زوبعة هيل وبياله
 

شيطان شعري معي بطران
جبار لا احتجت مواله
يبدع مع خاطري الألحان
في زوبعة هيل وبياله
وخلطه مع عنبراً ولبان
من دار قابوس فنجاله
تسعين جني مية شيطان
منها البلاوي على حاله
ركبه يسير معه فرسان
وشيوخ عزن وخياله
الشعر يرسل معاه الجان
واوزن قصيدي بمكياله
اعصارها ساقه الطوفان
وسيله يحول من جباله
ماهوصياغه من الأوزان
معسوفها زاد غرباله
اسري مع هجاسي سهران
اسامر الحرف ودلاله
واليا دخلنا مع البيبان
تأصل على الجمه حباله
تمت حروفي مع القيفان
من زوبعة هيل وبياله
شعر
ناصر آل جمان
هانوفر

رد: زوبعة هيل وبياله
 

صح لسانك يابو زياااد . تحياتي وتقديري

رد: زوبعة هيل وبياله
 

صح لسانك يابو زياااد وهذي القصيد ه طرقها حجازي ويطلق عليهاء في الحجاز الكسر ه على العموم بيض الله وجهك وتقبل تحياتي وتقديري

رد: زوبعة هيل وبياله
 

صح الله بدنك أخوي ابو معتز
ومرورك وسام يالغالي

رد: زوبعة هيل وبياله
 

صح بدنك ابو مسفر
واحببت تصيح معلومتك بحر القصيده

‏حيث انه هجيني شمالي..

‏ ان هالوزن هو اشهر وزن بالهجيني
‏وان بحر الهجيني النبطي مشتق
من بحر البسيط من الشعر الفصيح

‏اما انت هيجن ليا هيجنت
‏والا انت عن فاطري حوّل

‏وابيات عبيدالعلي بن رشيد

‏يا حمود انا عارضي شابي
‏طرد الهوى.. جزت انا عنّه
‏
‏ياكود وضّاح الانيابي
‏هذاك مني وانا منّه

وشكرا لمرورك وإثراك موضوعي

مع التحيه والسلام عليكم

رد: زوبعة هيل وبياله
 

صح لسانك يابو حسين

و بالفعل هذا بحر الهجيني القصير (الشمالي)

.