--- ((( رصيدك في حياتك سمعتك مع طيبين الفال )))---
 

يقوووووول عبدالله الطلحي هذه القصيده التي تعتبر تجاااااااارب الحياااااااه

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]





معوض خير ياحي تهقوى في الزمان ومال= سنينك لورقيت بعدلها يطرحك مايلها
تعلم واعرف ان الدرب قدامك سهل وجبال = جبال تطولها وجبال بعيونك تخايلـها
ومعوض خير ياحي وردت الما بدون حبال = يطول بك الوقوف وشربة الما ماتحصلها
وقوفك عند راس البير مايسقيك لو فنجال= ولا ينفعك شوف الجمه اللي ماانت طايلها
ومعوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
معاريف الرجال ديون وديون الرجال ثقال= ليا صرت امتعافي ليش تغرق في جمايلها
رصيدك في حياتك سمعتك مع طيبين الفال= رجال الطيب والمعروف بالمعروف عاملها
ولا تبدي بجاهك في مقام ما يسر الحال= ولا تشفع لناس ما تنومسك بفعايلها
ليا جاتك تعذرها ما دام العذر له مدخال= ووقت الجد قول الها الصحيح ولا تجاملها
وخذ مني نصيحه لاتصدق كل ما ينقال= يجرك للنميمه لين يطرحك بحبايلها
يجي لك ناقل النمات بهروج تغث البال= سوالف في قفاك وحظك اطيب يوم تجهلها
يبرر بالحميه والصداقه شينة الأفعال= يجمل صورته بعلومه اللي ما تجملها
ولو كانت حميه فيك رد المخطيه في الحال = ولا كان إستمعها في قفاك وجاك شايلها
ترى من جاب لك ودى وهذي عادة النقال= يحاول يقتنص من فمك كلمه لأجل ينقلها
ومثل ما قال عندك راح عنك وعند غيرك قال = وزود عشر فوق الكلمه اللي كنت قايلها
تجنب مجلسه لا تجلس إلا مع كريم خصال= تحمل ميلته وان ملت ميلتك يتحملها
ولا تصبرعلى الجار الردي لو هي ثلاث ليال = تضرك جيرته لو كان بيبانك تقفلها
وبيع الدار بأول سومة تعرض على الدلال= ورزقك عند رب كاتب اللقمه وكافلها
وبنتك لا تزوجها الردي لو هو كثير المال= تربيها على الطالات وتشوه سلايلها
وكم من لاش يرمي خيبةأبنة فوق راس الخال= لو ان الخال من روس الرجال ومن دلايلها
ليا منك عرفت تميز الطيب من البطال= وفادتك التجارب في الحياة وفي مسايلها
وكشفت الفرق مابين الصحيح وحيلة المحتال= وتعلمت الفراسة في الوجية اللي تقابلها
بعد هذي ترى مالك غنى عن صحبة العقال= يدلونك براي ينقض الدعوى وتفتلها
يقولون الرجال اللي سوالفهم حكم وامثال= ليا من ضاعت الحيله يدل القوم عاقلها
نصيحة واحد جرب وشاف من الزمن أهوال= يقدم لك خلاصة هجرة جرب هوايلها [/poem]

رد : --- ((( رصيدك في حياتك سمعتك مع طيبين الفال )))---
 

بسم الله الرحمن الرحيم
السلام عليكم ورحمة الله وبركاته


صح لسان الشاعر

وقصيده في غاية الروعه

واشكرك يا ابو سعود

على ارفاق القصيده الجزله


اخوك/عبدالله السحيمي

رد : --- ((( رصيدك في حياتك سمعتك مع طيبين الفال )))---
 

السلام عليكم ورحمة الله وبركاته
قصيدة أكثر من رائعة وفيها من النصائح الثمينة
وما اقول الا صح السان الشاعر/ عبدالله
واشكرك يأبو سعود على نقل هذه القصيدة وتقبل مروري
اخوك/ سعد البشري

رد : --- ((( رصيدك في حياتك سمعتك مع طيبين الفال )))---
 

الاخ الغالي المبدع

عـــبدالــلـــه الـــمــــهـــــدانــــي ::


بيض الله وجهك

وصح الله السان قايلها

لك مني زود الغلا والمحبه والتقدير ..

رد : --- ((( رصيدك في حياتك سمعتك مع طيبين الفال )))---
 

رد : --- ((( رصيدك في حياتك سمعتك مع طيبين الفال )))---
 

رد : --- ((( رصيدك في حياتك سمعتك مع طيبين الفال )))---
 

صح الله لسان الشّاعر ..

ولاهنت يا بو سعود ..




تحيّاتي ..

رد : --- ((( رصيدك في حياتك سمعتك مع طيبين الفال )))---
 

رد : --- ((( رصيدك في حياتك سمعتك مع طيبين الفال )))---
 

رد : --- ((( رصيدك في حياتك سمعتك مع طيبين الفال )))---
 

صح لسان الشاعر

وقصيده في غاية الروعه

واشكرك على نقل هذه القصيده الجزله