ابوي عزّي وانا لا جيت عزّ له
 

[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="double,thick,black" type=2 line=0 align=center use=ex num="0,black"]




اسعد الله اوقاتكم بالخير والمسرات


اولا : اعتذر عن هذا الانقطاع ولكن يعلم الله ان للظروف احكام ولعل مااقدمه يشفع لي


قصيده في والدي وطلبت مني اكثر من مره اتمنى ان تحوز على رضائكم



سلّم على اللي عطاني شي مايعطي = الشايب اللي رهنت العمر له كلّه

هو تاج راسي وهو ساسي ونبراسي = وهو بعد ظل الله اللي ظلني ظلّه

من غيره اللي يقدّمني على نفسه = ويرفى خمالي ويدمح عنّي الزلّه

سلّم عليه اربعه مليون تسليمه = وقلّه ياهوجاس قلبي بعدها قلّه

يلعنّي الله وتلعنّي ملائكته = ان كان عمري ماسقته كلّه رضى لّه

اكبرها نطحة عدوّ يبغي الضدّه = واصغرها لو انفعه في صبّة الدلّه

نذر علي ماافتخر فيها ولا اجامل = ابوي عزّي وانا لا جيت عزّ له

ماهي بكلمة ضعيف مايثمنها = والهرج كلٍ يبيه ان جاء على حلّه

انا لبوي اثقل من طويق وجباله = واسرع من البرق لا من جاء لزوم لّه

بالله وشني بعد حيٍ على شانه = ان مانفعته خساره اطلع ابن له

انا معه فاول الدنيا وتاليها = وما ني بناسي كلامه لا حشا لله

حتى لو اروح وامشي لآخر الدنيا = انا على اللي عليه ودربي ادلّه

ماني بخاوي من الشلاّت ضايعها = انا على العود ماني من هل الشلّه

اللي تبيع الشرف والدين والشيمه = وتخلّي العقل فيه اربع مية خلّه

انا على عزّ ابوي ومابنى جدّي = والطيب والمرجله صارت لي جبلّه

الطيب آرافقه لو تبعد دياره = والفرصه اللي تجيبه تبري العلّه

واللاش ماارافقه لو هو ولد عمّي = ماهو بكفو لي وماني بكفو لّه

وان ابتلاني عدّو رافع خشمه = بسل سيفي وليه السيف ما سلّه

دامه عدو بلاني ويش اسويبه = مثل اختي ان كانها تدخلني الذلّه

بابيع نفسي لو ان الموت قدامي = والموت واحد وانا ديني على الملّه

وان ابتلاني ضعيف ما علي منه = مادام يجهل دقاق الهرج من جلّه

وانتم ياحسّاد قولوا ماتقولونه = اللي بقلبه غليلٍ يبطي بغلّه

سلّم على اللي عطاني شي مايعطى = الشايب اللي رهنت العمر له كلّه

سلّم عليه اربعه مليون تسليمه = وقلّه يا هوجاس قلبي بعدها قلّه

في ذمتي ما علي من صكّة الدنيا = ما دام حي لي وما دمت حي لّه [/poem]

حجزززززززززززززززززززززز

فهد .. وآرحبوووووووووووووووووو مليوووووووووون


من جا ماأبطا ...


حي الشوارب ولحيها .. وحي الجزيلات حيها


أنا اشهد انك كتبت يافهد ...

وكفووو كفوووو يالبار ...

الله يخلي لك شايبك ويخليك له ... ويطول بأعماركم على طاعته ...

صح لسانك ياجزل

صح لساااااااااااااااااااااااااااااااااااااااااااااااا اااااااااااااااااااااااانك ملييييييييييييييييييييييييييييييييييييييييون

يافهد وبيض الله وجهك عند والديك ولاهنت والوالد يستاهل كل علم طيب وعسى الله يخليه لك ويطول بعمره وعسى الله يخليك له ,,,,,

تحياتي لكم جميعا

أرررررررررررحب يابو مبارك تراحيب الحيا


ومن طول الغيبات جاب الغنايم


وصح لساااااااانك على الجزلة وبيض الله وجهك يافهد


عزالله العزيز أنك كتبت ووفيت وكفيت


وأن كن به رد عليها فلا تحرمنا من ردها خابر الشايب شاعر


تقبل تحياتي وإعجابي بقصائدك الرائعه التي تسجل روعة حضورك

أخوك

بن غفره

لاهنت يالمكودر

شاعر ولد شاعر

وقصيدة فوق الجزلة0

اخوى فهد


هلابك وعسى ما عليك خلاف ؟ وبيض الله وجهك على القصيده

بيض الله وجهك



والله يسعدك ويغليك مثل ما اغليت شيبانك


الله يخليه لك ويرضيه عليك



كتبت ووفيت جعلك يمينك تسلم


لاهنت