قصيدة مدح
 

]راكب اللي لي زما يطوي مسافات الجــــــــفا === وارد اليابان شاص مكمل الاوصـــــــــــافي

وردوه قطمان الخشوم ما يعرفون الــــــــــوفا === اهزال في خلقهم نحال ضعــــــــــــــــــــــافي

معجب راعيه وقال دواي وذا الشـــــــــــــــــفا === واستقرت عليه العين واشتراه بــــــالالافي

اسمه شبح له صفير مثل ذيب عـــــــــــــــــــوا === ونوره يجلي الظلمه ويجعل الليل صــــــافي

وتانك له اخو لا يسرف ولا يصـــــــــــــــــــرفا === واسبير في ظهره واسبير تحته اضـــــــافي

موتر ما يتاثر لا بالــــــبرد ولا الـــــــــــــــــدفا === ولا بلهيب الحر ولا الرطوبه ولا الجفــــافي

موتر لو طمر في سيل العرم ما طـــــــــــــــــفا === والدبل موجود لو صعد شاهوق الفيـــــافي

راعيه قحطاني وصلب جده ما يخــــــــــــــــــفا === من صلب شريف زحل وذرب سنـــــــــافي

سارح من الدوحه قبيل حزه الضــــــــــــــــــحا === وخلفه هب السموم عجها مثل القنــــــافي

توجه من عاصمه قطر صوب اهل الـــــــــــــوفا === مبهمه صوب قحطان شيوخ المــــــــلافي

وصل الجمارك وحيوه اجنود واعـــــــــــــــرفا === والرقيب نسي البريهه وسار صوبه حـافي

وخفضوا له جمرك لوحات الوجه والقـــــــــفا === ونسيوا لا يفتشونه من البلاوي والصرافي

استوى وطوى الخط السريع وطبلونه صــــــفا === وطاف اللي يطوفونه وطاف اللي ما يطافي

راعيه ساهر ليلـــــه وجفــــــــنه ما غـــــــــفا === في نهار لهيبه القيظ ولياليها عجـــــــــافي

دام عشاه في جنوب اللممــــــــــــــــــــلكة وزا === فعزالله ان دربه عزايم شــــــر ولا عوافي

وصل الجنوب خلف مدقال الشفق الاحمــــــــرا === صوب ربعه نطاحة العايل صقور النوافي

يوم شافوه ربعــــــه رحبـــــــــوا باللي لـــــــفا === ترحيبه وقعها البـــــلاجيك والرب كـــافي

دامه من قحطان فوصله ما يعرف الجـــــــــفا === ولا انتم ياجاهلينا ثوايرنا ما هي خــوافي

والله اني كلما شفت ربعي دمعي ما يخـــــــــفا === والله اني في فرقاهم دموعـــــــــي ذرافي

ومن لامني في حب قحطان جعل عينه تعـــــما ==== يدور للعافيه ما يلقا العلاج والمشـــــــافي
الشاعر / عبدالله السلامين

السلام عليكم ورحمة الله وبركاته :
مشكور اخي العزيز احمد بن جهيم
وصح لسان الشاعر عبدالله السلامين
قصيده جزله .

صح لسان الشاعر
ومشكور على النقل يا ابو جهيم

رد : قصيدة مدح
 

صح لسان الشاعر عبدالله السلاميين
صراحة قصيدة رائعةجدا جدا ومن اروع القصائد الي قريتها
والله يابو جهيم يبيض وجهك ويكثر من امثالك والله لايهينك على النقل
وننتظر جديدك والى الامام