|
((وقعة تين)) بين قحطان والأشراف
[frame="7 90"]وقعة التين : تؤكد العديد من المصادر والمرويات أن سبب هذه الوقعه مواجه كلاميه بين محمد بن ضاري من شيوخ سبيع ،وناصر بن عمر بن هادي بن قرمله عند سلطان الشريف راعي الخرمة ،والذي سبب الخلاف كرامه كانت عند الشريف وكان فيها صحنين واحد عليه قعود وخروف والثاني عليه خروف فقط.....وقال الشريف: تفضل يابن ضاري ووجهه للصحن الذي عليه القعود وخروف ووجه ابن قرمله للصحن الذي عليه خروف.... فقال ابن عمر ابن هادي : ويش قبلها يا شريف فرد الشريف أن هذه وصية أبوي لأبن ضاري وقال ابن ضاري أنا اخير منك ياناصر فرد عليه ناصر (تعقب) وعليك مردوداً البرى وهذا الكلام كان في مجلس الشريف وتفرقو على هذا الكلام حسب اقوال أغلب الرويات والله أعلم . ومن ثم غزوا قحطان وذبحوا بن ضاري وقال شاعر الجحادر في ذلك هذه القصيده : [poem=font="Simplified Arabic,5,sienna,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] ياراكب من عندنا فوق شفشوف = يشدي لهيف جفله شوف ظله ينصى الشريف اللي على الناس له نوف = والطيب لمن ضاع هم مدهل له قل ان كان ابن ضاري له العصب ملفوف = وراس السنام مقلط حشمت له رموه ربعي بالفراريح وسيوف = وكرامتك له عودة نقمةٍ له أنا من ال محمد غدة الجوف = سعد القريب وللمعادين عله [/poem] وبعدما عرف الشريف ذبحة ابن ضاري وقصيدة قحطان ثارت ثائرته وقامت الحرب بينه وبين قحطان : وأستمرت الحرب بين الطرفين فترة طويله ، اضطر محمد بن هادي شيخ قحطان لطلب النجده من ابن شافي بن سفر زعيم قبيلة بني هاجر. فقد أرسل منجوبه طلب من راكبها أن لا يقطع الشليله التي هي رمز طلب النجده بين القبائل عامه وقحطان خاصه ألا شافي ابن سفر وحمله الأبيات التاليه : [poem=font="Simplified Arabic,5,sienna,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] ياشلاش باوصيك لجيت شافي = أزهم لنا نمر المهار الملابيس وترى أول التصويت ماهوب كافي = إلين إنها تأخذ ثلاثة مراويس فا ألى نهض نمر المهار العجافي = فنقل حذرك إلى حضرعنده أبليس [/poem] فلما وصل مرسول أبن هادي ديار بني هاجر علق الشليله ، وحاول فرسان بني هاجر قطعها وهو دليل النجده (الفزعه) لأنه ينحني قحطان وأمتنع المرسول أن يقطعها ، ونادا في بني هاجر بالأستعداد ، وحالوا من قرب الأحساء العاليه نجد حيث توجد ديار قحطان ، وقد أستغرقت الرحله تسعين شدة أي مايقارب ثلاثة شهور يقول شاعر بني هاجرفي هذا المعنى : [poem=font="Simplified Arabic,5,sienna,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] نوه منوهنا وقال الفلاحي =وقال الضغن ياراعي النضو قده وتسعين ليله ما نشرة للمضاحي = والزمل ما وضع وثوره وبده [/poem] وقد استطاع قحطان وبني هاجر هزيمة الشريف في وقعة التين المعروفة , والتي كان لبني هاجر دور مهم في حسمها لصالح قحطان . يقول شاعر الأشراف في هذه الهية : [poem=font="Simplified Arabic,5,sienna,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] الله لايسقي نهار على تــيـــــــــــن = يوم خذينا يابديع به اقـطــــــــــــــاع جونا الهواجر مثل ورد محيميـــن = قطاعـة ماهمهم كثر الاطـــــــمــــاع الحمر مثل مغلثات الشياهيــــــــن = والصفر من ضرب المزاريج خراع جونا وحنا بالعدد فوق الالفيــــــن = واللي بقى منا يعيشهم الصـــــــــــاع لاشراف لانوا عقب ماكان قاسين = والشق مايرفاع خمسة عشر بـــــــاع ياليت حنا ماحربنا القحاطيـــــــن = ياما وطوا فينا صحصح القـــــــــــاع حسان بن ثابت ذكر قبل ذلحيـــن = بيتاً تعرفه جملة الناس ماضــــــــــاع يقول من مصر لحد العراقيــــــن = تهتز لركبوا على كل مطـــــــــــــواع [/poem] وهذي قصيده للشاعر : ضيدان بن عبدالله الروقي القحطاني يذكر وقعة التين فيها : [poem=font="Simplified Arabic,5,sienna,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] ياللي علينا غيرك هرج واشيـن = حنا ترا هرج الهمـج ماسمعنـاه لاتحسبـنّـا بنتـرجـا مقفّـيـن = من صد عنـا وابتعـد مارجينـاه ياشيفٍ نفسـك ترانـا قحاطيـن = من شاف نفسه تحت الاقدام دسناه يشهد لنا التاريخ يومٍ على تيـن = عز الشريف وقوم ضاري خذيناه حنا بنجد المجد عالعـز راسيـن = والسيف في دم الاعادي سقينـاه تاتي لنا الجزيه من يسار ويميـن = تاتي لبن هادي على جال مركـاه [/poem] المصدر ((الدليل والبرهان في أنساب قحطان)) علي بن شداد القحطاني أخوكم سعيد المهداني [/frame] |
كفووووو ،،، ياسعيد
أررررررحب ياسعيد انا اشهد انك ذيبان وجبت لنا السالفه وهذي المعركه من اقوى المعارك مع الشريف وكان النصر فيها لقحطان الموضوع مثبت ونسخه للميزه بعد اكتمال الردود واي واحد عنده زياده عن هذي المعركه ياليت يذكرها لنا ولكن يحاول انه يتحرى الدقه واكرر شكري لك ياسعيد على هذا الموضوع اخوك فارس قحطان |
سعيد ...نوم عيني ..والله ..ياسعيد..
مايجيب السوالف الذربه ..غير اهلها ..وقعة التين ..نسمع بها ..فعلآ ..ولكن ...مع لأسف الشديد انه لم يكن عندنا عنها المعلومه الكامله وبيض الله وجهك ..على توضيح القصيده .. وياالربع ...والله ..ان لشيبانا الأولين ..من هذي السوالف الكثير ..ولكن مثل ماسبق اقلنا ان قبيلة قحطان تعاني ..من الهضم الأعلامي ..وذلك ..عائد لعدم وجود مؤرخين ..من نفس القبيلة... اخوي سعيد : كثر الله من امثالك ..ومن امثال الكاتب ..علي ابن شداد القحطاني..الذي يشكر على كل مايقوم به من جهد في جمع سوالف واشعار ..وانساب ..قحطان [poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] قل ان كان ابن ضاري له العصب ملفوف=وراس السنـام مقلـط حشـمـت لــه رمـوه ربعـي بالفراريـح وسـيـوف=وكرامتـك لـه عـودة نقـمـةٍ لــه أنـا مـن ال محمـد غـدة الـجـوف=سعـد القـريـب وللمعـاديـن عـلـه [/poem] [poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] جونا الهواجر مثـل ورد محيميـ=نقطاعة ماهمهـم كثـر الاطمـاع[/poem] [poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] لاشراف لانوا عقب ماكان قاسيـن=والشق مايرفاع خمسة عشر بـاع ياليت حنـا ماحربنـا القحاطيـن=ياما وطوا فينـا صحصـح القـاع حسان بن ثابت ذكر قبـل ذلحيـن=بيتاً تعرفه جملة النـاس ماضـاع [/poem] [poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] ياشيفٍ نفسـك ترانـا قحاطيـن=من شاف نفسه تحت الاقدام دسناه يشهد لنا التاريخ يومٍ على تيـن=عز الشريف وقوم ضاري خذيناه حنا بنجد المجد عالعـز راسيـن=والسيف في دم الاعادي سقينـاه تاتي لنا الجزيه من يسار ويمين=تاتي لبن هادي على جال مركاه [/poem]
يمال والله السلامه ياالمهداني اخوك خالد |
كفو والله وجيه جنب عاداتهم دايم الفزعه
وجيه جنب ألي علينا عزيزين *** من جـا ذراهم يهتني في رقاده انتم هل الطالات بالعسر والين *** ونتم هـل الفزعات ونتم شـداده سمٍ على العدوان زبن المجنين *** ونتم عمى عين العـدو ونفـــاده بعض من ابيات قصيدتي في أخواني الهواجر أبناء مسفر بن مشعان الرثيع الشرمي |
تسلم والله يا سعيد المهداني على هذا النقل الموثق وبيض الله وجهك ما قصرت ...
