شيخ الخنافر سعد من ينتخي به
 

بسم الله الرحمن الرحيم
هذه القصيد ه قالها الشاعر / عويض بن مخلد الشيباني .. بعدما استعان به زميله / ظافر سالم ابن وبره ال عاطف في موقف قام به الشيخ /فلاح بن ناصر بن سفران الخنافر .. الذي قام مع بني عمه في احد المواقف العصيبه ...والقصيده تعبر عن مافيها

:

[poem=font="Simplified Arabic,4,black,bold,normal" bkcolor="transparent" bkimage="backgrounds/20.gif" border="none,4,gray" type=0 line=0 align=center use=ex num="0,black"]
يقول من غنا بزينات الألحان = قاف ٍ ثمين ٍ وقايله معتني به
اليا بدعت القاف مانيب غلطان= احضر واعبر با البيوت العريبه
والعاطفي ظافر عنا لي بطلبان=مني قصيده مدح راعي الكسيبه
وشرح لي الموضوع شرحآ بوكدان=ومن لا عرف عدل الطريق يغدي به
ورحبت به ترحيب غالي لخلان=ولا ..للصحيب الا مشورة صحيبه
وفزعت له فزعه صديق ٍ لصدقان=وفعل الجميل اطاف به واستعي به
وعبرت له تعبير من قلب ولسان=والله يلهمنا الصواب ونصيبه
بشعر ٍ طراته مدح ذربين الايمان= وهذي طراة ابيات شعر ٍ نجيبه
لولا المواقف مادرينا بما كان= ولا عرفنا طيب ٍ نعتزي به
والطيب فرصه للولد شانها شان=قدام لاتركز عليه النصيبه
رجل بليا طيب قامح وخسران=وفيده مع الربع المشاكيل خيبه
وطيب الفتى يبقى على طول الأزمان=والطيب مع ذكر الحياء يندري به
وانا دريت بفزعت فلان وفلان=ولاقصرو كل ٍ بذل كل طيبه
فزعاتهم يرجح بها كل ميزان=ومن ينكر المعروف ربه حسيبه
وبرز بها حلالها طير حوران=فتالها حلالها با الغصيبه
فلاح بن ناصر سلايل كحيلان=شيخ الخنافر سعد من ينتخي به
له وقفة ٍ تبعد زعل كل زعلان = ايضآ ونخوات النشاما تجيبه
فزاع جزاع ليا قام بركان=للضيف ريف للعدا يندعي به
فلاح له قيمه وشيمه وعرفان=وعنده بعيد الناس حسبة قريبه
اطلق سراح اللي من السجن حيران=اربع سنين النوم مايهتني به
واعتقت راس ٍ فوقه السيف شامان=وقربت مابين الحبيب وحبيبه
وفرحت شفقان ٍ على شوف شفقان=واحضرت غايب بعد طول المغيبه
الله يجازي راعي الأحسان بحسان= بجاه رب ٍ عز مكه وطيبه
والله يكافيكم بلا كل شيطان= وهذي وهذي منك ماهي غريبه
فعلك تنومس به شمل كل قحطان= ايضا وتدريبه قبيلة عتيبه
فلاح طيبه طيب ناصر وسلطان=ليا قام بمهمه ..تهون المصيبه
ناصر ولد سلطان حماي الأضعان=عند اللقاء با الفعل ينطح كتيبه
وسلطان جدك مشبع الذيب سرحان=على العشاء سرحان يقنب قنيبه
يسور ويدعي للعشاء كل جيعان=من ضرب كف ٍ مايفرفص قضيبه
قولآ على البرهان مافيه نقصان=ولا فيه ميخلي الرجال اتحكيبه
من شاعر قافه معرب اليا بان= مبداي مدح وبا المديح انتهي به
وانا عتيبي واتعزوا بشيبان= لطيب نرقا مانحب الغليبه
هذا وصلاة الله على نسل عدنان = نبينا اللي كلنا نقتدي به

هذه القصيده قيلت في تاريخ 5/ 5/1418 [/poem]

موضوع السجين وسالفته معروفه لدى الكثير ....

اخوكم
خالد

خاااااااااااااالد صح لسااااااااااااااان الشيباني وصح للسااااااااااااااااااااانك ياخاااااااالد

خالد والله جهدك ووووووووووووووووووووووووووووواضح نفداك والشيخ ابن سفرااان ماهيب غريبه عليه

اخوووووووووووووووووووك ابن عااااااااااصم

صح لسان الشعر وسلمت يمين الناقل


قصيدة فعلا ، قوية وابيات جزلة ، وابو ناصر يستاهل

وفعلا القصة كانت كبيرة وعجز عنها حتى بعض الأمراء ، لكن تسهلت ولله الحمد



اكرر شكري لك ياخالد على مواضيعك المميزة


اخـــ السيف النادر ـــــوك

الله لا يهينك يبو مبارك وهذا ماهو غريب


عليك وعلى شرواك من الرجال والرجال


الطيبين يقدرون الطيبنبا تقبل التحيه

ونعم بالسفارين .... ولايهون باقي الشيخان

شكرا خالد على الموضوع

رد : شيخ الخنافر سعد من ينتخي به
 

السلام عليكم
اررررررررحب يا خالد
قصيدة طيبه من طيب قايلها
وبيض الله وجهك على النقل
والدكتور فلاح ابن سفران
مايستغرب عليه ما سواه
وبني عمه يستاهلون
وهو سباق للعلوم الطيبه دائما