طريقة شوي الذبيحة كاملة على الجمر ... هدية لفارس قحطان بس لا تدخل وأنت جوعان :)
 

السلام عليكم ورحمة الله وبركاته


الله لا يهينك يا آل معمر :)

بس الشرح بالصور ماش ماحنا بعارفين له :) اخاف نحرق الذبيحه

دامك انت اللي جايب الموضوع فجهز نفسك
انا علي الذبيحه وانت عليك الشوي :)

ولاتعزم بن غفره ويجي يضايقنا :) << تستانس انت على هذي الجمله




سلالالام

الاخ آل معمر

شهويتنا حسبي الله على عدوك

غير اشوا اليوم خميس يمدي



لاهنت وأبيض وجه

بيض الله وجهك يال معمر




عزالله انك كسبت ذنب فينا لنا مده ما شفنا هذا الشغل المضبوط



لاهنت ياذيبان

الاخ ال معمر
شغل مضبوط وبنحضر ولو كانت العزيمة لفارس قحطان لازم نشاركه .

بس أخوي لو صاحب الصور شيئا من الشرح كان افود
يعني يحط شىء داخل الذبيحه قبل ما يخيطها وكم من الوقت تاخذ حتى تنشوي
وكم يرفعها عن النار .

ولك الشكر على هذا الموضوع الشيق .

كفوووووووووووووووووووووووووووووو

هلا وغلا بالشباب الجوعان هخهخهخه

طبعا نسيت أقول لكم بأنني قرأت في الموقع الذي نقلت منه الصور بعض المعلومات المهمة التي تفيد في طريقة الشوي

وهي عندما تفتح بطن الذبيحة وتطلع أحشاءها وما في بطنها كاملا

تأخذ الكبدة وترجعها بالبطن

ثم بعد ذلك تقوم بخياطة بطن الذبيحة جيدا مثل ما في الصورة الثالثة

وذلك حتى يبقى البخار الناتج من الحرارة داخل بطن الذبيحة ولا يخرج منها وهذا يساعد على استواء اللحم من داخل بطن الذبيحة :)

طبعا تشوى الذبيحة بدون بهارات ولا شي فقط ملح :)

هذه أهم خطوة والباقي ما يبغالها شغلة

أهم شي تكون النار جيده والباقي سهل واضح من خلال الصور

الأخ فارس قحطان :

ماقالت شي أبشر والله باللي يشوي الذبيحة وأبو الذبيحة هخهخهخهخه

وبالنسبة لابن غفره ما يبغالها كلام لا أحد يعلمه

بس تراه فيه شيطنة شوي ما تلقاه إلا وهو طاب عليك وعلى الخروف هخهخهه

والمشكلة الأكبر إنه ما يطب عليك إلا مع استواء الذبيحة ونضجها

يعني عقله في بطنه هخهخهخههه

الله يكون في العون يا فارس قحطان

شف لأي درجة وصل حالنا مع بن غفره صاير مثل الشبح يهددنا في كل مكان

وش الحل معاه ؟

الأخ جبل بن زيد وقف وقف

يمدي على ايش ؟ هخهخهخه لا أحد ينسانا تراني فاضي ومعاي سيارة مليانه بنزين ومستعد اجيك فيك مكان

أهم شي لا يفوتني هذا اللي تبي تلحق عليه هخهخهخه

شكرا على ردك

الأخ الذيب الأشيب ووجهك أبيض

إن شاء الله نشوفه قريب مع فارس قحطان

هلا وغلا اخوي أبو سعيد الجنبي

أنا وضحت بعض المعلومات في أول ردي هذا

والشي الثاني بالنسبة للارتفاع واضح في الصورة

إذا النار جيده من متر الى متر الا ربع :)

وبالنسبة للمدة ما يبغالها مطوع هخهخهخه واضحة متى ما شفت اللحم نضج تو عيونك

يعتبر الشغلة انتهت ولا مانع من أخذ قطعة صغيرة تطعمها وتجربها :)

شكرا على ردك

الأخ ساري

اي والله كفوووووووووووووووووو الصور والموضوع

ولكن اللي أحسن منه لو نطبقها على أرض الواقع :)

شكرا للجميع

عزيزي ال معمر
دائماً مبدع في مواضيعك المطروحة , ابيض وجه ال معمر , هالله هالله في بن غفرة راعي الاولة ما يحتاج توصية وانا خوك .
تحياتي

شكراً لك اخي الكريم على هذا المشاركة


اذبح عدوه فالك الشحم والله يجود عليك ومن فعل وسواكل يبغالها حطب


وانت رائع ودمك خفيف والله يعطيك الصحه و العافيه أخوي آل معمر يا كثر الفاين ومسح السعابيل

