شبكة قحطان - مجالس قحطان - منتديات قحطان - مرثيه في الأمير \ عشق بن ذيب بن شفلوت

هذه المرثيه كتبها الشاعر \ زيد بن ذيب بن شفلوت في فقيدنا الغالي فقيد قحطان الأمير \ عشق بن ذيب بن شفلوت

واللي وافته المنيه قبل اسبوعين في حادث مروري

[poem=font="Simplified Arabic,5,black,bold,normal" bkcolor="transparent" bkimage="" border="outset,10,teal" type=0 line=0 align=center use=ex num="0,black"]
يالله يا محيي هميدات الأوطان=يالماجد المنان رب العبيدي
يا عالمٍ ما كان في كل الاكوان=يا الكامل الوهاب مالك نديدي
يا قابض الارواح يا خير ديان=يا مفنياً خلقاً وخلقاً جديدي
مالك ملوك الارض يا عالي الشان=ايدك علت يالله من فوق ليدي
انت العظيم وحكمتك خلق الازمان=وتصرف الايام في ما تريدي
امرك نفذ يالله من غير نقصان=وامرك مشى من غير شرطٍ وقيدي
رضيت في حكمك ولانيب زعلان=لاكن فراق الشيخ عندي شديدي
يالله طلبتك يالولي رب الايمان=تجعل مكانه في نعيم ورغيدي
عساه في روضٍ خضر كله جنان=وعساه في الفردوس عالي رصيدي
جعله مع طاهه وعيسى وعثمان=وعساه يكتب عند ربه شهيدي
راعي الوفاء والصدق ثبتٍ وبرهان=وراع الكرم والجود شهمٍ فريدي
وراع التواضع والبشاشه بليهان=قلبه نظيف ونظرته للبعيدي
يبكيه شيخ الشمل جدي كحيلان=جدي مناحي جعل عمره مديدي
ويبكيه منهو داخله حس نيران=اللي شكى من جور بقعا وكيدي
ويبكيه منهو ينتظر شوف عزران=برجله حديد وفي يدينه حديدي
ويبكيه ورعانٍ ويبكيه شيبان=وييبكيه جمعٍ من نظر له يحيدي
ويبكيه شيخان من شيوخ قحطان=اهل المراجل غيرهم ما يفيدي
ويبكيه من يسمع بصيته على شان=انه من اللي لا نخيته يزيدي
جدي عشق ابكيه من قلب ولسان=ومن لامني يا عل عمره يبيدي
لكن عزانا شوفة طيور حوران=عياله اللي في المواقف تفيدي
العام باكيٍ شيخ واليوم سهران=وارجي عساهم كلهم تستفيدي
من رحمتك يا خالق الانس والجان=ياغافر الزلات ما لك ضديدي
تجعل لهم في داخل الخلد مسكان=تغفر لهم يالله وانت الوحيدي
اللي لك المرجع بروغات الاذهان=بيومٍ تشيب المرضعه والوليدي
يالله تجازيهم على كل الاحسان=وترفق بهم يالله يا خير سيدي
عزيت نفسي ثم عزيت قحطان=بفقد الشيوخ اللي ذراهم جويدي
جداني اللي فعلهم ظاهر وبان=يشهد لهم من شاف يوم زهيدي
الكل منهم ينتهض كنه حصان=فالموقف اللي يرتكي له عنيدي
مقدم عبيده لا كسى الجو دخان=لا ثارت الهيجا وجاله فقيدي
كسابت الطولات في كل ميدان=كمٍ عدوٍ راح منهم شريدي
عسى السحاب اللي تزبر مسيان=يسقي قبر من حبه في وريدي
ارجي كريمٍ عالمٍ كل ما كان=وادعي لهم يا رب وادعي واعيدي
يالله تجنبهم لواهيب نيران=ويالله عساهم في نعيمٍ يزيدي
ويالله عساهم في بساتين واغصان=امين ياربٍ سميعٍ مجيدي
واختامها صلو على نسل عدنان=نبينا اللي صادق بالوعيدي[/poem]

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود