(حبيب العازمي)و(فلاح القرقاح) في مهرجان ابهاء
 

[poet font="Simplified Arabic,4,darkblue,normal,normal" bkcolor="burlywood" bkimage="" border="none,4,burlywood" type=0 line=200% align=center use=ex length=0 char="" num="0,black" filter=""]
حبيب العازمي
سلامي من الشعب السعودي لآل سعود=عسى الله يحفظهم ويحفظ بلادي
ما دام(ن) للرجال غاية ومقصود=ابا اخذ هوى بالي وغاية مرادي

فلاح القرقاح
سلامي على حكامنا منبع الجود=هل الطايلة في حر والا برادي
الآمال كبر طويق والعمر محدود=وموج البحر عادي ولاهو بعادي

حبيب العازمي
لياصرت قاصد خير فالخير موجود=ولاالشداد الا عقيد الشدادي
والا يافلاح النقص ما يجبر الزود=تحدث وكفك عند حيد الزنادي

فلاح القرقاح
عساها علومً بيض وسهود ومهود=وكلً يعيد بالثياب الجدادي
أنا ماني بمقرود وان طاح مقرود=لعله مطيح الفارس من الجوادي

حبيب العازمي
يقلون في الامثال حاوي ومردود=وانا اقول كانت واصبحت شي عادي
وصلك الخيال وقدمه ابروق ورعود=وبكره يجيك السيل من كل وداي

فلاح القرقاح
تقوله وخلق الله شعله وبارود=يعرف الصياح اللي يعرف الهجادي
الى ضاع من بين البعارين مفرود=تسد الجمال اللي خطاها بعادي

حبيب العازمي
انا خابر الدخان يصدر من العود=ولاكن حتى النار تصبح رمادي
الا يافلاح ان كان ماراح مفقود=وراء ما تجاوب يوم نادى المنادي

فلاح القرقاح
على الدرب دورية و ضباط وجنود=لكن ياحبيب لا يطول التمادي
انا ما سمع الا صيحة الورع والعود=صياح المهبل ما يحرك فوداي

حبيب العازمي
انا امشي على هوني ولاني بمطرود=ولاني بلا تايه ولاني بغادي
ختام الكلام الموت حوضً ومورود=عسى الله يهديكم طريق الرشادي

فلاح القرقاح
اقول اذكر الله كل ما هبت النود=وطالبك لا ترخص طوال الايادي
[/poet]

والمعذره

شكرا يامحمد الجربوعي والجميع في انتظار المحاورات وخاصة محاورة فلاح وصاف الحربي
في حفل جنب درع الجنب زبن المجنا
هذا مطلع المحاوره حتى قال فلاح
عندنا الكيف لاهل الكيف هيل وبنا-------وعندنا المرهافات اللي تذل الشجاعي

تسلم يمينك يا لجربوعي
 

اخوووووك

هــــاوي نجد

لاهنت يالجربوعي


على نقل هذه المحاوره الجزله

لماذا
 

الأخ فارس قحطان
لماذ مايوضع رابط بالصوت للمحاورة

اخيك المهلهل

عذراً اخي محمد الجربوعي
 

الأخ محمد الجربوعي عذراً
مع احترامي لفارس قحطان
انا قصد محمد في الرد وكرر اعتذاري له........

الاخ محمد الجربوعي لاهنت على هذا النقل لهذه المحاوره الرائعه بحق
كيف وهي بين حبيب العازمي وفلاح القرقاح
تحيات ولد روق

محمد الجربوعي

بيض الله وجهك على هذا النقل الجميل لهذه المحاوره التي كانت من ابرز ما جاء في المهرجان

وجمعت شاعرين جماهريين وغيين عن التعريف

حبيب العازمي و فلاح القرقاح

لاهنت ولك مني اجمل تحيه

لا هنت يامحمد