شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس عذب الكلام (https://www.qahtaan.com/vb/forumdisplay.php?f=16)
-   -   الحرمليه (https://www.qahtaan.com/vb/showthread.php?t=4517)

عاشق الوطن 13-07-2005 10:18 PM

الحرمليه
 
ضويحي بن غنيم الروقي
من الشعراء المعاصرين وهو من اهالي الحرمليه تاصيلا
شاعر هاوي غير متفرغ للشعر يحمل درجة الماجستير في التاريخ
وقد كان لتخصصه دور كبير في منحاه الشعري متذوقي شعره يرون ان قصائده
تنصب في التاريخ والمناسبات وهنا نطلع القارئي الكريم على قصيدتين الاولى
عن نجد والقصيده الاخرى عن الكويت في احدى زياراته حيث يقطن الكثر من ال روق
في الكويت

القصيده الاولى



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا نجد يا نجد الفخر منزلك فوق = الله رفع منزلك فوق الأراضي

العيد هل وربعنا عيدو فوق= واهنيهم ما عيدو فـالرياضي

سلموا من الزحمة ومن دوشة السوق =وأم العيال تقول وين المقاضي

راحوا لدار المجد دار لها عروق = في معجم التاريخ حاضر وماضي

أمجادها في بيرق العز مدقوق = مسطرٍ تاريخها بالبياضي
يفخر بها اللي عزوته في ولد روق =الحرملية دارنا يابن ماضي

ويالله بليل كله رعود وبروق = يسقي لنا سوفه ويملي الفياضي

ويهل همال على نجد برفوق= وتباشروا بالخير والبرق ناضي

وطاح الحياء وانبت لنا كل زملوق= بشوف الخضار البال دلهان راضي

وإخضرت البيداء وشبعت بها النوق= سمحات الأوجه والفقار العراضي

يا نجد يا نجد الفخر منزلك فوق= الله رفع منزلك فوق الأراضي


يا نجد لك حشمة وقيمة مع حقوق = حقك علينا ما نبيعك تقاضي

يا نجد لك وحشة ولهفة مع شوق= وقدرك ترى فالنفس ما يوم غاضي

وصلاة ربي عد مأبحر الدانوق= واعداد من وقف بمكة وفاضي

[/poem]
القصيده الثانيه

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

الله أكبر يا مشاعرنا الفريدة = شوقتنا شوقتنا للكويت

جيت أزف لكم تحيات جديدة =جيت أشارك حفلكم يأهل الكويت

جيت أبارك فرحة الليلة السعيدة =والمشاعر جبتها أنا كُمبليت

المشاعر تسبق بيوت القصيدة=ولو تحاكي شيدت مليون بيت

والمشاعر كنها حروف الجريدة =كل حرف يقول للثاني بكيت
والمشاعر كنها حروف الجريدة =كل حرف يقول للثاني بكيت
والمشاعر كنها البنت العنيدة =مير أنا ركبتها ظهر الونيت
لين صارت مثل عبدٍ عند سيدة =طاوعتني كان رحت وكان جيت
يا جماعة عندي أشواق شديدة=لو نسيتوا والله أني ما نسيت
آثر بعض الود بحبال جويدة =والله إني قبل هذا ما دريت
لو كتبت معلقة وألا نشيدة =ماهقيت أني بأوفي ما هقيت
الله أكبر يا مشاعرنا الفريدة=شوقتنا شوقتنا للكويت
والكلام اللي بدينا به نعيده=جيت أشارك حفلكم يا أهل الكويت[/poem]

المكابسي 14-07-2005 01:31 AM

لالهنت يا عاشق الوطن

وصح لسان شاعرنا ضويحي وانا خابره يدرس ماجستير

مبروك الماجستير وعقبال الدكتوراه ز

تقبلوا فائق تحياتي

المكابسي

ابن عاصم 14-07-2005 05:43 AM

صح لساااااااااااانن الشاعر ضويحي

والله لايهينك على نقل هذه القصيده

ابن وهف 14-07-2005 06:39 AM

لاهنت يعطيك العافيه

ولد النايب 14-07-2005 10:55 AM

عاشق الوطن
لاهنت
قصائد من نوع آخر تستحق التمعن

احب الحرمليه كثيراُ
موقعاُ واناساُ
واحبها اكثر لان معركة الحرمليه تحمل نفس الاسم
وهي من المعارك التي لا يحب ذكرها الطرف الآخر.


اشكرك

أبو زيد 15-07-2005 12:58 AM

(ولد النايب)
أتمنى تزويدنا بمعلومات أكثر أنت وغيرك من الأعضاء الأعزاء عن معركة الحرملية.
ــــــــ
عاشق الوطن لك جزيل الشكر.

برق سوفه 15-04-2006 04:27 AM

الله لا يهينك وصح لساااااااااااانك يابن روق


الساعة الآن 01:27 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com