شبكة قحطان - مجالس قحطان - منتديات قحطان

- مجلس عذب الكلام (https://www.qahtaan.com/vb/forumdisplay.php?f=16)

- - ( بنت السبيت ) (https://www.qahtaan.com/vb/showthread.php?t=56790)

( بنت السبيت )

صبحكم / مساكم الله بالخير جميعا

القصيده :

كل من بالكون ربـي يرزقـه
رازق الاسماك في غب البحور

جاعل الاسلام شمـس مشرقـه
محيي الاموات في يوم النشـور

نفسي اللي صابها نـوع غلقـه
اعتزلت وقلت.. لرحاها تـدور

ينفتح باب القصايـد.. وآرتقـه
ماني اللي حب بالساحه ظهـور

ماعلى حب السواليـف شفقـه
والمجالس فيها سب وهرج زور

القصص في جوف عود مصندقه
مالقى من يسأله بعض الامـور

الجماعه تجتمع لاجـل ورقـه
والبلوت يشتت انظار الحضور

ماعرفت من الرجـال الا ثقـه
كم تمنيت النـداوي والجسـور

الكريم من الرجاجيـل اعشقـه
شيخ قوم مجلسه كلـه بخـور

ولا كرهت من الرجال الا سلقه
دايم ينبـح تقـل *** عقـور

لامشى الرجال عرضه يشلقـه
بندقه باعراض خلق الله تثـور

وانت ياللي فيك كبـره وطفقـه
لاتعذرب دار جـدك يامعثـور

تبنـي الابيـات وتهـد شنقـه
لاتخبّط وانت راسك راس ثور

باشتك بنت "السبيـت" بتمحقـه
ولاتلاقي من فواكههـا قشـور

عقـرب سمـه تحـاول تدفقـه
صار ابن عمك هدفها من شهور

بانصحك وافهم كلامـي والفقـه
لاتعرض دار وافيـن الشبـور

اللسان حصان..هـذّب منطقـه
واحشم لسانك ترا الدنيا تـدور

للشاعر / عبدالله الجعيثن ...... اسم القصيده ( بنت السبيت )

رد : ( بنت السبيت )

لاهنت يا ناصر على الطرح المميز

وصح الله السان الشاعر

اختيار موفق يا القرم

رد : ( بنت السبيت )

ولا تهون يافلاح ارحب يالغالي بارك الله فيك وفي حضورك

رد : ( بنت السبيت )

أخوي ناصر صح لسان الشاعر قصيده جزله لاهنت........

رد : ( بنت السبيت )

.
اللسان حصان..هـذّب منطقـه
واحشم لسانك ترا الدنيا تـدور

والنعم ياناصر

بارك الله فيك على هذا النقل الرائع

والشاعر عبدالله بن جعيثين غني عن التعريف وله قصائد مميزه عساكم سالمين جميع

مشكورررررررررررررررررررررر ولاهنت

تقبل تقديري واحترامي وحكاي والسلام

.

رد : ( بنت السبيت )

سفر لاهنت بارك الله فيك وفي حضورك طال عمرك

رد : ( بنت السبيت )

ابن الشايب يالله حيه ارحب طال عمرك بارك الله فيك يالقرم وفي حضورك لاهنت فديتك