شبكة قحطان - مجالس قحطان - منتديات قحطان

- مجلس عذب الكلام (https://www.qahtaan.com/vb/forumdisplay.php?f=16)

- - سجة مع الهاجوس ..! (https://www.qahtaan.com/vb/showthread.php?t=60960)

سجة مع الهاجوس ..!

سجـّه مـع الهاجـوس طبيعـةٍ لي
طبيعـة بامـوت مـاجـزت عنـهـا

اشكي على الخلاّق وأرفع لـه ايـدي
لا كثـرت الأفـكـار يـفـك منـهـا

أما الكرم قد فـاز بـه حاتـم الطـي
حتى الفرس من شان ضيفـه طعنهـا

خلوني أكرم في حياتـي وأنـا حـي
ولا مت مـدري جثتـي مـن دفنهـا

خلقت في الدنيا وأنـا مامعـي شـي
وبروح منهـا مامعـي شـي منهـا

لا بد ما نرحل عـن المـزح والغـي
ونسكن بيـوت قبلنـا مـن سكنهـا

مسكين ياللي تحسب الواجـد شـوي
والعافيـه لـو تنشـري وش ثمنهـا

ياجاهـل الدنيـا تراهـا كمـا الفـي
ويا مخبل اللـي فـي حياتـه ومنهـا

إن ناحرت لك قامـت تـروح وتجـي
مثل الذلـول اللـي طويـل رسنهـا

وإن دبـرت خلتـك طايـح و مرمـي
وكـم واحـد لـه حاجـة ماضمنهـا

النفس مثل الغصن عايش على الري
ولولاه كل الناس عافت وطنها

يا الله عسى الحسنات تقضي على السي
لا قرّبـوا للنفـس ذرعـت كفنـهـا

الشاعر / مبارك فايز السبيعي .

......

رد : سجة مع الهاجوس ..!

صح الله لسانك ولسانه لاهنت.....................

رد : سجة مع الهاجوس ..!

بيض الله وجهك وقصيده ولا اروع

مشكور

رد : سجة مع الهاجوس ..!

الاخ فواز ابو خالد

السلام عليكم ورحمة الله وبركاته

مشكور على هذا النفس الجميل الذي يعكس هواجيس كلمنا

لايخلو كل انسان من الشرود الذهني في مرحلة التأمل حتى وان كان ذلك عبث بدون معنى

الا ان ذلك ربما يعتبر متنفس ومرتع لتأمل حياة النفس وترويضها

ولعل الشاعر الذي اخترة قصيده لديه اجوبه مقنعه عن بعض هواجيسنا الحمقاء التي تشقينا عبثاً

في هذه القصيده راق لي اطلالة الشاعر عبر هذه النافذه

مسكين ياللي تحسب الواجـد شـوي
والعافيـه لـو تنشـري وش ثمنهـا

ياجاهـل الدنيـا تراهـا كمـا الفـي
ويا مخبل اللـي فـي حياتـه ومنهـا

إن ناحرت لك قامـت تـروح وتجـي
مثل الذلـول اللـي طويـل رسنهـا

وإن دبـرت خلتـك طايـح و مرمـي
وكـم واحـد لـه حاجـة ماضمنهـا

مشكور .. تقبل مرروري... تقبل تحياتي

رد : سجة مع الهاجوس ..!

ارحب يا الذيب ..

صح الله السان الناقل والقايل مدد بلا عدد ..

تقبل مروري يا القرم..