شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)
-   -   ((طير حوران)) (https://www.qahtaan.com/vb/showthread.php?t=1113)

فهد بن دلباح 17-12-2004 02:34 AM

((طير حوران))
 
السلام عليكم

مساكم الله بالخير يابني عمي

وشحالكم اربكم طيبين

يسعدني اني اشارك معكم في ذا المجلس العامر بدعوه من اخوي /محمد بن شديد

ولكم اول مشاركه




[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
صلو على النبي

يالله ياخالق جبالً ووديان=يارافعً سبعً وسبعً طماني
يامعطين انسان ومصبر انسان =وبيدك فتوح الخير هي والجناني
تغفرلي ذنوبي ولو كنت غلطان=وتدمح خطا نفسي وزلت لساني
ارزقني الجنه بعفوك والاحسان =يامرسلً عبدك بسبعً مثاني
ماني على الدنيا شفوقً وولهان=وش لي بها ما دام حظي جفاني
صكت علي بقعا تصاريف الازمان=همً يصبحني وهمً ظواني
عمري يزيد وحالة الحظ نقصان =وان زان حظي زان بضعة ثواني
شلت الحمول اللي ثقيلات الاوزان=وثقل الحمل حيلي غدى منه واني
وانا احمد اللي فالمواقيف اعطان =جزل القصيد ووافيات المعاني
ومن الحِكم حكمة وائل ولقمان =ومن الشعر فكرة عمير شهواني
جواهرً تنثر ولولو ومرجان=عدت على وصفك يابن لصفهاني
يسلا بها الخافق ليا صار شفقان=للصاحب اللي مبطيً ما لفاني
الصاحب اللي له معزه وله شان=في وسط قلبي والضلوع المحاني
من صيف عما ولشفاياه ضميان =ولا بدا وصله ولاهو رواني
ياوجد حالي وجد من فيه نفضان =على رفيقً صد مدري نساني
الله يسمح دربه اليوم لو كان= بعده معذبني وسقمه طواني
واخلاف ذا صفة المثايل والالحان=من واهجً بلكبد ضيمه براني
بار الرفيق وقابل الطيب نكران=يقطعك يا وجه الردي والهداني
رجلً كذوب وفالمواقيف منان=واذا طلبته حاجةً قلباني
هرج القفا طبعه وله دوم عنوان=ويفرح ليا جا فالرفيق اعثراني
وش لي بقربه جعله بزود نقصان= لاصار ما ينفع وشوفه قذاني
ورجلً جمع كل المراجل والاركان=اللي بها يرقا طويل المباني
له مجلسً فيه النجر له تدندان=ويقلط الضيفان قاصي وداني
ويذبح لضيفانه مفاريد وسمان=وسيفً لربعه في عسير الزماني
فلابانت عيوبك فهو لك صوان=ويرفا خمالك كانه بيوم باني
هذا رفيقي مسندي طير حوران=والا الردي مالي في بحره مواني
زبدة كلامي والحكي فيه ميزان= رافق هل العليا وخل الحصّاني
وختامها صلوا على نسل عدنان= وسوقوا سلامٍ لي وصح لساني


وسلامتكم[/poem]

عوض بن شفلوت المناديه 17-12-2004 03:42 AM

كفو يا بني هاجر

صح لسانك يا فهد والله لايهينك

مصافحة رايعة لعشاق الشعر وننتظر منك المزيد

السيف النادر 17-12-2004 10:26 AM

صح لسااانك يافهــــد ، قصيدة رائعة جدا .

وبيض الله وجه ابن شديد اللي دعاك الى هذا المنتدى الذي هو منتداك قبل ان يكون منتدانا .

والله الله بالمشاركات اللي مثل ذي وشرواها .


اخـــ السيف النادر ـــــوك

خالد آل مطرف العاطفي 17-12-2004 03:07 PM

ارحب .. ارحب ..يافهد ..تراحيب المطر
 
ارحب ارحب ارحب
يافهد بن دلباح
وكفو والله كفو يابني هاجر
وصح السانك ..قصيده جزله ووافيه من شاعر جزل
الله يحييك ويحي اقبالك ..ووبيض الله وجه ابو شديد اللي وجه لك الدعوه وابوشديد مايجي منه الا كل علم طيب
مرحبا والله ومسهلا وسط اخوانك وبني عمك وانت راعي محل والموقع موقعك ..وننتظر مصافحاتك القادمه
بشغف ..ولاتبطي علينا ..

اخوك
اللي يرحب بك ملايين ويقول صح السانك
خالد

فارس قحطان 17-12-2004 04:14 PM

زبدة كلامي والحكي فيه ميزان= رافق هل العليا وخل الحصّاني

بيض الله وجهك يافهد ووجه ابو شديد اللي جابك لنا

وقصيدة جزله



اخوك
فارس قحطان

فهد بن دلباح 17-12-2004 09:49 PM

ارررحب يابن شفلوت


وصح بدنك يا الذيب


والرايع حظورك


لاهنت

العليي 17-12-2004 11:20 PM

ورجلً جمع كل المراجل والاركان=اللي بها يرقا طويل المباني
له مجلسً فيه النجر له تدندان=ويقلط الضيفان قاصي وداني
ويذبح لضيفانه مفاريد وسمان=وسيفً لربعه في عسير الزماني
فلابانت عيوبك فهو لك صوان=ويرفا خمالك كانه بيوم باني
هذا رفيقي مسندي طير حوران=والا الردي مالي في بحره مواني
زبدة كلامي والحكي فيه ميزان= رافق هل العليا وخل الحصّاني



كفو يا الهاجري ونعم بكم يا بني عمنا
قصيده جزله ونتظر المزيد

ابن عاصم 18-12-2004 09:21 PM

ارررررررحب مليااااااااااارات يافهد

المنتدى منتداك

وصح لساااااااانك مليارات


وعلى فكره ياشباب ترا اخوي فهد شااااعر له مشاركات رايعه فلقد قرات له الكثير وايضا يجيد المحااوره


اخووووووووووووك

ابن عاااااصم

مضواح بن جابر 24-12-2004 02:20 PM

ارحب ثم

ارحب ملييييييييييييييييييييييارات


الشاعر الغالي

فهد بن دلباح صح لسانك ياالقرم


الله يحييك بين ربعك واخوانك


لايجي منك سوي الجزل المفيد فعلا


تقبل تحيات

اخووووك مضواح بن جابر


في امان الله

ابوابراهيم العبيدي 25-12-2004 09:29 AM

اررررحب تراااحيب السيـــــــــــــل
 
ارحب ارحب ارحب
يافهد بن دلباح

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
زبدة كلامي والحكي فيه ميزان= رافق هل العليا وخل الحصّاني[/poem]
وكفو والله كفو يابني هاجر
وصح السانك ..قصيده جزله ووافيه من شاعر جزل
الله يحييك ويحي اقبالك ..ووبيض الله وجه ابو شديد اللي وجه لك الدعوه
اخوك
ابوابراهيم العبيدي


الساعة الآن 05:50 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com