محاورة بين الشاعر سعيد الفهري والشاعر عبدالله بن عتقان
 

.
محاوره بين الشاعرين سعيد الفهري وعبدالله بن عتقان
.
.
ســـعــــيــــد الــــفــــهــــري
.
.
يا سلامـي سـلام مدالاجـواد مـده ........من هجوس على روس الجبال تحداني
يا حظور النـداوي نارنـا مستبـده........يايطيح سلمي والا يطيـح قحطانـي
.
.
عـــبــــدالله بـــــــن عــتــقـــان
.
.
مرحبا من هجوسٍ فالقـاء مستعـده......... بين نظم البيوت وبين سبك المعانـي
يالعبيدي تـرى مافالمعـارك مـوده...........مارحمتك لونك واحـدٍ مـن خوانـي
.
.
ســـعــــيــــد الــــفــــهــــري
.
.
المسافه بعيـده بيـن ابهـا وجـده.......اتوقع ثلاث شهور فـوق الحصانـي
يابن عتقان جنب عنك قطن المخـده........احتزم في وجيه القوم وانهض وزاني
.
.
عـــبــــدالله بـــــــن عــتــقـــان
.
.
كان مشتاق تمشي والسفـر ماتعـده.......لوصاحبك بين سويسـرا واليابانـي
ماعطيتـك قفـاي بديـرةٍ مجرهـده......لين شفتك مع الأصحاب مالك ظماني
.
.
ســـعــــيــــد الــــفــــهــــري
.
.
وش تبي بالشطير بلا نصابه وحـده.......كان بلا حديد اطيب لـك الخيزرانـي
الضعيف على الشدات ينبـاح سـده......والجرب في بدودك يا البعير العمانـي
.
.
عـــبــــدالله بـــــــن عــتــقـــان
.
.
سيفنا عن جنوب القوم ماله مصـده......أنشد اللي هزمناهم هـذاك الزمانـي
الضعيف تهامل دمعتـه فـوق خـده.......ولا أنا ماعطيت العشر وأخذ ثمانـي
.
.
ســـعــــيــــد الــــفــــهــــري
.
.
الحشر والحساب اللي من الله لابـده.......لو تلوى في علبه في كهوف المحاني
انت في ديرتك حـر بجاهـي تهـده......يمكن انك تعشا من جنوب السمانـي
.
.
عـــبــــدالله بـــــــن عــتــقـــان
.
.
إبـن أدم يعيـش وللمقابـر مـرده.......زوالمصير النهائي نـار وألا جنانـي
وأنت خلك مع أبو زيد عشه وغـده.......لاتقول إن إبن شايق حجزلك مكانـي
.
.
ســـعــــيــــد الــــفــــهــــري
.
.
الشهود الثلاثه حـزة الضيـق عـده.......العصيمي وابو مشعاب قبل السنانـي
ابن شايق حزامي في يديـه ام خـده........وافعل الطيب بايدي قبل يهرج لساني
.
.
عـــبــــدالله بـــــــن عــتــقـــان
.
.
أدري أنك شجيع وكـل علـمٍ تسـده.....بس نورك تغيـر ياسهيـل اليمانـي
ولدعمـك لكنـك للخطـوره تـحـده.........لجل شايع وإبن ريفه وموضوع ثاني؟
.
.
ســـعــــيــــد الــــفــــهــــري
.
.
كان طال شعرك بالزيت والمشط كـده.........واعلم ان الحياه دروس والعمر فاني
من تشيخ ولاهو شيـخ جـده يـرده........لين تنداس هيبة شيخته فـي ثوانـي
.
.
عـــبــــدالله بـــــــن عــتــقـــان
.
.
ناس فوق الردوف وناس فوق الأشده......مانت واصل شدادي يافلان الفلانـي
ياسعيد أفهم الموضـوع جيبـه وده.......ميتت العز أخير من الحياة الهوانـي
.
.
ســـعــــيــــد الــــفــــهــــري
.
.
الكريم ان عطا عطـاه مـا يستـردهالكرم في نفوس سليم قاصي ودانـي
والبعير التهامي طاح في الارض شدهوالسبب في البروق اللي تهد المباني
.
.
عـــبــــدالله بـــــــن عــتــقـــان
.
.
مدنـا باليميـن وطرفـنـا مانـلـده.........مانمـن العطايـا سـر ولا بيـانـي
انتهى الطرق والفهري لابـده لابـده.........ينتظر معركه فالفيض قبل ارمضانـي

لاهنت

أخــــــــــوك

الســــــــــــــــــم القـــــــــــــــــاتل