|
الليالي والايام (مصافحه اولى)
الله واكــبـــر يـالـلـيـالـي والايـــــام يالي صواديفش علـى النـاس راعـه نــاس تهدفـهـم مــع حــل الاحـــلام ونــاس تصبحـهـم بـوقـع وشنـاعـه معها على طول المدا سيـف وحـزام تنطـح شجـاع القـوم تلـوي ذراعــه عزي لمنهو مـن صواديفهـا انضـام وغـارت عليـه ولا لقـى لـه شفاعـه وعزي لمنهو كـان شيـخ وضرغـام ومن تالي اصبح مثـل تـال الجماعـه وعـزي لمنهـو كـان تـاجـر وبنـعـام ودارت عليه وعاش عيشت مجاعه والـلـي تفـرحـهـم تحـزنـهـم شـمــام واللي تصافح واللي تسحـب كراعـه ياما تفـرق مـن خـوان ومـن اعمـام بكـثـر المشـاكـل بينـهـم والقـطـاعـه تبـنـي بـيـوت الــذل ببـلـك ورخـــام وتهدم بيوت اهل الوفـى والشجاعـه وبيـت الكـرم يقلـب ملـذات وخصـام وبيـت البخـل يبنـى وبيـت اللكـاعـه واللـي تزيـن لــه بضحـكـه وهـنـدام لابــد مــا تـرجـع وتغـسـل شـراعـه الله يكـافـي شـرهـا طــول الاعـــوام والله يمـلـكـنـا الـصـبــر والـقـنـاعـه مليت وانا اعيش في عيشـت اوهـام وضاق الفضاء ياناس عقب اتساعه ولالي علـى بعـض المخاليـق ملـزام كـلـن عـلـى ماقـيـل نفـسـه وداعــه اتعبت فكري والـورق تحـت الاقـلام واحـداء هواجيسـي بثبـت ووقـاعـه وارقى بها رجـم عـلأ فـوق الارجـام رجمـن منيفـن عالـي (ن) ارتفاعـه واسريبها شرق واعـوود بهـا شـام وهاجوس شعري قال سمـع وطاعـه مـعــاد فـيـهـا ضـحــك والا تـبـسـام الأ عــلــوم لـلـمـجـالـس طـمــاعــه نبذة خفوق اللي على الشعـر ملهـام يـصـدره فـكــري بـحـبـك وبـراعــه كنها كما رسمـه علـى ألـواح رسـام بـدع بـهـا مــن فكـرتـه واختـراعـه وعنـدي مـع لبـداع لمسـات وألـمـام تصـغـي آذان المسـتـمـع لستـمـاعـه والخـيـر مقـبـل والـوعـد دوم قــدام والعلـم مثـل النـور يشـرق شعـاعـه وختامهـا صلـوا علـى سـيـد الانــام مـحـمـد الـمـخـتـار راع الـشـفـاعـه |
رد : الليالي والايام (مصافحه اولى)
لاهنت ياخوي/صالح وصح لسانك والله يكفينا وياك شر هذي وعواقبها0 وتقبل مروري0
|
رد : الليالي والايام (مصافحه اولى)
اقتباس:
الكاتب : غشام ال مهدي http://www.qahtaan.com/vb/images/qahtaan/viewpost.gif لاهنت ياخوي/صالح وصح لسانك والله يكفينا وياك شر هذي وعواقبها0 وتقبل مروري0 صح بدنك والله يعطيك العافيه لاهنت ولاشنت |
رد : الليالي والايام (مصافحه اولى)
مافيها كلام صح لسانك
لكن هناك ملاحظة واجزم يابوعون انه تسرع منك في الشطر هذا (مليت وانا اعيش في عيشـت اوهـام) ولافية احد لم يخطي في الكتابه |
رد : الليالي والايام (مصافحه اولى)
صح الله لسانك وتقبل ملاحظة ابو شارع وتحياتي
|
رد : الليالي والايام (مصافحه اولى)
اقتباس:
الكاتب : ماجد بن شارع العاصمي http://www.qahtaan.com/vb/images/qahtaan/viewpost.gif مافيها كلام صح لسانك لكن هناك ملاحظة واجزم يابوعون انه تسرع منك في الشطر هذا (مليت وانا اعيش في عيشـت اوهـام) ولافية احد لم يخطي في الكتابه صح بدنك والله لايهينك ملاحظتك مقبوله بس هل انت تقصد خطأ املائي ؟ وضح اكثر ! ؟ |
رد : الليالي والايام (مصافحه اولى)
اقتباس:
الكاتب : ناصر حسين سعد آل جمان http://www.qahtaan.com/vb/images/qahtaan/viewpost.gif صح الله لسانك وتقبل ملاحظة ابو شارع وتحياتي صح بدنك ولاهنت |
رد: الليالي والايام (مصافحه اولى)
عيشت تكتب عيشة
وانا قد غلطت املائي في قصيدتي الاخيره ولا قدر اعدلها في كلمة ظبطها والصحيح ضبطها |
رد : رد: الليالي والايام (مصافحه اولى)
اقتباس:
الكاتب : ماجد بن شارع العاصمي http://www.qahtaan.com/vb/images/qahtaan/viewpost.gif عيشت تكتب عيشة وانا قد غلطت املائي في قصيدتي الاخيره ولا قدر اعدلها في كلمة ظبطها والصحيح ضبطها لاهنت يابو شارع وماقصرت والاغلاط الاملائيه ياكثرها (المدرسين اول ماش ) لاهنت ولا شنت |
رد: الليالي والايام (مصافحه اولى)
لاهنت ياخوي/صالح وصح لسانك والله يكفينا وياك شر هذي وعواقبها0 وتقبل مروري0
|
| الساعة الآن 05:46 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com