هنهم منهم <<<<<<<يمون

والله القوم ذبيحة كامله ما عاد بقي شي ماشا الله


لاهنت يآل معمر على الصور اللي تذكرنا بالمسلسلات الاعرابية

الأخ بن غفره

اللهم آمين

اللهم آمين

اللهم آمين

نسأل الله أن يستجيب دعائك يوم تقول جعل فيه العافية

اللهم آمين

نسأل الله أن يتقبل دعاءك وأن يكون عشاي أنا وفارس قحطان فيه العافية هخهخهخهخه

يا رب استجب دعاء أخي بن غفره

هخهخهخهخه

بعدين بالنسبة لسالفة الببسي وفارس قحطان أنت وش دخلك

وده يشرب ببسي وإلا أسيد هو اللي بيتعشى ماهو بأنت هخهخهخهخهه

المهم ادع لنا إن يكون في عشانا العافية وبس :)

شوكرن لك يا طيب :)

الأخ محمد الحياني نتبادل أبو أبوها بعد ولا يهمك

بس إنت جب الذبية والحطب والصحون والببسي والمقبلات والخبز والباقي علي <<<< وش باقي هخهخهخه


هلا وغلا أخوي العزيز بو نهار

في الحقيقة ما نجي إلا من بعدك :)

بالنسبة لوصاتك على بن غفره أنت توصي نعشيه معنا وإلا نعطيه أشكل وإلا نهاوشه

ما فهمت عليك ولكن حن مستعدين بما تريد إلا إنه يحضر العشاء هذه ما نقدر هخهخهخه

شكرا لك


الأخ الفاضل عاشق الليل

أنت الأروع يا طليقان وبما غنك حبيب ومسالم الله يحييك على العشاء معي انا وفارس قحطان :)

تستاهل الكرامة طال عمرك


الأخ عبد الله بن فلاح

لا تلومهم لا خلصوا الذبيحة

أنا بغيت أكل الشاشة من زين الصور المغرية اجل وش لون لو كنت على جال الصحن :)

وبعدين هذه الصور تذكرني باللحم والعشاء الطيب وما تذكرني بالمسلسلات هههخهخهخههه

شكرا لك :)

الحمد لله توني متعشي البارحه زيه او احسن































<=====================<< متعشي فول مدمس

أبد يا آل معمر لا تعشى فارس كني متعشي <<<<<<<<<<<<<<<< المقصد الجمعه والسوالف والعشاء ما هوب هم ههههه

والبيبسي أسئل فارس عنه ويعطيك خبر


بونهار

لا توضح له المعنى خله يبطي عظم


تحيااتي للجميع

الأخ بن سابره

الحمد لله على نعمه العظيمة

شكرا لك

الاخ بن غفره

خلنا من الحركات واللف والدوران

ماحن بعازمينك يعني ماحن بعازمينك

ودك تعشا فارس قحطان وإلا لا

خل منك حركات الفهلوة والمصاريه

وبالنسبة لسالفة الببسي ما ادري عنها يا ليت تخبرنا بها وإلا يمر علينا فارس قحطان ويعطينا خبرها :)

أن كانك بتعشيني بعلمك بسالفة البيبسي !!!

لا تفظحنا وتعلم بسالفة البيبسي :017:

ببقي لك من العشا

طيب ما تبلتوا الذبيحه ...!!!!

الله ايعزك اخوي ال معمر و الله سال ريقي باللهجة التونسية الله ايبارك فيك و في الذبايح

ان شاءالله ماتكونش عاصي يا بو نهار مع التحية

لا ماني معشيك يا بن غفره والسالفة بأجيبها من فارس قحطان هخهخهخهخه


أخوي فارس قحطان طيب على الأقل ارسلها على الخاص

خلنا نأخذ من علومك وسواليفك

:)

كوكب زحل : ما يحتاج لها تتبيل

بس بعد الشوي ملح فقط وبعدها انتبه لا تأكل أصابعك من الجوع


الأخ عبد الله بن فرهود

مشكور على مشاركتك
تحياتي لك

لهنت يا وجه الرفاقه
يالمعمــــــــــــــــــــــــــــــــــــــــــــ ــــــــــــــــــــــــــــري

رد : طريقة شوي الذبيحة كاملة على الجمر ... هدية لفارس قحطان بس لا تدخل وأنت جوعان :)
 

وقايل ما يهون

شكرا على مشاركتك أخوي الرأي الصحيح