شبكة قحطان - مجالس قحطان - منتديات قحطان - ياليل .. شعر الأمير: بدر بن عبدالمحسن

- مجلس عذب الكلام (https://www.qahtaan.com/vb/forumdisplay.php?f=16)

- - ياليل .. شعر الأمير: بدر بن عبدالمحسن (https://www.qahtaan.com/vb/showthread.php?t=49177)

ياليل .. شعر الأمير: بدر بن عبدالمحسن

سؤال يتجدد عندما يكون الحديث عن مبدع .. لأن نصوص المبدعين لها مخابئ كثيرة وكثيرة جدا .. لها اكواخ في
مدن القناعات لاتتسع الا لها .. كيف لا .. وهذا النص الشعري ردده في ليله سمر اكثر من قناعة شاعر وراوي انه لبدر الشعر الأمير بدر بن عبدالمحسن

ياليل

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يطيح جفن الليل .. وأهز كتفه = نجم يفز وباقي الليل .. مطفي
واحاكي الجدران عن مثل غرفه = ماتشبه الجدران .. ويطول وصفي
وتثاوب الجدران وأظهر لشرفه = فيها السما .. واسكر الباب خلفي
ريح تهب وتسكن العظم رجفه = وتموت ريح وتسكن اوراق نزفي
ليت الشوارع تجمع اثنين صدفه = لاصار شباك المواعيد مجفي
الحب واجد .. مير الأقدار صلفه = والأرض واجد .. لكن العزم منفي
واللي أعرفه راح ماني بعرفه = ولاظن يذكرني الى اقبلت مقفي
ماهو حبيبي مورد القلب حتفه = ولاهو حبيبي يفرح بوقت ضعفي
متى الفيافي تشرب أمطار وطفه = وتصب لمع بروقها وسط طرفي
يا طاري الغدران والعمر رشفه = مع قلها .. .. ياليتها يوم تصفي
مر .. ثمر هالليل .. وأمر قطفه = يالحنظل اللي صرت أذوقه بكفي
هذا وتو الليل ماراح نصفه = يالليل بعض اللي مضى منك يكفي [/poem]

اعجنتني هذه القصيده كثيرا وحبيت انقلها لاخواني في المنتدى