شبكة قحطان - مجالس قحطان - منتديات قحطان - مرثية الشاعر : سالم بن متعب بن حليمان في ابنه ناصر

السلام عليكم ورحمة الله وبركاته .~

الله يسعد أوقاتكم بالخير ..

صراحة وبدون مجاملة مجالس قحطان تطورت تطوراً مميزاً والشكر أولاً وأخيراً لإدارتنا الموقرة وكل القائمين على هذا الصرح الشامخ برجاله .. الله يقويكم جميع

يسرني ومن خلال أول مشاركة لي في مجالس قبيلة قحطان أن أقدم لكم هذه القصيدة

وأتمنى إنها تحوز على رضاكم ..

وهي قصيدة للشاعر : سالم بن متعب بن حليمان آل أبو ظهير رحمه الله

قالها عندما توفي اكبر أبنائه ناصر على اثر حادث مروري وذلك في عام 1404 هـ

وإليكم القصيدة :

[poem=font="Traditional Arabic,5,darkred,bold,normal" bkcolor="sandybrown" bkimage="" border="double,medium,darkred" type=4 line=0 align=center use=ex num="0,black"]
البارحة سهـــــــران وونّ بالكُــــــوك=ونَّة سجين شـــاف عـــزر الليــــالي
حِكِّم عليه القـــص ماهو بمفكــــــــوك =وخصمه على ذبحه صمل ما يمــالي
وان جيت بَـدْلَه دكَّ في القلب داكـــوك =والغــــــــاز ولع بالضمير اشتعـــالي
والقلب كنه من كراسيه مســلــــــــوك =والصـــدر كنه فــــوق جمر الدلالــي
وذهنت باللي دونه القبر مصكـــــــوك=وفزيت من نومي وليــــني لحـــــالـي
وقمت أتقلب كن جنبي على شـــــــوك =وأصْـــفِـقْ على يمناي كفـي الشمــالي
يا عايض اصبر مثل ما أصبرت يابوك =واللــي نحبــــــــه راح وَاعــزّتـــالي
اصبر ولا كنشٍ جرى ومتعب خــــوك =يالله إتمَّـــــه ياعــــــزيز الجـــــلالي
فيا متعب المنعور والناس خالــــــــوك=وفي المجتمع بيصــير علـم ومـجـالي
فإن ماكسبت الطيب يالقرم سبَّــــــــوك =واسمك سـقـط ماعـاد يسوى ريـــالي
خلك مع أهل الجود لصار صافــــــوك=وفي المستوى خلك بروس الــعوالـي
والبر في الأدنيـن لاضِقـت ســــــرَّوك =لما بدى شانك قضـــــاه الـمـوالـــــي
فيا طيب ربعـي عندنا مابه شكــــــــوك =لاسيروا ثم شـــــفتهم زاد حــــــالـي
وان رحت منهم صرت لابليس ممـلوك =وقمت أتذكر ياعــــرب ما جــــــرالي[/poem]

القصيدة أطول من ذلك ولكن هذا اللي حصلت عليه
ولكم خالص التحية والتقدير