اخوك شيخ المهادية |
الله لا يهينك ، وبيض الله وجهك
وكثر منها وانا اخوك اخوك السيف النادر |
تسلم يا أبن ماهد
على القصة المشهورة ولك خالص تحيات اخووووووووووووك نجم سهيل |
لاهنت ياسعيد المهداني ومشكور على السالفة ولكن السالفة بتمامها طويلة جدا ... لانستطيع كتابتها الا بالجهد الجهيد واما القصيدة الاولى فهي كالآتي : [poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,4,gray" type=0 line=0 align=center use=ex num="0,black"] ياراكـب مـن عندنـا فـوق زفزوف = يشـدى ظليم بالخلا مقرع له مافوقه الا الكور والخرج منسوف = وقريبته ومزهبه معدل له تنصا الشريف اللي على الناس به نوف = والجود لامنه غدا ليهم هل لـه قله ان كان ابن ضاري له الثرب مضفوف = وفرخ السنـام مقلـط حشـمـة لــه حزوه ربعـي بالمزاريج وسـيـوف = وخلي في عبلة للذيب عشا له ........................................... = وكرامتـك لـه عـودة نقـمـةٍ لــه ........................................... = وهذاك جعلنا ربي قدرة له وانا على اللي ركضها بالوطا زوف = والمثاري ماسمع القلب مثل له بآلاد روق لاعتلوا كل مزغوف = كل أبلج طرد السبايا هوى له واليا رفعت الصوت لبوهن وقوف = طابور ترك وسامع زمرة له حريبنا ننصاه بمحبب الجوف = وكم حلة في تالي وهدنا نشله وأنـا مـن آل محمـد غـدة الـجـوف = سقم الحريب وللمعادين عله وحنا جحادر من فوق كل مشحوف = ياسعد من حن في الحرايب لابة له[/poem] هذي القصيدة المشهورة .... والمنقط مات بموت اهله والقصيدة اطول من كذا فيما اذكر السموحه ... فيه بيت توني متذكره حطيته |
فعلا رائعة
عز الله انها قصة من الطراز الفريد فمنها نستفيد وشلون الرجال يردون الخطا ويتصرفون في الحال وموقف الهواجر كالعاده كبير وعلى وقته لاهنت ياسعيد اخوك / ابن شويه |
السلام عليكم ورحمة الله وبركاته فارس قحطان : لاهنت على المرور الكريم وتسلم على تثبيت الموووضووع . ************************************************** خالد : مشكوور على الرد اللي اسعدني والله لايهينك على المرور . ************************************************* قحطان : ردك نور الموضوع وماقصرت وكمل معروفك وعطنا قصيدتك في الهواجر . ************************************************ شيخ المهاديه : مرحبا والله باخووي شيخ المهاديه دمت ولاهنت على الرد . ************************************************ السيف النادر : ومن قال ماهان والله يعطيك العافيه على مرورك وردك . *********************************************** نجم سهيل : تسلم على الرد ولاهنت على مرورك للموضوع اللي زاده نور . ********************************************** ابن الاروق : لا هنت على الرد الجميل وتكملت القصيده وأقول الحمد الله على السلامه . ********************************************* أبن شويه : من قال ما يهون أشكرك على مرورك . أخوكم سعيد المهداني |
| الساعة الآن 01:30 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com