هية بين ال عاطف قحطان والمخاريم الدواسر مع عتيبه في نجد .
 

السلام عليكم ورحمة الله وبركاته
صبحكم الله بالخير
هذا الموضوع رواه لي من فتره طويله احد كبار السن من قبيلة ال معيلي المخاريم الدواسر يقول :

نزلوا المخاريم الدواسر حول ديار آل عاطف قحطان في وادي الركاء في نجد وبينهم عهود ومواثيق ما أحد يغزي على الثاني لأن بينهم عنّوه ونسب حيث إن الشيخ الفارس ظافر بن سمره الهلقمي شيخ قبيلة المخاريم الدواسر خال لواحد ٍ من ( ال سعيدان ) وهو الشيخ الفارس دحيم بن هادي بن مسفر بن هادي بن سعيدان .وفيه معارك كثيره شارك الشيخ الفارس ظافر الهلقمي مع آل سعيدان شيوخ آل عاطف ضد عتيبه ويام وبينهم محبة وتقدير واحترام وكذلك الشيخ الهلقمي خواله الزلال من السحمه ،
غزوا فرسان من ال عاطف على راس الشيخ الفارس مسفر بن هادي بن سعيدان ( اخو دقله ) ومعهم فرسان من المخاريم الدواسر على راس الشيخ الفارس ظافر بن سمره الهلقمي ( اخو حمساء) غزو على عتيبه في الخرايق بالقرب من ( حلبان ) وخذوا ابل للشيابين وضموا ضايعهم ولحقوهم اهل الابل ( الشيابين ) ومعهم المقطه ولكنهم ما قدروا يفكونها من فرسان ال عاطف والمخاريم لشراستهم المعروفه عقب ما جاء رمي بالبنادق بين الطرفين حتى دخلوا في ديار قحطان ومعهم ابل عتيبه المهم ان ال عاطف والمخاريم تفارقوا عودوا ال عاطف في وادي الركاء والمخاريم راحوا للهضب وكلها في نجد.

بعد فتره و المخاريم مربعين ونازلين في الهضب راحوا زوجات واخوات الشيخ الفارس ظافر الهلقمي يحشون للخيل بعيد من بيوتهم وهم يحشون جوهم الشيابين بقيادة الشيخ الفارس ابن فهيد شيخ الشيابين والحريم يعرفون شكل الشيخ ابن فهيد لأنه قد قاصر المخاريم فتره من الوقت .
قام وقال الشيخ الفارس ا بن فهيد لوحدة من زوجات الشيخ الفارس ظافر الهلقمي : [ ذيك من هي بيوته ] قالت له : [ بيوت ذبابك الازرق وعمى عينك ] قال لها : [ بيوت مشخّر ] قام الشيخ ابن فهيد وكز في وجيه الحريم التراب وقال لها : [ قومي لعن الله ابو ذي الرجلين والله ما انتي من مجاويزه قومي ] ويقصد من كلامه إنها وأهلها ماهوب كفو للهلقمي .
والشيخ ا بن فهيد شيخ الشيابين يوم نشد المرأه عارف إن البيوت بيوت الهلقمي بس يبي يثير الحريم وخذا منهم اللي حشوه للخيل وكز في وجيهم التراب
رجعوا الحريم وعلموا الشيخ الفارس ظافر الهلقمي وقام يجهز نفسه تحسباً لهجوم الشيابين على أبله يوم صاح الصايح إن الشيابين غزوه يبون أبله وبنثني دونها هو وأخوانه الخمسه ومنهم : [ محماس وطريجم ] وولده[ جري ] وقام يرميهم وعقر الكثير من الخيل وذلك برميته المعروفه [ في شخر الفارس ] وحصلت دون الابل معركة شرسه وعنيفه من قبل الطرفين انتهت بحماية المخاريم لأبلهم وهروب الشيابين.

قام وقال الشيخ الفارس ظافر بن سمره الهلقمي أبيات منها :

[poem=font="Arial,5,darkred,bold,normal" bkcolor="transparent" bkimage="backgrounds/1.gif" border="double,thin,gray" type=2 line=0 align=center use=ex num="0,black"]
يـا لـح قلـبـي لــح خـيـل ( ن) مــع لهـبـوب= حداها النشاما بالثميدي وهي عجلات .[/poem]

رد : هية بين ال عاطف قحطان والمخاريم الدواسر مع عتيبه في نجد .
 

رد : هية بين ال عاطف قحطان والمخاريم الدواسر مع عتيبه في نجد .
 

لاهنت

موضوع مميز

اشكرك وبيض الله وجهك

رد : هية بين ال عاطف قحطان والمخاريم الدواسر مع عتيبه في نجد .
 

ارحب اخوي ابا الذموم

والنعم بال عاطف وبالمخاريم

مشخر الفرسان جار عزيز وفزاع وتلزم معه الجيره وكثير جاور الجحادر واوفو معه واوفا معهم

تحياتي لك

رد : هية بين ال عاطف قحطان والمخاريم الدواسر مع عتيبه في نجد .
 

ارررررررحب يابو فراج
بيض الله وجهك على حميتك و وردك الوافي
وماعليكم زود ياخيالة الجدعاء
وافين اول وتالي
تقبل تحياتي الخاصة

رد : هية بين ال عاطف قحطان والمخاريم الدواسر مع عتيبه في نجد .
 

ارحب ملايين يا ابا الذموم
بيض الله وجهك ياكحيلان على القصص الذربة
ونعم بك وبجدك ابا الذموم الشيخ الفارس مسفر بن هادي بن سعيدان (اخو دقله) وبربعه آل عاطف
والنعم موصول للمخاريم وشيوخهم الهلاقمه ولكل من ورد ذكرهم بالسالفة

تقبل خالص تحياتي وتقديري

رد : هية بين ال عاطف قحطان والمخاريم الدواسر مع عتيبه في نجد .
 

بيض الله وجهك ياكحيلان على القصص الذربة

رد : هية بين ال عاطف قحطان والمخاريم الدواسر مع عتيبه في نجد .
 

ونعم عز الله يال عاطف ذكركم يسبقكم في كل ديرة لاهنت على السالفه اللي مهيب غريبة على حامين سمحات الوجيه

رد : هية بين ال عاطف قحطان والمخاريم الدواسر مع عتيبه في نجد .
 

أرحب يا أبا الذموم ..

بيض الله وجهك على هذه السالفة الرائعة ..

ومليون نعم بصبيان آل عاطف ..

لاهنت يا الغالي ..

رد : هية بين ال عاطف قحطان والمخاريم الدواسر مع عتيبه في نجد .
 

أررررررررررحب يا الأمير والله يبيض وجهك على العلوم الي تنومس قحطان جميعا وانت وافي في كل شي
تقبل تحياتي الخالصه