السلام عليكم و رحمة الله و بركاته

اعتذر عن الانقطاع

واحب اقدم لكم هذه القصيدة بمناسبة انتصار الجيش السعودي على ( الحوثيين )



[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=3 line=1 align=center use=ex num="0,black"]

تحت راية التوحيد و السيف ابو حدين = تعيش السعوديه و الامجاد تكسيها
تعزوت باسامينا و صحنا لها ملبين = نبيع النفوس اللي نشت فوق اراضيها
رمينا عمايمنا و جينا لها عجلين = بعزم و شكيمه ماحسبنا تواليها
هبيتوا ياحوثيين واعوان حوثيين = قلوب الهوان و لب الاحقاد ماليها
ماقدامكم غير الممات و عذاب العين = و عار و هزيمه بينات ٍ مواريها
نفر و نكر وندبل الصاع بالصاعين = و نجعل فناكم عبرة ٍ يـُعتبر فيها
حرام ٍ عليكم دامنا فوقها حيين = تمسّون دار ٍ لحـّفتنا محانيها
ربينا على عز و معزه سعوديين = نحب ارضها و نضد منهو يعاديها
بلاد الطهاره و القداسه و نصر الدين = و تحكيم شرع الله دستور اهاليها
و تحفيظ قران و صلاة ٍ تقام بحين = و صوت المآذن وين مارحت توحيها
و خوّه و فزعات و كرم وارحبوا و اهلين = سلوم و تقاليد ٍ تنومس طواريها
تحت حكم ابو متعب و سلطان ابوخيرين = تدوم بأمان و أمن في ظل واليها[/poem]


مبارك بن حاضر

المشاركة الأصلية كتبت بواسطة عبدالله السحيمي (المشاركة 672752) ارررررررررحب يا ابو فيصل حياك الله بعد الغيبه وانت وافي ولايجي منك قصور ياذيبان وصح لسانك عدد بلا مدد قصيده رائعه وهذي من حمياك لوطنك لاتقاطعنا ياكحيلان نحن بانتظار المزيد خالص ودي اخوك/عبدالله السحيمي

المشاركة الأصلية كتبت بواسطة مشاري بن نملان الحبابي (المشاركة 672881) أرحب يا مبارك .. من طوّل الغيبات جاب الغنايم .. صح الله لسانك واعتلى شانك .. قصيدة جزلة ووافية من رجال وافي .. وحمداً لله على انتصار الجيش السعودي على الحوثيين .. لاهنت يا الغالي ..

المشاركة الأصلية كتبت بواسطة فهد العلياني (المشاركة 672926) السسسسسسلام عليكم ارحب يابو مبارك صح لسانك وعلا شانك قصيدهـ رائعه ومن طول الغيبات جاب الغنائم لاهنت علي القصيدهـ تسلم لنا يمينك لاتحرمنا من جديدك تقبل مروري