاركة بها

يالبيه يابوحناش على القصايد الجزله واللي تستاهل النشر .. وصح لسان مرير ..
والشايب يستاهل المدح في ذمتي ..

سلم لي على (الطير ؟)
بخ وشكرا

صح لسانك وبيض الله وجهك

وابواحمد مهما قلنا فيه من قصايد ماراح نوفيه حقه