شبكة قحطان - مجالس قحطان - منتديات قحطان - قصيدة مهداة إلى الشيخ / سعد بن محمد الحبابي (سيف الحباب)

بسم الله الرحمن الرحيم

السلام عليكم ورحمة الله وبركاته

هذه القصيدة للشاعر / مشعل بن سابر
مهداة الى الشيخ / سعد بن محمد الحبابي
(سيف الحباب)

****

تبي النعم ؟ يابعده على شاربك بعداه
مادامك تحب الروح والمال تقصربه

فلايستحق النعم من ترتعد يمناه
من المدّ ولا في اللقا زرقة الحربه

ولابه بخيلٍ عند ربعك يجي له جاه
ولابه ذليلٍ في اللقا ينتستربه

ولابه رديً حصّل المجد في دنياه
ولايمكنٍ حتى بناته تفاخر به

وسود النواياعيب وصدوقها منجاه
ومنهو يغدر الناس لابد يغدربه

خذ العلم مني وافهمه واسمعه واقراه
ان كانك تحب المدح ومضيعٍ دربه

ترا الطيب مثل العيلم اللي بعيدٍ ماه
وكل حسب مجهوده وحبله وغربه

احد مسقي ربعه واحد يسقي لمن جاه
واحد سقوه لنفسه واحد مالقا شربه

وانا رجل لي مبدا وكلٍ على مبداه
كلام عليه ثبوت والناس تشعربه

انا ما امدح الا من صنع مجده بيمناه
لياغاب يفقد وان حضر ينتباشربه

صميدع مراجل طيب فعله يغيض عداه
ويفخر به الطيب ويتعب يبي قربه

فياطيبها لاصار قولي على معناه
وقمت امدح اللي طيب فعله يشهربه

كريمٍ حشيمٍ متعب حاله ومخباه
لخدمة بني عمه ومن يشكي الكُربه

عرفته بذكره قبل معرفتي محياه
هذا والله اللي مدحه يزيدني طربه

فياسيف الحباب المدح لك وانت من يزهاه
هل المدح سربه وانت في اول السربه

ولانلتها يالغايبي كون بمصالاه
كسبت الجمايل ضرب وتثقّل الضربه

وكساردن بشتك ياسعد من على مركاه
وجمّلت ناسٍ حولك وناس في الغربه

زرعت الوفا والطيب في نفس من تلقاه
وناتج ثمر زرعك يعود على التربه

فاحد حافض فعلك واحد ياسعد ينساه
ومن يجحد المعروف وش بيتعذربه

وهوا غيرك من المجد ومن الجميل ادناه
وهوا كفّك وشفّك وعينك على الذربه

تشيل الثقيله والفخر سلّمه ترقاه
من اول شبابك والوطا معلنٍ حربه

فسلامي عليك عداد من كبّر ولباه
وسلامي عليك عداد ما الطيب تذكربه

سلامٍ يغطي الكون من اوله لا اتلاه
من المشرق الاقصى الا ماورا غربه

****

وسلامتكم

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود