اجمل ابيات اعجبتك في شبكة قحطان
 

رد : اجمل ابيات اعجبتك في شبكة قحطان
 

في الحقيقه ان الجمال كثير


والجزاله كثيره في هذا الموقع


وبما اني انا كاتب الموضوع راح ابدا بقصيده كامله لابو عبدالرحمن عوض بن شفلوت وهي بعنوان











[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=3 line=1 align=center use=ex num="0,black"]
العيون اللي تخفى وراء ستـار الخجـل=
مثل در غطه البحـر الاحمـر وغمـره

والعيون اللي تناظـر وترمـش بالعجـل=
اعمرت قصر من الشوق والحـظ دمـره

والعيون اللي تبحلق ولـو كانـت نجـل=
ودك انها من ورا أديس ابابـا واسمـره

فارق اللي يسحر العين بخمـار الدجـل=
لا تقـول القلـب ميـال اذا الله ومــره

انشد اللي لا ضوت ليلته سـرا الرجـل=
لين شمسه تشلع النور من ضـي قمـره

المواقف بعضها خوضه يجيـب الاجـل=
والحصان اللي ليا كـاده الشـي طمـره

والغبينه كان مرت على القلـب الوجـل=
يمكن انهـا فـي ثوانـي قليلـه تجمـره

والدروب اللي يجي بعضها ربـد حجـل=
من سحب ثوبه عليها على طول شمـره

والمعلم شيـخ علمـه قبـل لا يرتجـل=
كلمـة تغتـال ترحيبتـه قبـل ذمــره

علموا اللي شيييخ لسان حاله ما اختجـل=
يحسب انه ينـذر القـوم لا شـد كمـره

ما يخيف الحر جول الحباري والحجـل=
مير بعض الناس لوله يسـاوي مرمـره

ليت راعي الطيب في هالزمن يزرع فجل=
خير مما يزرع الـزرع ويضيـع ثمـره

يا خديني هاك جوالـي ادخـل للسجـل=
دور آخر اتصال امسـح اسمـه ونمـره

ما اصدق اللي كلمته مثل صبح منبجـل=
يوم دمعه خان محجـر عيونـه وهمـره

لا غريب ان المره تأخذ طبـاع الرجـل=
الغريب ان الرجل يأخـذ طبـاع المـره [/poem]





والخير جاي


ارجوا التفاعل مع الموضوع

رد : اجمل ابيات اعجبتك في شبكة قحطان
 

موضوع رائع ونقل مميز

وبيض الله وجهك يابو سعود


والقصايد واجد والجزل كثير

لكن في خمسة ابيات تذكرتها الآن ولي عودة بعدة
أختيارات بعد ما اشوف التفاعل على نفس الموضوع

الأبيات لشاعر / سعد بن مناحي بن شفلوت

الطيب فرصه و الجمايـل توافيـق = ومن لاتوفق ماكتـب لـه جمالـه


ومن لارقى للطيب روس الشواهيق = مازان له وقتـه علـى مابدالـه


ومادام لفعول الجمايل عشاشيـق = كسب الجمايل ما يجي بالسهالـه


ولو انها تشرب مع فكـة الريـق = كلٍ خذا له كل ما اصبـح بيالـه


والطيب منوه للقلوب المشافيـق = كلٍ يتـوق ومنوتـه راس مالـه

رد : اجمل ابيات اعجبتك في شبكة قحطان
 

سلطان ابو ديه


وخمسة ابيات من قصيده جزله


سوق الاسهم في الحقيقه ان القصيده كامله كفو لكن اخترت منها هذي الابيات

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

سوق الأسهم فيه نصب وتلاعب وإحتيال=بين شك وريب ولا عرفنا بايقه
سوقنا اللي في تدهور وأزمه وإنحلال=باح دمه كثر نزفه من اللي رايقه
والمصيبه نخسر آلاف مانربح ريال=وناس واجد مستغيضه وثله رايقه
ثلة(ن) منا وفينا ومن ابنا وآل=والضماير ميته والمشاعر فايقه
ياكلون اموالنا لاحرام ولاحلال=كل منهم ماجهلنا هدف طرايقه
[/poem]


في الحقيقه اني لا ارى اي تفاعل


لكن بأقعد اتفاعل مع عمري لين نشوف


تحياتي

رد : اجمل ابيات اعجبتك في شبكة قحطان
 

أخوي عبدالله المهداني

بيض الله وجهك وجمل الله حالك على المجهود الرايع

أما القصائد الذي تعجب فكثيره جداََ ولا تنحصر

لك فائق احترامي وتقديري

رد : اجمل ابيات اعجبتك في شبكة قحطان
 

فكره رائعه ياعبدالله

الله يعطيك العافيه

‘‘ ‘‘

قصيده للشاعر/فراج بن محمد

‘‘ ‘‘ ‘‘

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
انا لاشفت النقط ماجات فوق الحروف = ماانشد عن الشجرة اللي قاصر ٍ ضلها
وان كان راحت جمايلنا بدون امعروف = اصد واحفر لها في الارض وادفن لها
ماني بلاش ٍ ليا كثرت عليه الظروف = لايحتملها ولايقدر على حلها
انا ابذل الجهد بالماقف وكل ٍ يشوف = وفي ساعة الحسم لجحدها ولااذعن لها
الخوف بعده لمان وبعد لامان خوف = وضعف الروابع يهين النفس ويذلها
حتى القمر في مداره لو غشاه الكسوف = يشع نوره بالارض وبالسما كلها
ومن حيث وش لون مااطلع في مجلة قطوف = محد ٍ ظهر في المجله كود يرسلها
ونا بدون القصايد بيّن ٍ ومعروف = ومكانة الرجل توصل له وياصلها[/poem]

رد : اجمل ابيات اعجبتك في شبكة قحطان
 

من أجمل ما قرأت لبحـــــــــــــــــر :
[poem=font="Simplified Arabic,4,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ماغير أنا والليل وظروف العنا=والهاجس اللي للقصيده تلّني
قاسي وفي يمناه للعاشق قنا=أذللـ ــــــه بدري عليه يذلّني
يجي لي من هنا وأجيله من هنا=أنفث عليه إلين حتى زلّني
يابو العيون السود حالي في عنا=أما رحمت الحال والا جلّني
ياللي مضراً بأغتيالات الهنا=أين الطريق الى وصالك دلّني
آنا دخيلك جيش حبك دكنا=خلخل حصون القلب ثم أحتلّني
ياحبنا ياخالنا ياعمنا=ما اكل من شوفك لو أنه كلّني
حنا عليك مطوّلين بالنا=على المناوي والرجاوي خلّني
صدك وهجرك ياغناتي طالنا=وألظاهر أنه صوب قبري شلّني
يامزنة براقها ماله ســـــــنا = يرهش مطرها وبلها مابلني
والله ماتكسب بها مدح وثنا = ا لاالهروب اللي لغيرك تلني[/poem]

رد : اجمل ابيات اعجبتك في شبكة قحطان
 

وهذه الأبيات للرائع : بدر بن هادي الوبري
[poem=font="Simplified Arabic,4,gray,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
وما دام اني عبيدي وقحطاني) = ( وربعي في اللقاء نجوم مطله)
عليه با الحرام اني لا اهاجم = وارجع كل عقل في محله
فخذ علم ثمرته في بيوته = ودور للضعيف ثم قله
ولا هو (بتيامن) ( متياسر) = ولا له بيت ولا منزل له
ولكن بثها في كل ديره = لعلها توصله من صاحب له
سمعت العلم من قاصي وداني = ودورت الجريده والمجله
وان ما اعرفه لكن من كلامه = عرفت ان له دروب مستقله
يغني في دفيدوفه وكنته = وجورج وسوف ما هو بتارك له
يحط السيف في غماد القديمي = ولا ادري ويش عليه مهايط له
علامه ثم علامه ثم علامه = مذله ما بعدها من مذله
ما دام ان سنه المكسور مكسر = فيحذر لا تجي في جبهة له
يقولون الرجال اهل التجارب = لا شفت اللي يهوز طويق خله
ما دام طويق ما هو بداري به = علامك (تحرق القلب وتزله)
وانا في ذمتي ما احسب حسابه = ولكن موقف احب استغله
اذا جاني ضعيف ما تعلم = ( ابي هذا يجي له عبرت له )
واسكر باب هافين الشوارب = واطلع جمرة من تحت مله
وانا حبيت اعلمه الحقيقه = وانزل كل دلو في مدله
مساكنا شواهيق النوايف =( جنوب وكل نو مستهله)
وانا لي الفخر باني جنوبي = اذب الضلع وانزل فوق تله[/poem]

رد : اجمل ابيات اعجبتك في شبكة قحطان
 

عبد الله المهداني

بيض الله وجهك على هذه الفكره
ومشركتي أبيات لشاعر / ما يحتاج

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا[/poem]

وفق الله الجميع الى ما يحبه ويرضاه

رد : اجمل ابيات اعجبتك في شبكة قحطان
 

الأخ الغالي عبدالله المهداني


اشكرك على طرح هذه الفكره الجديده


واكثر من رائعه


وانا معجب باكثر قصايد شعراء الموقع


وعلى سبيل المثال قصيدة الشاعر / معيض بن صميع التاليه:ـ

[poem=font="MS Dialog,6,black,bold,normal" bkcolor="transparent" bkimage="" border="none,medium,gray" type=3 line=1 align=center use=sp num="0,black"]
بعض العرب يعجبك لو كان نايد=ودّك لو إنّه لك قريبٍ وتغليه
الطيب طبعه والوفاء له عوايد=واللي لك بقلبه لسانه يبدّيه
هذاك أنا بالروح لرضاه جايد=حتى ولو يخطي فلا لي مشاريه
اللي يلمّح لي بزين الفرايد=مآقول له ياكود عونك و لبيه
لبيه ياراع الفعول الوكايد=ياطيّبٍ طيبه عن الناس مغنيه
للشارده دايم من الناس صايد=وأنا على ماقيل " صيدي مذكّيه "
ماني غشيمٍ بالقنص والشرايد=آوقّف المعنى وأبرّق بخافيه
لو قلت يامحمد ولا قلت رايد=لزوم يعرف رايد إنّك تناديه
المسأله ماهي طقوس وعقايد=هذي منح والعبد له رب يعطيه
أصغر طموحي حب راع القلايد=غروٍ موّردني بحرهمٍ وتيه
وأكبرطموحي علم خافي وكايد=ياعنك ماغيري موكّد مواريه
درب السهر يامكبّرين الوسايد=درب اللي همومه بليله تسرّيه
الهرج زوده مايجيب الفوايد=والحر يفهم لالمح شي يعنيه
إعرف ترى للطيب لابد عايد=لوكان كلمة شكر للرجل تكفيه
علمك سمين وعلم غيرك بدايد="غيرك"هم اللي : يكثرون المشاريه
يامال فرقا اللي علومه نكايد=اللي يذلّ الراس للنفس مابيه
الكفو نرسل له سلام وقصايد=والفسل لاباللّه نفتّش مخابيه
السير له خطّه وللسرب قايد=والعلم له قلبٍ على طول يوحيه
لك منّي التقدير وافي وزايد=وتحيّةٍ منّي وللأمر OK
والغانمه مآني عليها بأزايد=ومن قدّم المعروف يبشر بقافيه
يشتدّ بي لا جاء نهار الشدايد=وينزاح همّه كان همّه معنّيه
وبالعون بعض الناس لو كان نايد=ودّك لو إنّه لك قريبٍ وتغليه[/poem]

ولي عوده على الموضوع لاحقاً إن شاء الله

وتحياتي للجميع

.