|
خبرتوا لي أحد,,,؟؟
••.•°¯`•.•• (خبرتو احد يبكي على واحد يبكيه) ••.•°¯`•.•• ••.•°¯`•.•• (خبرتو احد يبكي على واحد يبكيه) ••.•°¯`•.•• كلمات الشاعر : محمد بن فطيس ياهيه اللتفت لي واسمع ادعاي لك ياهيه ترا عادك بتشبع من البعد وتواجه دعيتك بصوت ياصلك ليه ماتوحيه وانا اسمع ضلوعك من صدى الصوت لجّاجه عليك الفؤاد اخلاجه مصمّخ راعيه خف الله في راعيه ماتسمع اخلاجه ترا العفو قد جاك اوله واغتنم تاليه وترا الحلم بحر غير لا تامن امواجه وترا الود ليل مظلم جيت لك ساريه سراجه وصالك والجفى ينفخ اسراجه وترا قصرنا اللي كم سنه نجمع ونبنيه هوى العذل طيّح بابه العود وسياجه لي أيام مدري وين دارك ولا ادري ليه وانا خابر اني باب شفك ومزلاجه غياب بلا سبّه هجاد بلا تنبيه وجفا أغلا العرب نار على الكبد وهّاجه نضج قلبي من البعد وش حاجتك تكويه جفاك الجمر والصبر في بعدك الصاجه طبع حبك بقلبي والايام ما تمحيه هذا هجرك يحاول يموجه ولا ماجه يموت الأمل لكن ضنون الغلا تحييه وعروق الوفا فالروح والقلب وجّاجه خبرتوا حد يبكي على واحد يبكيه وخبرتوا حد مسجون مايبغي أفراجه احبه ولا ابغضته على شي إيسويه ولا زالت أرقاب الرجا فيه منعاجه عسى منزل ضمه حقوق الوسم تسقيه وتضحك له الدنيا وهو يضحك أحجاجه فقد خاطري شي من الضيقه امسلّيه وغدت روحي من الناس والليل هجّاجه اروح لمكان خابره ..خابره ياتيه اسوق القدم صوبه وهي مالها حاجه مكان نزيه وأول مواجهي له فيه وانا خابر مارجل مثله بدواجه لعل وعسى ما حدني للمجي ..يدعيه واشوفه وانا ماودي اسبب احراجه يحب الجريح اخر دروب اللقاء ويجيه وتحب القدم جيّة مكان اول مواجه شكر خآآآص لذائقتكم الشعريه |
رد : خبرتوا لي أحد,,,؟؟
ارررررررررررحب يابو علي تراحيب الحيا ..
الشكر موصول لك نفداك .. كل ما سمعة ولا قريت ذا القصيده يا اخي ادخل في عالم ثاني .. لله دره ابن فطيس وش سوى با العالم ..هههه اختيار موفق يا القرم وذائقه عاليه منك .. صح الله السانك والسان محمد مدد بلا عدد .. تقبل مروري يا الذيب ..:) |
رد : خبرتوا لي أحد,,,؟؟
اقتباس:
أتشرف بك وبحضورك هنا دمت قريبآ من القلب |
رد : خبرتوا لي أحد,,,؟؟
فقد خاطري شي من الضيقه امسلّيه
وغدت روحي من الناس والليل هجّاجه اروح لمكان خابره ..خابره ياتيه اسوق القدم صوبه وهي مالها حاجه نايف الابداع صح للسسسانك يالقرم وصح للسسسان الشاعر بن فطيس روعه روعه بارك الله فيك ذوق عالي رفيع لاهنت يالغالي على هالابداع والله ابداع ابداااع |
رد : خبرتوا لي أحد,,,؟؟
لاهنت يا نا يف على الاختيار الموفق
والله قصيده روعه وابن فطيس قصايده درر تقبل مروري يالغالي وتستاهل السمعه |
رد : خبرتوا لي أحد,,,؟؟
اقتباس:
مرور راائع كروعة صاحبه ولا نجي الا من بعدك في الذائقه الشعريه لك شكري |
رد : خبرتوا لي أحد,,,؟؟
اقتباس:
نورت متصفحي أبو مبارك وزدته جمالآ تشرفت بحضورك هنا ومرورك من هنا أكبر تقييم لك خالص شكري دمت بخير |
رد : خبرتوا لي أحد,,,؟؟
ارحب يا ابن جليد
الله لا يهينك ويرحم والديك على النقل ولاختيار المميز ابن فطيس شاعر جزل ولا فيه ولا فيك حيله تحياتي00000000اخوك |
رد : خبرتوا لي أحد,,,؟؟
اقتباس:
أشكرك ع المرور الرائع حضور راقي كرقي صاحبه دمت قريبآ |
رد : خبرتوا لي أحد,,,؟؟
مرحبا يا بن جليد ..
صح لسان بن فطيس .. وشكرا لك يا مبدع على هذا الاختيار الجميل .. دمت في رعايه الله |
| الساعة الآن 10:26 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com