مع التحيه والتقدير للشاعر الكبير/فلاح القرقاح
(((((نسمة الشوق)))))
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياالله يللي بامرك الغيث همال=بأمرك يدور الفلك من حول لي حول يامنزل(ن)سورة تبارك والنفال=اللي بعثت فينا نبي(ن)ومرسول عليم ما يخفاه في الكون مثقال=وعرشه على سبع السموات محمول كريم ماتحصا عطاياك وجزال=ومن لا شكر نعمتك جاهل ومجهول وانا بديت بذكرك وذكرك الفال=واسجد رضالك واذكرك قبل ما اقول وعوذ بك يامغير احوال باحوال=وعسى عملنا عندك يكون مقبول من بعد هذا هاجس الشعر راحال=وبنات فكري قامت اتصول وتجول وتصفق بي الامواج من جال لي جال=حوادث الايام شفنا بها الهول وانا احتشم من قولت القيل والقال=الله عطانا فكر واحساس واعقول عجايب الدنيا لها الوان واشكال=وانا احسب انها شدة ايام وتزول خاب اللرجاء والهم خيم ولا زال=وما فادني قولي عسى ليت ياحول والصدر ضاق وماحلى سجة البال=في الارض واخذها من العرض والطول هذي بدايه موجزه عن عنا الحال=تعبير عن ذاتي سؤالات وحلول شعر ومشاعر صادقه واظرب امثال=والوقت مثل السيف له حد مسلول هب النسيم ونسمة الشوق مرسال=تحمل سلام(ن)من ندى الورد مبلول سلام من صافي نقي عذب وزلال=واغلى من الياقوت والماس واللؤل ينصا هل الطالات ذربين الافعال= قوم(ن) لهم مجد وتواريخ وفعول شر(ن) على اهل الشر عراف عقال=وعدوهم منهم عليل(ن) ومغلول خويهم في ثاره اوفوه بالخال=عبيده اهل العز وافين وزحول والعلم ينصا شاعر(ن)حسن الاقبال=يفتل وينقض كل ماكان مفتول فهيم عارف للصعيبات حلال=بحر المعرفه عذب ويقول ويطول فلاح ابن ريفه عن الحق ما مال=وكم شاعر(ن)من هول معناه مذهول مثل الجبل شامخ ومعناز وظلال=فارس مع فرسان وسيوف وخيول قلته ولي في منهج الشعر منهال=وعن موقفي في كل ميدان مسؤل ولاني بجازي راعي الجزل بهزال=والشعر له عزه ومقدار وإصول هذا الصحيح وكلمت الحق تنقال=والكامل الله والبشر رجم وسهول وسؤ التفاهم بين الاصحاب لو طال= يكبر مع الايام ويصير مملول والشعر ادب ماضي وحاضر ولا زال=شامخ وفي ذمة هل العرف مزهول وراعي الجمل لو قالو الناس جمال= قلنا كلام الناس ماهو بمعقول لشك يالقرقاح ماظل من سال =وباب الوفاء مفتوح ماهو بمقفول وصلو على محمد عدد كل الاجيال= اللي بعث منذر بشير(ن) ومرسول[/poem] |
صح لساااااااااااااااااانك
وعلا شااااااااااااااااااااانك وسلم بنااااااااااااااااانك قصيدة جزلة من شاعر جزل لاهنت |
أبوو عبدالهااادي
أرررررررررررررررررررررررررررررررررحب أرررررررررررررررررررررررررررررررررررررررررحب حي الحرووف وحي راعيهاااا بيض الله وجــهك ... قصيده وافيه من وافي والى وافــــي وفلاح بن ريفــــه غني عن التعريف ويستاهل الطيب والمـــدح فصح الله لسانك يابوعبدالهاادي وبيض الله وجــهك تحياتي |
الله لايهينك وصح لسانك
|
صح لسانك
وبيض الله وجهك وفلاح القرقاح يستاهل أكثر ومن ربعن يستاهلون المدح عزالله أنك جزل في المعاني وأبيض وجه على القصيده تقبل تحياتي وإعجابي بالقصيده |
اررررررررررررررررحب يابوعبدالهاااادي
صح والله لسااااااااااانك وافي يا وجه قحطان وابومحمد يستاهل العلم الغانم صح لسااااانك وعلا شانك ولك مني كل التحيه محبك ومغليك عبدالله المهداني |
رائعـــــــــــــه
صح الله السانك يابو عبدالهادي يعطيك العافيه لااااااااهنت على القصيده الرائعه الجزله الوافيه والقرقاح كفوووووووو ويســــــــــــــتاهل تحياتي |
سعيد ابو ديه
صح لسانك مدد بلا عدد قصيده وافيه من شاعر وافي وفلاح القرقاح علم من اعلام الشعر ويستاهل العلم الطيب |
صح لسانك على القصيده الجزله ياسلايل جدي
ويستاهل القرقاح صبي قحطان |
صح لساااااااااااااانك ولاااا هاااانت يمينك قسم بالله..انها اطربتني وسلطنتني.. مشكور الله يعطيك الف عافيه اخوي |
الساعة الآن 01:58 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com